Azərbaycan Yeni Nəsil Kommunist Partiyası

Vikipediya, azad ensiklopediya
Jump to navigation Jump to search
Quruluş tarixi 2008-ci il
Baş qərargah
İdeologiya Kommunizim, Vətənpərvərlik, Bərabərlik
Üzv sayı 2000-ə yaxın
Şüar Müstəqil, Nümunəvi, Sosialist Azərbaycan uğrunda!
Bu günlər sizin sabahlar bizim olacaq!
Mətbuat orqanı "Çağırış" qəzeti
Saytı
http://kommunist.az

Azərbaycan Yeni Nəsil Kommunist Partiyası təşkilatı (AYNKP) - Azərbaycanda dövlət qeydiyyatından keçməmiş siyasi qrup. "Çağırış" qəzetinin redaksiya heyəti əsasında ilk təşkilat özəyinin yaradılması ilə əsası qoyulub. Ölkədə kommunist quruluşunun qurulması istiqamətində fəaliyyət göstərir.

Tarixi[redaktə | əsas redaktə]

Azərbaycan Yeni Nəsil Kommunist Partiyası (AYNKP) siyasi-ictimai cərəyan olaraq 2005-ci ilin fevralından mövcuddur. 2005-2007-ci illər AYNKP dərnəkçilik formasında fəaliyyət göstərib. 2008-ci ilin əvvəlindən etibarən isə AYNKP özünün dərnəkçilik dövrünü başa vurub siyasi partiya kimi formalaşmağa başlamış və təşkilatlanma mərhələsinə qədəm qoymuşdur. Ədliyyə Nazirliyinə müraciət olunsada qeydiyyata alınmamışdır. 2009-cu ilin sonlarında fəaliyyəti müvəqqəti olaraq dayandırılmış 2011-ci ildən etibarən yenidən bərpa edilmişdir.

Rəmzləri[redaktə | əsas redaktə]

  • Məşəl – işığın, zəkanın zülmət və cəhalət üzərində qələbəsinin təntənəli ifadəsidir və özündə Babəkin sosial bərabərlik ideyalarının elmi kommunizm nəzəriyyəsiylə qovuşmasını simvolizə edir.
  • Oraq-çəkic – sadə xalqın, işçi sinfin, zəhmətkeş insanın, əmək cəbhəsinin həmrəyliyinin rəmzidir.
  • Oraqın aypara formalı olması - AYNKP-nin Azərbaycan xalqının mütərəqqi milli-mənəvi dəyərlərinin qorumasının və Azərbaycanın şərq dövləti olduğunun rəmzidir.
  • Qrmızı beşguşəli ulduz – AYNKP-nin 5 təməl prinsipinə (istiqlalçılıq, ictimaiyyətçilik, sinfilik, xalqçılıq, yenilikçilik) işarədir.
  • Qırmızı bayraq – öz başlanğıcını sosial bərabərlik və yadelli işğala qarşı mübarizədən, Babək hərəkatından götürür və bütün dünyada məzlum siniflərin istismarçılara və istibdada qarşı azadlıq mübarizəsinin ifadəsidir.

Mənbələr[redaktə | əsas redaktə]

  1. Azərbaycan Yeni Nəsil Kommunist Partiyasının proqramı. Bakı şəhəri 2008-ci il. I nəşir.

Xarici keçidlər[redaktə | əsas redaktə]

  1. Partiyanın rəsmi saytı: kommunist.biz


İstinadlar[redaktə | əsas redaktə]