Azərbaycan Turizm İnstitutu

Vikipediya, açıq ensiklopediya
Jump to navigation Jump to search
Picto infobox université.png
Azərbaycan Turizm İnstitutu
Əsası qoyulub 2006
Rektor Cəfər Cəfərov
Şəhər Bakı
Ölkə Azərbaycan
Ünvan Koroğlu Rəhimov 822/23
[http://www.atmu.edu.az

Azərbaycan Turizm İnstitutu və ya qısaca ATİ — Azərbaycan Respublikası Mədəniyyət və Turizm Nazirliyinin nəzdində yaradılmış ali təhsil müəssisəsi. Azərbaycanda turizm sahəsi üçün kadr hazırlayan universitet. İnstitutun peşəkar məqsədi Azərbaycan turizm sənayesinin inkişaf etdirilməsi, qonaqpərvərlik, turizm, səyahət və istirahət sahəsində ixtisaslı kadrlara olan ehtiyacı ödəmək üçün mütəxəssislərin hazırlanması və təkmilləşdirilməsidir.

Tarixi[redaktə | əsas redaktə]

Azərbaycan Respublikası Prezidentinin 25 avqust 2005-ci il tarixli 972 saylı sərəncamına əsasən Azərbaycan Respublikasının Nazirlər Kabinetinin 13 fevral 2006-cı il tarixli 45 saylı qərarı ilə təsis edilmişdir. İnstitut dövlət təhsil sistemi standartına uyğun olaraq Azərbaycan Respublikası Mədəniyyət və Turizm Nazirliyinin nəzdində yaradılmışdır.

Azərbaycan Respublikası Prezidentinin 5 iyul 2006-cı il tarixli, 1556 nömrəli Sərəncamına əsasən Cəfər Məmməd oğlu Cəfərov Azərbaycan Turizm İnstitutunun rektoru təyin edilmişdir.[1]

Azərbaycan Respublikası Prezidentinin 22 dekabr 2014-cü il tarixli, 945 nömrəli Sərəncamına əsasən Azərbaycan Respublikasının Mədəniyyət və Turizm Nazirliyinin Turizm İnstitutunun bazasında ali təhsilin bütün pillələrində turizm və menecment sahələri üzrə kadr hazırlığını həyata keçirən Azərbaycan Respublikasının Mədəniyyət və Turizm Nazirliyinin tabeliyində Azərbaycan Turizm və Menecment Universiteti yaradılmışdır.[2]

Struktur[redaktə | əsas redaktə]

Fakültə[redaktə | əsas redaktə]

Azərbaycan Turizm İnstitutu yarandığı gündən bir - "Turizm işinin təşkili və idarəedilməsi" fakültəsi əsasında fəaliyyət göstərir. Fakültəyə dekan rəhbərlik edir və o, tədris işinin təşkilinə aid bütün məsələlərə cavabdehdir.

Əyani və qiyabi təhsil formaları üzrə 9 ixtisas üzrə bakalavr dərəcəsi verilir:

  1. "Tərcümə"
  2. "Regionşünaslıq"
  3. "Sosial iş"
  4. "Muzeyşünaslıq, arxiv işi və abidələrin qorunması"
  5. "Menecment"
  6. "Marketinq"
  7. "Turizm və otelçlik"
  8. "Macəra, ektrimal və dağ turizmi" (tələbə qəbulu dayandırılıb),
  9. "Nəqliyyat servisi" (nəqliyyat növləri üzrə)

Kafedralar[redaktə | əsas redaktə]

İnstitutda hazırda 5 kafedra fəaliyyət göstərir:

  1. "Turizm biznesinin təşkili və texnologiyası"
  2. "Turizmdə menecment və marketinq"
  3. "Turizmdə informasiya texnologiyaları"
  4. "İctimai fənlər"
  5. "Turizmin linqvistik təminatı".

Kafedralar tədris prosesinin düzgün istiqamətdə təminatını həyata keçirir. Müəllim, tədris ləvazimatları, dərslik, dərs vəsaiti kafedraya aid olan fənlərin mövzular üzrə mətnlərini və mövzuların elektron variantlarının tələbələrə çatdırılmasını təmin edir. Tədris prosesinin müasir səviyyədə təşkilini həyata keçirir.

Şöbələr[redaktə | əsas redaktə]

Tədris şöbəsi – tədris məsələlərini nizamlayır. Tələbələrə təhsillə yanaşı əldə etdikləri bilik və bacarıqların təkmilləşdirilməsi və beynəlxalq təcrübənin öyrənilməsi məqsədilə Azərbaycanda və xaricdə təcrübə imkanları yaradır. Təhil standartlarını və tədris planlarını institutun fəaliyyət və istiqamətinə əsasən hazırlayır. Tədris yükünü müəyyənləşdirir və dekanlığa təqdim edir.

