Azərbaycan Xalq Cümhuriyyəti Parlamentinin sədri

Vikipediya, açıq ensiklopediya
Jump to navigation Jump to search

Azərbaycan Xalq Cümhuriyyəti Parlamentinin sədri - Azərbaycan Xalq Cümhuriyyətində ali nümayəndəli, qanunvericilik orqanın başçısı.

Strukturu[redaktə | əsas redaktə]

Azərbaycan Xalq Cümhuriyyəti parlamentli respublika olduğundan Parlamentin sədri, eyni zamanda, dövlət başçısı funksiyasını yerinə yetirirdi. Azərbaycan Parlamentinin nakazına (təlimatına) görə Parlamentin iclaslarına onun sədri, sədr olmadıqda əvvəlcə Həsən bəy Ağayev, sonra isə MəmmədYusif Cəfərov, onlar olmadıqda ikinci müavin Sultanməcid Qənizadə rəhbərlik edirdilər. Parlamentin iclas protokollarını, qanun və qərarlarını sədr, o olmadıqda, müavini və Parlament iclaslarının katibləri imzalayırdılar. Parlament aparatında bütün işlərə ümumi rəhbərliyi bilavasitə sədr və onun müavinləri həyata keçirirdilər. Onlar bu işləri Parlament dəftərxanası, Parlament komissiyaları və Parlamentdə yaradılmış digər qurumlar vasitəsilə həyata keçirirdilər.

Tarixi[redaktə | əsas redaktə]

1918-ci il dekabrın 7-də açılan Azərbaycan Parlamentinə, deputatların yekdil səsi ilə, həmin dövrdə İstanbulda danı- şıqlar aparan Əlimərdan bəy Topçubaşov sədr seçilmişdi. 1919-cu ilin dekabrında o, yenidən yekdil səslə ikinci müddətə Parlamentin sədri seçilmişdir. Lakin Paris sülh konfransında (1919-20) Azərbaycan nümayəndə heyətinin rəhbəri təyin edildiyi üçün Əlimərdan bəy Topçubaşov İstanbuldan birbaşa Parisə getmiş, Azərbaycan Xalq Cümhuriyyətinin süqutuna qədər vətənə qayıda bilməmiş və mühacirətdə qalmışdı. 1918-ci il dekabrın 7-dən Parlamentin işinə rəhbərlik Parlament sədrinin birinci müavini seçilmiş Həsən bəy Ağayev tərəfindən həyata keçirilmişdir. 1919 ilin dekabrında o, yenidən Parlament sədrinin birinci müavini seçilmiş, 1920-ci il fevralın 2-də istefa verənə qədər bu vəzifəni icra etmişdir. Bundan sonra Məmməd Yusif Cəfərov Parlament sədrinin birinci müavini seçilmiş və Cümhuriyyətin süqutuna qədər Parlamentin iclaslarına sədrlik etmişdir

Həmçinin bax[redaktə | əsas redaktə]

Mənbə[redaktə | əsas redaktə]

  • Azərbaycan Xalq Cümhuriyyəti Ensiklopediyası, I cild, Azərbaycan Xalq Cümhuriyyəti Parlamentinin sədri maddəsi.

İstinadlar[redaktə | əsas redaktə]