Azərbaycan Respublikası Nəqliyyat, Rabitə və Yüksək Texnologiyalar Nazirliyi
| Azərbaycan Respublikasının Nəqliyyat, Rabitə və Yüksək Texnologiyalar Nazirliyi | |
| Azərbaycan Respublikası Nəqliyyat, Rabitə və Yüksək Texnologiyalar Nazirliyi | |
| |
| Nazirliyin loqosu | |
| Ölkə: |  Azərbaycan
|
| Yaradılıb: | 2017 |
| Tabeçilik: | Prezident |
| Ünvan: | Bakı |
| Əvvəlki | * Poçt və Teleqraf Nazirliyi (1918-1920 *SSRİ Rabitə Nazirliyinin Azərbaycan üzrə daimi nümayəndəliyi (1920-1953) Azərbaycan SSR Rabitə Nazirliyi (1953-1991)* Azərbaycan Respublikası Dövlət Mətbuat Komitəsi* (-18 may 1993) [1]* Azərbaycan Respublikasının Mətbuat və İnformasiya Nazirliy , (18 may 1993-19 aprel 2001)[2]* Azərbaycan Respublikası Rabitə və Yüksək Texnologiyalar Nazirliyi (2001-2017) |
| Rəhbərlik | |
| Rəhbər: | Ramin Quluzadə |
| Sayt | |
| www.mincom.gov.az | |
Azərbaycan Respublikasının Nəqliyyat, Rabitə və Yüksək Texnologiyalar Nazirliyi — rabitə (telekommunikasiya və poçt) və yüksək texnologiyalar (informasiya texnologiyaları, mikroelektronika, kosmik, nano, bio və digər innovativ elmtutumlu texnologiyalar) sahələrində dövlət siyasətini və tənzimləməsini həyata keçirən mərkəzi icra hakimiyyəti orqanıdır.
Tarixi[redaktə | əsas redaktə]
Təşkilati cəhətdən Azərbaycanda ilk rabitə dövlət qurumu 1918-ci ildə yaradılan Poçt və Teleqraf Nazirliyi olmuşdur. Məlikaslanov, A.Aşurov, C.Hacınski, C.İldırım ilk rabitə nazirləri olmuşlar. 1918-ci il mayın 28-də yaradılan Azərbaycan Demokratik Respublikası rabitənin inkişafında böyük rol oynadı. 1920-ci il aprelin 28-də Azərbaycanda Sovet hakimiyyəti qurulur və Poçt və Teleqraf komisarlığı yaradılır.
1953-cü ilə kimi Azərbaycan Rabitəsi SSRİ Rabitə Nazirliyinin Azərbaycan üzrə daimi nümayəndəsi tərəfindən idarə olunurdu. 1953-cü ildən etibarən Azərbaycan SSR Rabitə Nazirliyi yaradıldı.
Azərbaycan Respublikası Prezidentinin 20 fevral 2004-cü il tarixli Sərəncamına əsasən Azərbaycan Respublikası Rabitə və İnformasiya Texnologiyaları Nazirliyi yaradılmışdır.
Azərbaycan Respublikasının Rabitə və Yüksək Texnologiyalar Nazirliyinin yaradılması haqqında Azərbaycan Respublikası Prezidentinin 07 mart 2014-cü il Sərəncamına əsasən Nazirlik Azərbaycan Respublikasının Rabitə və İnformasiya Texnologiyaları Nazirliyi əsasında yaradılmışdır. Nazirliyə hazırda Ramin Quluzadə rəhbərlik edir.
Azərbaycan Respublikası Prezidentinin 13 fevral 2017-ci il tarixli Sərəncamına əsasən Azərbaycan Respublikasının Rabitə və Yüksək Texnologiyalar Nazirliyi Azərbaycan Respublikasının Nəqliyyat Nazirliyi ilə birləşdirilərək, onların əsasında Azərbaycan Respublikasının Nəqliyyat, Rabitə və Yüksək Texnologiyalar Nazirliyi yaradılmışdır[3].