Beynəlxalq əlaqələr və layihələr şöbəsi – ATİ-nin digər ali təhsil müəssisələri və beynəlxalq qurumlarla əməkdaşlığı istiqamətində fəaliyyət göstərir. 2007-ci ildə Avstriyanın Krems IMC Tətbiqi Elmlər Universiteti ilə imzalanmış müqavilə tələbələrə ATİ ilə yanaşı, həmin universitetin də diplomunu almaq şansı verir. Avropa İttifaqının "Erasmus Mundus Xarici Əməkdaşlıq Pəncərəsi" proqramı çərçivəsində Yunanıstan, Fransa, Latviya, Bolqarıstan, Italiya, Portuqaliya, Niderland və digər öləkələrin 16 ali təhsil müəssisəsi ilə mübadilə proqramı həyata keçirilir. Ali təhsil müəssisələri ilə yanaşı BMT-nin İnkişaf Proqramı, Almaniya Texniki Əməkdaşlıq Cəmiyyəti (GTZ), USAİD kimi beynəlxalq təşkilatlarla da əməkdaşlıq tələbə mübadiləsi istiqamətində əsas prioritetlərdəndir.

Tədqiqat və İnkişaf Mərkəzi – Azərbaycanın müxtəlif regionlarının turizm potensialının tədqiq etmək, problemləri, imkanları araşdırmaq, hökumətə, sərmayəçilərə və digər maraqlı tərəflərə təkliflər vermək istiqamətində iş görür.

Kitabxana İnformasiya Mərkəzi – respublikamızda turizm sahəsində zəngin fonda malik yeganə mərkəzdir. Əsasən xarici ölkələrin nəşri olan bu kitablar Heydər Əliyev Fondu, AMEA, Azərbaycan Respublikası Mədəniyyət və Turizm Nazirliyi, Türkiyə Respublikası Boğaziçi Universiteti, İsrail, Portuqaliya və ABŞ-ın Azərbaycandakı səfirlikləri, BMT-nin Azərbaycan təmsilçiliyi, BMT ÜTT, Bakı Səyahət və Ekskursiya Şurası, Avstriyanın İMC Tətbiqi Elmlər Universiteti kimi müxtəlif qurum və təşkilatların köməkliyi ilə əldə edilmişdir.

Xarici əlaqələri[redaktə | əsas redaktə]

Qafqaz Universitetlər Birliyinin üzvü idi[3].

Avstriyanın Krems Tətbiqi Elmlər Universiteti ilə imzalanmış "Turizm Sahəsi üzrə Təhsildə Əməkadaşlıq" müqaviləsinin şərtlərinə əsasən, İELTS 6.0 dərəcə toplayacaq hər bir ATİ tələbəsi dörd illik bakalavr təhsilinin sonunda həm ATİ (milli), həm də Krems Universitetinin (beynəlxalq) diplomunu alacaqdır. Bu diplomla ATİ tələbələri Avropanın istənilən ali təhsil məktəbində təhsillərini daha yüksək elmi dərəcələr üzrə təkmilləşdirmək və işlə təmin olunmaq imkanı qazanırlar.

ATİ eyni zamanda, digər iki Azərbaycan Universitetləri ilə - Xəzər UniversitetiGəncə Dövlət Universiteti ilə - birgə konsorsium tərkibində "Erasmus Mundus Xarici Əməkdaşlıq Pəncərəsi" proqramının qaliblərindəndir. Erasmus Mundus Xarici Əməkdaşlıq Pəncərəsi proqramının məqsədi Avropa Birliyi ölkələri ilə Üçüncü Dünya ölkələri arasında tələbə və akademik heyət mübadiləsinə əsaslanaraq təhsil sahəsində əməkdaşlığın inkişafını sürətləndirməkdir. Proqram çərçivəsində ATİ aşağıdakı Avropa universitetləri ilə müəllim və tələbə mübadiləsi həyata keçirir.

  • Aleksandrio Texniki Təhsil İnstitutu Yunanıstan, Saloniki
  • Angers Universiteti, Fransa
  • Rezekne Ali Təhsil İnstitutu, Latviya
  • "Angel Kançev" Rouze Universiteti, Bolqarıstan
  • Tuscia Universiteti, Italiya
  • Instituto Politecnico de Viana do Castelo, Portuqaliya
  • HAS Den Bosch Tətbiqi Elmlər Universiteti, Niderland.

Həmçinin bax[redaktə | əsas redaktə]

İstinadlar[redaktə | əsas redaktə]

  1. C. M. Cəfərovun Azərbaycan Turizm İnstitutunun rektoru təyin edilməsi haqqında Azərbaycan Respublikası Prezidentinin 5 iyul 2006-cı il tarixli, 1556 nömrəli Sərəncamı. e-qanun.az  (azərb.)
  2. Azərbaycan Turizm və Menecment Universitetinin yaradılması haqqında Azərbaycan Respublikası Prezidentinin 22 dekabr 2014-cü il tarixli, 945 nömrəli Sərəncamı. e-qanun.az  (azərb.)
  3. Tüm Uyeler. kunib.com