Azərbaycan Respublikasının Prezidenti yanında Gənclər Fondu

Vikipediya, azad ensiklopediya
Jump to navigation Jump to search
Azərbaycan Gənclər Fondu
  • Azərbaycan Respublikasının Prezidenti yanında Gənclər Fondu
Azərbaycan Gənclər Fondu.png
Ümumi məlumatlar
Ölkə Azərbaycan Azərbaycan
Yaradılma tarixi 7 fevral 2013
Əvvəlki qurum Azərbaycan Respublikasının Gənclər və İdman Nazirliyi yanında Gənclər Fondu
Tabeçilik Azərbaycan Respublikasının Prezidenti
Ünvan Azərbaycan, Bakı. Bülbül pr. 7B, Sahil Biznes Mərkəzi, mən. 4.
Rəhbərlik
İcraçı direktor Fərid Cəfərov

Rəsmi saytı youthfoundation.az

Azərbaycan Respublikasının Prezidenti yanında Gənclər FonduAzərbaycanda gənclər siyasəti ilə bağlı elm, təhsil, mədəniyyət və digər sosial sahələrə yönəlmiş fəaliyyətlərin stimullaşdırılmasını, o cümlədən beynəlxalq səviyyədə həyata keçirilən layihə və proqramları qrant şəklində maliyyələşdirilməsini təmin edən qurumdur.

Tarixi[redaktə | əsas redaktə]

Azərbaycan Respublikasının Prezidenti yanında Gənclər Fondu Azərbaycan Respublikasının Prezidenti cənab İlham Əliyevin 7 fevral 2011-ci il tarixli 826 nömrəli fərmanı[1] ilə təsis olunmuşdur. Fond Azərbaycan Respublikasının Prezidenti cənab İlham Əliyev 7 iyul 2011-ci il tarixli Sərəncamı ilə təsdiq olunmuş “Azərbaycan gəncliyi 2011-2015-ci illərdə” Dövlət Proqramının[2] həyata keçirilməsi üzrə Tədbirlər Planın[3] 6.1.4-cü bəndinə əsasən yaradılmışdır.

Fond daha öncə Azərbaycan Respublikası Gənclər və İdman Nazirliyi yanında fəaliyyət göstərmişdir.

Məqsəd və vəzifələri[redaktə | əsas redaktə]

  • Dövlət və cəmiyyət üçün əhəmiyyət kəsb edən layihələrin dəstəklənməsi;
  • Gənclərin inkişafını təmin edən regional və beynəlxalq proqramların işlənib hazırlanmasında və həyata keçirilməsi;
  • Yaradıcı gənclərin teatr, kino, memarlıq, dizayn, müasir incəsənət sahəsində layihələrinin dəstəklənməsi;
  • Gənclər təşkilatlarının inkişafı yolu ilə vətəndaş cəmiyyətini və ictimai təşəbbüskarlığının dəstəklənməsi.

İdarə edilməsi[redaktə | əsas redaktə]

Fondun fəaliyyətinə Fondun icraçı direktoru rəhbərlik edir. Fondun icraçı direktorunu Azərbaycan Respublikasının Prezidenti vəzifəyə təyin və vəzifədən azad edir. Fondun işçilərinin say həddini Azərbaycan Respublikasının Prezidenti müəyyən edir. Fondun xərclər smetasını, ştat cədvəlini, Fondun icraçı direktorunu və işçilərinin aylıq vəzifə maaşlarını Azərbaycan Respublikasının Nazirlər Kabineti təsdiq edir.

Fondun fəaliyyətinə ümumi nəzarəti Fondun Müşahidə Şurası həyata keçirir. Şura, beş üzvü müvafiq dövlət orqanlarını, dörd üzvü isə gənclər təşkilatlarını təmsil edən doqquz üzvdən ibarət tərkibdə formalaşdırılır. Şura üzvlərini Azərbaycan Respublikasının Prezidenti təyin edir. Şuranın beş üzvünü aşağıdakı dövlət orqanları (hər dövlət orqanından bir nəfər olmaqla) təqdim edirlər:

Şuranın gənclər təşkilatlarını təmsil edən dörd üzvü həmin təşkilatların yığıncağında səslərin sayına görə ilk səkkiz yeri tutmuş namizədlər sırasından təyin edilir. Şura üzvlərinin səlahiyyət müddəti 4 ildir. Eyni şəxs ardıcıl olaraq iki dəfədən artıq Şuranın üzvü ola bilməz.

