Azərbaycan müxalifəti

Vikipediya, açıq ensiklopediya
Jump to navigation Jump to search

Azərbaycanda müxalifət qüvvələrinə bir neçə partiya və son illərdə bu partiyalar tərəfindən yaradılmış "Siyası Partiya Blokları" aiddir.

Partiyalar[redaktə | əsas redaktə]

ALDPaz-logo.jpg

Azərbaycan Liberal Demokrat Partiyası. Azərbaycan Liberal Demokrat Partiyasının ideologiyasının əsasında liberal demokratik dəyərlər durur. Bu partiya öz ideoloji dəyərləri baxımından Liberal Partiya ilə ideoloji yaxınlığa malikdir. ALDP proqramının əsas hədəfi liberal demokratik cəmiyyətin qurulmasıdır. Siyasi sistemdə mərkəzçi mövqe tutan partiyanın 6500-ə yaxın üzvü olduğu bildirilir. Partiyada üzvlük haqqı 0.20 AZN təşkil edir. Partiyanın büdcəsi 1000 AZN həcmindədir. Partiya 56 regional təşkilat vasitəsilə siyasi sistemdə təmsil olunur. ALDP ümumilikdə 2 qurultay və qurultay səlahiyyətli 1 konfrans keçirmişdir. Partiyada qurultaylar 5 ildən bir keçirilir. Sonuncu qurultayda hər 30 nəfərdən biri olmaqla 230 nəfər qurultay iştirakçısı seçilmişdir. Partiyada seçkili orqanlar Rəyasət Heyəti (15 üzv), sədr, şəhər və rayon təşkilatlarının sədrləridir. Partiya üzvü olan gənclər 60% təşkil edirlər. Partiyada qadınlar üzvlərin 30%-ni təşkil edir. Fuad Əliyev 2001-ci il fevralın 15-də ALDP-nin növbədənkənar konfransında sədr seçilib. 2001-ci il sentyabrın 15-də ALDP-nin I qurultayında yenidən sədr seçilib. 2017-ci il aprelin 12-i ALDP V Qurultayında yenidən sədr seçilib.

Partiyanın ictimaiyyətlə əlaqəsi, əsasən, www.ldpa.az internet saytı vasitəsilə tənzimlənir. Partiya 2005-ci il Azərbaycan Milli Məclisinə seçkilərdə 30 namizədlə iştirak etsə də, bu namizədlərdən heç biri seçilməmişdir. 2009-cu ilin bələdiyyə seçkilərində partiya 7 namizədlə iştirak edib.

Partiya iqtidar-müxalifət dialoquna pozitiv mövqedən yanaşır və 1999-cu ildə bununla bağlı iqtidara müraciət edib. Partiya mövcud resursları baxımından seçki dövründə namizədlərin kampaniyası üçün fond yaradılmasını, qanunvericilik bazasının yenidən işlənilməsini və qəbul olunmasını təklif edir.

AXCP-Müsavat

Azərbaycan Xalq Cəbhəsi Partiyası[redaktə | əsas redaktə]

Azərbaycan Xalq Cəbhəsi Partiyası 1992-ci ildə Əbülfəz Elçibəy tərəfindən yaradılıb. Bu zamanda Ayaz Mütəllibov Azərbaycan Respublikası Prezidenti postundan istefa verir və Əbülfəz Elçibəy hakimiyyətə gəlir. 1995-ci il Azərbaycan Respublikasının Milli Məclisinə seçkilərdə AXCP partiya şəklində iştirak edir və 125 yerdən 4-ünü alır. 2000-ci il Azərbaycan Respublikasının Milli Məclisinə seçkilərdə isə partiyanın 6 namizədi qalib gəlir. 2000-ci ildə Əbülfəz Elçibəyin ölümündən sonra partiya 2 qola bölünür: müasir (Azərbaycan Xalq Cəbhəsi Partiyası) və konservativ (Bütöv Azərbaycan Xalq Cəbhəsi Partiyası). Müasir qolunun sədri Əli Kərimli seçilir. 2003-cü ildə partiyanın üzvü Qüdrət Həsənquliyev prezident seçkilərində iştirak edir və 0.5% səs (13,624) toplamaqla 7 namizəd arasında 6-cı yeri tutur. 2005-ci il Azərbaycan Respublikasının Milli Məclisinə seçkilərdə AXCP partiyası Azadlıq Siyasi Partiyalar Blokunun tərkibində qatılmışdı və 125 yerdən yalnız birini qazana bilmişdi. Sonrakı illərdə AXCP "Azadlıq", "Yeni Siyasət", "AXCP-Müsavat" və "İctimai Palata" siyasi bloklarının tərkibinə daxil olur. 2008-ci ildə Prezident seçkilərində iştirak etmir, 2010-cu il Azərbaycan Respublikasının Milli Məclisinə seçkilərdə isə ümumiyyətlə yer qazana bilmir.

