Azərbaycan Bədii Tərcümə və Ədəbi Əlaqələr Mərkəzi

Vikipediya, azad ensiklopediya
(Azərbaycan Tərcümə Mərkəzi səhifəsindən istiqamətləndirilmişdir)
Jump to navigation Jump to search

Azərbaycan Bədii Tərcümə və Ədəbi Əlaqələr Mərkəzi - Azərbaycan Yazıçılar Birliyinin nəzdində fəaliyyət göstərən Bədii Tərcümə və Ədəbi Əlaqələr Mərkəzi Nazirlər Kabinetinin 1989-cu il 6 mart tarixli qərarı ilə yaradılıb.

Dünya ədəbiyyatı"dərgisinin sayları
Dünya ədəbiyyatı"dərgisinin sayları

Tarixi[redaktə | əsas redaktə]

Mərkəzin ilk sədri tanınmış türkoloq alim Aydın Məmmədov olub. 1991-2014-cü illərdə Mərkəzə yazıçı Afaq Məsud rəhbərlik edib və 1989-2014-cü illərdə onun baş redaktorluğu ilə Mərkəzin rüblük nəşri olan «Xəzər» jurnalı işıq üzü görüb. 2014-cü ildən Bədii Tərcümə və Ədəbi Əlaqələr Mərkəzinə şair, tərcüməçi, esseist Səlim Babullaoğlu rəhbərlik edir. Mərkəz 1991-2007-ci illər ərzində 70-ə yaxın tərcümə əsərini ayrıca kitab kimi çap edib. 2014-cü ildən Bədii Tərcümə və Ədəbi Əlaqələr Mərkəzinin nəşri «Dünya ədəbiyyatı» dərgisidir.

Dərginin qurucusu və ilk baş redaktoru Səlim Babullaoğlu, hazırkı baş redaktoru ədəbiyyatşünas, tərcüməçi Seyfəddin Hüseynlidir. Dərginin 2014-2017-ci illər ərzində Ukrayna, Rusiya, Oman, İran, İngiltərə ədəbiyyatları xüsusi sayı, «Dünya dramaturgiyası xüsusi buraxılışı» işıq üzü görüb. Bədii Tərcümə və Ədəbi Əlaqələr Mərkəzi 2014-2017-ci illərdə Ukraynanın «Vsesvti» jurnalı, Omanın Mədəniyyət Assosiasiyası, İranın Mədəniyyət Mərkəzi, Azərbaycan-Rusiya Mədəniyyət və Həmrəylik Mərkəzi, Serbiya və Moldova Yazıçılar İttifaqları, başqa təşkilatlarla əməkdaşlıq barədə Memorandum imzalayıb. 2014-cü ildən Bədii Tərcümə və Ədəbi Əlaqələr Mərkəzinin daha nəşri kimi yenilənmiş "Ulu Çinar" jurnalı (Türk xalqları ədəbiyyatı toplusu) işıq üzü görməyə başlayıb. Jurnalın baş redaktoru şair, tərcüməçi Elxan Zaldır.

Mərkəz «ATV Kitab» seriyası ilə əməkdaşlıq edir və bu əməkdaşlıq çərçivəsində dünya xalqları ədəbiyyatalarından onlarla kitab işıq üzü görüb. Bədii Tərcümə və Ədəbi Əlaqələr Mərkəzi eyni zamanda bir çox beynəlxalq ədəbi tədbirlərin təşkilatçısıdır. 2015-ci ildə ilk dəfə təşkil olunan I Bakı Beynəlxalq Poeziya Festivalı da bu sıradandır.

Xarici keçidlər[redaktə | əsas redaktə]