Qrant müsabiqələri[redaktə | əsas redaktə]

Azərbaycan Respublikasının Prezidenti yanında Gənclər Fondunun Müşahidə Şurasının 3 oktyabr 2013-cü il tarixli iclasında Azərbaycan Respublikasının Prezidenti yanında Gənclər Fondu tərəfindən qrant müsabiqələrinin keçirilməsi qaydaları təsdiq edilmişdir[4].

Kateqoriyalar[redaktə | əsas redaktə]

A kateqoriyası[redaktə | əsas redaktə]

A kateqoriyası[5] yalnız yerli gənclər təşkilatlarının müraciəti üçün nəzərdə tutulmuşdur. Bu kateqoriyanın prioritet istiqamətləri hər qrant müsabiqəsi üçün yenilənir. Gənclərin asudə vaxtının səmərəli təşkili, ekoloji, sağlam həyat tərzi və digər bu mövzuya uyğun sahələr əhatə olunur.

B kateqoriyası[redaktə | əsas redaktə]

B Kateqoriyası[6] üzrə yerli gənclər təşkilatları, Azərbaycan həqiqətlərinin dünya ictimaiyyətinə çatdırılması və Azərbaycan gənclər təşkilatlarının beynəlxalq gənclər platformaları ilə əməkdaşlığı istiqamətində olan layihələrini təqdim edə bilərlər. B kateqoriyası üzrə layihələr Azərbaycanda və Azərbaycandan kənarda keçirilə bilər. B kateqoriyası üzrə əsas tələb minimum 5 əcnəbi ölkədən olan gənclərin təqdim olunmuş layihədə iştirakıdır.

C kateqoriyası[redaktə | əsas redaktə]

C Kateqoriyası[7] istedadlı gənclərin müxtəlif sahələrdə innovativ layihələrinin fərdi qaydada müraciəti üçün nəzərdə tutulmuşdur. 14- 35 yaş arasında gənclərin Azərbaycanda və ya xaricdə keçirilməsi nəzərdə tutulan layihələri ilə bağlı layihələr qəbul olunur. Kateqoriyaya yalnız fərdi qaydada müraciət etmək mümkündür.

D kateqoriyası[redaktə | əsas redaktə]

D Kateqoriyası (daimi) Azərbaycanlı gənc alimlərin, ictimai fəal, istedadlı və yaradıcı gənclərin xarici ölkələrdə keçirilən tədbirlərdə, habelə əcnəbi gənclərin və xarici ölkələrdə fəaliyyət göstərən gənclər təşkilatlarının nümayəndələrinin Azərbaycanda keçirilən tədbirlərdə iştirakının qismən maliyyələşdirilməsini nəzərdə tutur.

E kateqoriyası[redaktə | əsas redaktə]

E Kateqoriyası (daimi)[8] xarici ölkə araşdırmaçılarının, gənclərinin və gənclər təşkilatlarının Azərbaycanın tarix və mədəniyyətinə, habelə Ermənistan-Azərbaycan Dağlıq Qarabağ münaqişəsinə dair araşdırma və tədqiqat layihələrinin dəstəklənməsi. Bu kateqoriyada üzrə fərdi şəxslərin layihələrinin qəbulunda yaş məhdudiyyəti nəzərdə tutulmayıb.

Müsabiqələrin müddəti[redaktə | əsas redaktə]

Layihələrlə bağlı yekun qərar Fondun Müşahidə Şurası tərəfindən keçirilən iclaslarda qəbul edilir. Müsabiqənin müddət və nəticələri Fondun rəsmi internet səhifəsində[9] yerləşdirilir.

Həmçinin bax[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]

Azərbaycan Respublikasının Prezidenti yanında Gənclər Fondunun rəsmi saytı