Müsavat Partiyası[redaktə | əsas redaktə]

Müsavat Partiyasının əsası hələ 1911-ci ildə Məmməd Əmin Rəsulzadə tərəfindən qoyulmuşdu.Yeni Müsavat Partiyasının tarixi isə 1989-ci ildən başlayıb. 1989-cu il Oktyabrın 29-da Yeni Müsavat Partiyasının Gəncədə elan olunduğu gündür. Bu hadisədən on gün sonra, noyabrın 10-da “Yeni Müsavat” qəzetinin ilk sayı çapdan çıxıb. 1989-cu il Oktyabrın 29-da Gəncədə keçirilən bir mitinqdə Azərbaycanda AMDP Yeni Müsavat adlı firqə elan olundu. Xalq qarşısında bu firqənin 6 nəfərdən ibarət təşəbbüs qrupu çıxış etdi. Bu qrupa Rauf Şenol imzası ilə tanınan Rauf Arifoğlu, Niyazi İbrahimli, Bəxtiyar Tuncay, Mənsur Əlisoy, Əziz Qaraca və Əhməd Rza daxil idi. Təşəbbüs qrupu bakıda formalaşsa da, Müsavat adında bir təşkilatın Gəncədə elan olunmasının xüsusi mənası var idi. Gəncə 1918-ci ildə Müsavat hökumətinin və istiqlalımızın ilk başkəndi olub. Ona görə də elan həmin şəhərdə oldu. Adları çəkilən şəxslər daha sonra Yeni Müsavat partiyasının katiblər şurasının üzvləri oldular. Noyabrın 26-da “Birlik” Cəmiyyəti bölündü. Əksəriyyəti AMDP Yeni Müsavata keçdi. Bu təşkilatın - AMDP Yeni Müsavatın əsas işi Azərbaycanda Müsavatın və Rəsulzadənin təbliğatını aparmaq idi.1995-ci il Azərbaycan Respublikasının Milli Məclisinə seçkilərdə partiya 1 mandatın, 2000-ci il Azərbaycan Respublikasının Milli Məclisinə seçkilərdə isə 2 mandatın sahibi oldu. 2003-ci ildə partiyanın başqanı İsa Qəmbər prezident seçkilərində iştirak edir. Bu seçkilərdə İsa Qəmbər seçicilərin 14% etimadını qazanır və yalnız İlham Əliyevdən geri qalmaqla 8 namizəd arasında 2-ci yeri tutur. Bu müxalifət təmsilçisinin prezident seçkilərində bu günə qədər göstərdiyi ən yaxşı nəticədir. Buna baxmaraq seçkilərin növbəti günündə müxalifət tərəftarları Bakıda böyük miqyaslı mitinqlər keçirdilər.

2005-ci il Azərbaycan Respublikasının Milli Məclisinə seçkilər ərəfəsində Müsavat partiyası, AXCP, ADP və digər partiyalarla birləşərək Azərbaycanda ilk siyasi blok olan Azadlıq Siyasi Partiyalar Blokunu yaratdı. Azadlıq bloku bu seçkilərdə 125 yerdən 6-sını udur və 6 yerdən 5-i Müsavat partiyasının təmsilçilərinin payına düşür. Daha sonradan bu birlik dağılır. 2008-ci ildə partiyanın heç bir təmsilçisi prezident seçkilərində iştirak etmir. 2010-cu ildə isə partiyanın heç bir təmsilçisi deputat seçkilərində qalib gələ bilmir. 2010-cu ildən etibarən AXCPMüsavat partiyaları "AXCP-Müsavat İctimai Palatası" adlı siyasi blok qururlar.

Gələcək Azərbaycan Partiyası[redaktə | əsas redaktə]

Gələcək Azərbaycan Partiyası

Gələcək Azərbaycan Partiyasının 20 dekabr 2013-cü ildə təsis konfransı keçirilib. 23 fevral 2014-cü il tarixində isə 1-ci təsis qurultayı keçirilib.[1] Və bununlada bir partiya olaraq siyasi fəaliyyətinə başlamışdır. GAP-ın ilk və hazır ki sədri Ağasif Şakiroğludur

Partiya 2015-ci il parlament seçkilərində iştirak etmək istəsə də, tam qanunsuz olaraq seçkilərə buraxılmamışdır.[2] 2016-cı il referendum seçkilərini, həmçinin 2018-ci il aprel ayında keçirilmiş növbədənkənar prezident seçkilərini boykot etmiş və nəticələrini tanımamışdır.

İslamçılar[redaktə | əsas redaktə]

Əsasən gənc,narazı islamçılar və yaşlı nəslin Azərbaycan İslam Partiyası.Uzun müddət müxalifət olaraq fəaliyyət göstərmiş AİP son zamanlar susqunlaşsa da,gənc nəsil mühafizəkar islamçıların Rifah Vətəndaş Hərəkatı ara-sıra fəallaşaraq yenidən susqunlaşır.Lakin,ənənəvi müxalifət kimi,islamçılar da hər zaman hakimiyyət üçün baş ağrısı olmuşdur.Bütün bunlara baxmauaraq,Rifah Vətəndaş Hərəkatı mühafizəkar mövqe nümayiş etdirərək hakimiyyəylə islamçıların arasını "yumşaltmağa" və çıx da dağıdıcılığa getməmək niyyətindədir.Lakin,Rifah Vətəndaş Hərəkatı da digər partiya və təşkilatlar kimi daima basqı və təzyiqlərə məruz qalmışdır.

Simalar[redaktə | əsas redaktə]

Fuad Əliyev (siyasətçi).jpg

Fuad Ağası oğlu Əliyev Əliyev Fuad Ağası oğlu 4 aprel 1970-ci ildə Bakı şəhərində anadan olub.

1986-cı ildə 160 №-li orta məktəbi bitirib. Həmin ildə Azərbaycan Xarici Dillər İnstitutuna (AXDİ) qəbul olunub.

1988-1989-cu illərdə Moskva və Mıtişi şəhərlərində orduda xidmət edib.

1992-ci ildə AXDİ-ni bitirib.

Əmək fəaliyyətinə 1986-ci ildə BNZ-də fəhləlikdən başlayıb. 1989-1991-ci illərdə Səbail rayonun Komsomol təçkilatında (sərbəst katib) işləyib. 1992-1995-ci illərdə Moskva şəhərində firmanın təsisçi və prezidenti vəzifəsində çalışıb. 1995-1996-ci illərdə Bakı Şəhər İcra Hakimiyyətinin Kooperativ idarəsində əməkdaş vəzifəsində çalışıb.

Siyasi fəaliyyətə 1997-ci ildən başlayıb. Azərbaycan Liberal Partiyasının (ALP) üzvü və ALP beynəlxalq komitəsinin əməkdaşi olub. 1998-ci il sentyabr ayından Azərbaycan Liberal Demokrat Partiyasının (ALDP) yaradılması üçün təşəbbüs qrupunun üzvü olub. 1999-cu il yanvarın 30-da ALDP təsis konfransında ALDP sədrinin I müavini seçilib. 2001-ci il fevralın 15-də ALDP-nin növbədənkənar konfransında sədr seçilib. 2001-ci il sentyabrın 15-də ALDP-nin I qurultayında yenidən sədr seçilib. 2017-ci il aprelin 12-i ALDP V Qurultayında yenidən sədr seçilib.

2008-ci il Azərbaycan Respublikası prezidenti seçkilərində prezident postuna namizədləyini irəli sürüb. Bu seçkilərdə 7 namizəd arasında Fuad Əliyev 0.77% (28,423 səs) toplamaqla altıncı yeri tutub.

Ağasif Şakiroğlu[redaktə | əsas redaktə]

Ağasif Şakiroğlu

Ağasif Şakiroğlu (d. 30 sentyabr 1988, Bakı, Azərbaycan SSR,) Gələcək Azərbaycan Partiyasının sədri və lideri Ağasif Şakiroğlu 1994-cü ildə Bakı şəhərində, 276 saylı orta məktəbə daxil olmuş və 2005-ci ildə həmin təhsil müəssisəsini bitirmişdir. 2012-ci ildə Ukraynanın Taras Şevçenko adına Kiyev Milli Universitetinin Hüquq fakultəsinin qiyabi bölməsinə qəbul olmuşdur. 2017-ci ildə ali təhsilini bitirmişdir. 2006-cı ildən ictimai-siyasi həyata qoşulan Ağasif Şakiroğlu bir qrup gənclə bərabər Azərbaycan Demokratik Gənclər Hərəkatı adlı qurum təsis edərək ictimai-siyasi fəaliyyətə başlamışdır. 2007-cı ilin sonlarında isə Müsavat Partiyasına qoşulub. 2008-ci ildə 7 fərqli gənclər hərəkatlarının birləşməsi nəticəsində yaradılmış HƏDƏF Gənclər Koalisiyasının sədri seçilmişdir. 2011-ci ilin dekabr ayının 19-da üzvü olduğu Müsavat Partiyasından istefa verərək, öz siyasi fəaliyyətini Azərbaycan Respublikasının eks-spikeri Rəsul Quliyevin lideri olduğu Açıq Cəmiyyət Partiyasında (ACP) davam etdirmişdir. 2012-ci ilin fevral ayının 13-ü eks-spiker Rəsul Quliyevin müşaviri təyin edilmişdir.2013-cü ilin yanvar ayının 12-də isə eks-spiker Rəsul Quliyevin Azərbaycandakı hüquqi və səlahiyyətli nümayəndəsi olaraq çalışmaqdadır. 2013-cü ilin noyabr ayından eks-spiker Rəsul Quliyev ACP liderliyindən ayrıldığından və dekabr ayında ACP-nin bir partiya olaraq fəaliyyətinə xitam verildiyindən Ağasif Şakiroğlu da ACP-dən təmsil etdiyi Rəsul Quliyevlə bərabər ayrılmışdır.[3] 20 dekabr 2013-cü il tarixində yeni Gələcək Azərbaycan adlı siyasi partiya təsis edən Ağasif Şakiroğlu və tərəfdarları 23 fevral 2014-cü ildə ilk təsis qurultaylarını keçirtmişlər.Gələcək Azərbaycan Partiyasının (GAP) qurultayında eks-spiker Rəsul Quliyevin Azərbaycandakı nümayəndəsi Ağasif Şakiroğlu 5 il müddətinə Gələcək Azərbaycan Partiyasının sədri seçilmişdir.[4]

Isa Qəmbər[redaktə | əsas redaktə]

İsa Qəmbər (d. 24 fevral 1957 - Bakı, Azərbaycan SSR) - Müsavat Partiyasının başqanı.

1974-1979-cu illərdə Bakı Dövlət Universitetinin tarix fakültəsində təhsil alıb. AXC-nin yaradıcılarından biri, ilk İH-nin üzvü, 1990-1991-ci illərdə AXC təşkilat şöbəsinin müdiri, sonra sədr müavini olub. 1990-cı ildə xalq deputatı seçilib. 1991-ci ildə Azərbaycan Ali Soveti Milli Şurasında Xarici İşlər komissiyasına sədrlik edib. 1992-ci ilin may ayında Ali Sovetin sədri seçilib. 1992-ci il may-iyun aylarında Azərbaycan Respublikası Prezidentinin səlahiyyətlərini icra edib. Müsavatı bərpa edən mərkəzə rəhbərlik edib və 1992-ci ilin noyabr ayında Müsavat Partiyasının III Bərpa Qurultayında təşkilatın başqanı seçilib.

2003-cü ildə Azərbaycan Respublikası Prezidenti seçkilərində iştirak edir və 14% toplayaraq ikinci yeri tutur. 2005-ci ildə "Azadlıq", 2010-cu ildə isə "AXCP-Müsavat" blokunun tərkibində 15 saylı Yasamal birinci seçki dairəsindən deputatlığa namizədliyini irəli sürüb lakin qalib gələ bilməyib. Hal-hazırda Müsavat Partiyasının başqanı, "AXCP-Müsavat" blokunun həmsədri vəzifələrində çalışır.

Əli Kərimli[redaktə | əsas redaktə]

Əli Kərimli (d. 28 aprel 1965 - Saatlı, Azərbaycan SSR) - Azərbaycan Xalq Cəbhəsi Partiyasının sədri.

1991-ci ildə Bakı Dövlət Universitetinin hüquq fakültəsini bitirir. Daha sonradan "Yurd" ictimai birliyinin yaradıcısı olub. Daha sonradan AXC Ali Məclisinin üzvü, daha sonradan isə Ali Məclisin sədr müavini vəzifəsində çalışmağa başlayıblar. 1994-cü ilin may ayında Bakı şəhərinə qayıdıb və AXCP sədrinin siyasi məsələlər üzrə müavini təyin edilib. 1995-ci il noyabrın 12-də proporsional siyahı ilə AXC-dən Milli Məclisin deputatı seçilib. Əbülfəz Elçibəyin vəfatından sonra AXCP iki hissəyə - konservativ (KXCP) və reformist qanadlara bölünür. Kərimli reformist qanadının rəhbəri olur. Hazırda AXCP-nin sədridir.

Lalə Şövkət[redaktə | əsas redaktə]

Lalə Şövkət (d. 7 noyabr 1951 - Bakı, Azərbaycan SSR) - Azərbaycan Liberal Partiyasının sədri və Vətəndaş və İnkişaf Partiyasının yaradıcısı. 2005-ci ildən aktiv siyasətdən uzaqlaşıb.

Azərbaycan Tibb Universitetində təhsil alıb. 1993-cü ildə Heydər Əliyev tərəfindən Azərbaycan Respublikası dövlət katibi vəzifəsinə təyin olunmuşdu. 1995-ci ildə Azərbaycan Liberal Partiyasının əsasını qoyub. 2003-cü ildə Azərbaycan Respublikası Prezidenti seçkilərində iştirak edib və 7 namizəd arasında 4-cü yeri tutub. 2005-ci ildə Azadlıq Siyasi Partiyalar Blokuna qoşulub, lakin parlamentdə yer uda bilməyib. Bundan sonra aktiv siyasətdən uzaqlaşıb.

Rəsul Quliyev[redaktə | əsas redaktə]

Rəsul Bayram oğlu Quliyev

Rəsul Quliyev (d. 10 dekabr 1947 - Qazançı, Naxçıvan MSSR, Azərbaycan SSR, SSRİ) — Azərbaycan Respublikası Milli Məclisinin sabiq sədri, Gələcək Azərbaycan Partiyasının fəxri üzvü.

1989-cu ildə Sovet İttifaqında ilk dəfə olaraq, rəhbərlik etdiyi Baki Neftayırma zavodunda alternativ əsasla seçki təşkil edir. 1990-ci ildə Azərbaycan Respublikasının Ali Sovetinə deputat seçilir. 1991-ci ildə Azərbaycan Respublikası Dövlət Müstəqilliyini bərpa etdikdən sonra - 1992-ci il dekabrın 7-də Azərbaycan Respublikası Dövlət Neft Şirkətinin vitse-prezidenti-Neft və qaz emalı üzrə Baş İdarənin rəisi təyin edilir. 11 may 1993-cü ildə Azərbaycan Respublikası Baş nazirinin müavini təyin edilmişdir. 1993-cü ilədək bu vəzifədə çalışmışdır. 29 iyul 1993-cü ildə Azərbaycan Respublikasının xalq deputatı olan Rəsul Quliyev Azərbaycan Respublikası Milli Məclisinin üzvü seçilmişdir. 1995-ci ildə yenidən Milli Məclisin üzvü və Azərbaycan Parlamentinin sədri seçilib. 1996-cı il sentyabrın 11-də Milli Məclisin sədri postundan istefa verib. Həmin ildən bu günə kimi ABŞ-da siyasi mühacir həyatı yaşayır. 2003-cü ildə keçirilmiş Azərbaycan Respublikası prezidentinin seçkilərində Azərbaycan Demokrat Partiyası tərəfindən Azərbaycan Respublikası prezidentliyinə namizədliyi irəli sürülmüş, lakin Azərbaycan Respublikası Mərkəzi Seçki Komissiyası tərəfindən Azərbaycan Respublikası prezidentliyinə namizəd kimi təsdiq olunmamışdır. 2005-ci ildə Azərbaycanda parlament seçkilərinə qatılmag məqsədilə vətənə qayıdarkən, Azərbaycan beynəlxalq hava limanı Rəsul Quliyevin mindiyi təyyarəni qəbul etməkdən imtina edir. Buna görə də təyyarə məcburi olarag Ukraynanın Simferopol şəhərinə enir. Orada Rəsul Quliyev isə Azərbaycan hökumətinin təzyiqi sayəsində həbs edilir. ABŞ və nüfuzlu beynəlxalq təşkilatların təzyiqi nəticəsində 3 gündən sonra azadlığa buraxılır. 2011-ci ildə Strasburq Beynəlxalq Məhkəməsi onun 2005-ci ildə Azərbaycanda keçirilən parlament seçkilərində qələbə qazanması barədə qərar qəbul edib. 2011-ci ilin dekabr ayında internetdə öz blogunu yaradıb və 2013-cü il Azərbaycan Respublikası Prezidenti postuna namizədliyini irəli sürəcəyini bildirib. Bundan başqa 2012-ci ildə o Azərbaycanın digər müxalifət liderlərinə ismarıj göndərərək onların siyasətdən getmələrini tələb edib. Rəsul Quliyevin dediyinə görə o 2013-cü ilə qədər Azərbaycana qayıdacaq və burada yeni və güclü bir müxalifət partiyası yaradacaq.

İqbal Ağazadə[redaktə | əsas redaktə]

İqbal Ağazadə - (d. 18 sentyabr 1968 - Füzuli, Azərbaycan SSR, SSRİ) — Ümid Partiyasının sədri.

Bakı Dövlət Universitetində şərqşünaslıq fakültəsində və Kiyev Dövlət Universitetində hüquqşünaslıq fakültəsində təhsil alıb. 2000-ci ildə Ümid Partiyasının sədri seçilib. 2000-ci il Azərbaycan Respublikasının Milli Məclisinə seçkilərdə 3 saylı Xətai üçüncü seçki dairəsindən qalib gəlib. 2005-ci ildə yenidən deputat seçilib. Bundan başqa 2005-ci ildə Azadlıq Siyasi Partiyalar Blokunu dəstəkləyib və onların mitinqlərində də iştirak edib. 2008-ci ildə Azərbaycan Respublikası Prezidenti seçkilərində iştirak edib və 2.32% səs yığmaqla 2-ci yeri tutub. Lakin hələ seçkilərdən qabaq o seçkilərin nəticələrini qəbul etməyəcəyini bildirib. 2010-cu ildə deputat seçkilərində qalib gələ bilməyib.


Gənc fəallar[redaktə | əsas redaktə]

Tural Abbaslı(Müsavat),Əhəd Məmmədli(Müsavat),Əbülfəz Qurbanlı(AXCP),Bəxtiyar Hacıyev,Turqut Qəmbər(NİDA),Azad İsazadə(AGT),Cavad Qurbanlı(Rifah Vətəndaş Hərəkatı),Asim Məmmədov(Rifah Vətəndaş Hərəkatı),Hacı Tale Bağırov və s. kimi gənc liderlər də olmuşdur.Lakin bu gənclərin fəaliyyətinə hər zaman əngəllər də yaradılmışdır.

Siyasi bloklar[redaktə | əsas redaktə]

Bizim Azərbaycan (2003-2005)[redaktə | əsas redaktə]

"Bizim Azərbaycan" siyasi partiyalar bloku 29 mart 2003 tarixində təsis olunub. Bu bloka 21 siyasi partiya və onlarla siyasi icma daxil olub. 2003-cü il prezident seçkilərində bu blok İsa Qəmbəri dəstəkləyib. Seçkilərdən sonra isə 2 qola bölünüb. Birinci qol İsa Qəmbəri dəstəkləməyə davam edib və 2005-ci ildə Azadlıq Siyasi Partiyalar Blokuna daxil olub. İkinci qol isə bir müddətdən sonra dağılıb.

Azadlıq

Azadlıq (2005)[redaktə | əsas redaktə]

2005-ci il Azərbaycan Respublikasının Milli Məclisinə seçkilər ərəfəsində Azərbaycanın müxalifət partiyaları birləşərək Azərbaycanda ilk siyasi partiyalar bloku olan Azadlıq Siyasi Partiyalar Blokunu yaratdılar. Bu blokun üzvləri: Azərbaycan Xalq Cəbhəsi Partiyası, Müsavat Partiyası (yaradıcıları), Azərbaycan Demokrat Partiyası, Azərbaycan Liberal Partiyası və həmin zaman hələ rəsmən partiya statusu almamış Vətəndaş və İnkişaf Partiyası. Bu partiyaların sədrləri İsa Qəmbər, Əli KərimliLalə Şövkət Azadlıq blokunun aktiv liderləri idilər. Seçkilərdən qabaq blok üzvləri keçmiş Qələbə kinoteatrının qarşısında böyük miqyaslı mitinqlər keçirirdilər. Seçkilərdə Azadlıq bloku cəmi 6 yer uda bildi. Bu 6 yerdən 5-i Müsavat Partiyasının, 1-i isə Azərbaycan Xalq Cəbhəsi Partiyasının payına düşdü. Seçkilərdən sonra 2006-cı ildə Azadlıq bloku fəaliyyətini dayandırdı.

YES (2005-2007)[redaktə | əsas redaktə]

2005-ci il Azərbaycan Respublikasının Milli Məclisinə seçkilərdən qabaq Azərbaycanda daha bir siyasi blok yaradılmışdı. Bu blokun adı "Yeni Siyasət" (YeS) olmuşdur. Bu blokun ümumilikdə 8 üzvü var idi: Eldar Namazov, Yaqub Məmmədov, Vahid Əhmədov, Əli Məsimov, Rəhim Hüseynov, Eldəniz Quliyev, Rəşid Hacılı və Samir Cəfərov. Blokun bütün üzvləri azad namizədlər idi və heç bir partiyaya daxil deyildilər. 2007-ci ildə bu siyasi blok fəaliyyətini dayandırdı.

AXCP-Müsavat (2010)[redaktə | əsas redaktə]

2010-cu ildə MüsavatAXCP birləşərək "AXCP-Müsavat" adlanan siyasi blok yaratdı. Lakin bu blok 2010-cu il Azərbaycan Respublikasının Milli Məclisinə seçkilərdə bu blok mandat uda bilməmişdi. Bu siyasi blok hal-hazırda fəaliyyət göstərir.

Mitinqlər[redaktə | əsas redaktə]

2003-cü ildə Azərbaycan Respublikası Prezidenti seçkilərindən sonra rəsmi açıqlamaya görə 14% səs yığaraq məğlub olan İsa Qəmbər seçkilərin saxtalaşdırıldığını bəyan etdi və Bakıda genişmiqyaslı mitinqlərə başlandı.Mitinqlər polis gücü ilə dağıdıldı.Qarşıdurmalar zamanı beş nəfər ölmüş,200 ə yaxın insan ağır yaralanmışdır.Yüzlərlə insan həbs olunmuşdur ki,onların da bəzilə həbsxanada ölmüşdür.

2005-ci ildə Azərbaycanda yaradılmış Azadlıq bloku Bakı şəhərində böyük miqyaslı mitinqlər keçirməyə başladı. "Narıncılar" adı altında tanınan mitinqçilər Bakı şəhərində keçmiş Qələbə kinoteatrının qarşısında olan meydanda keçirilirdi. Bu mitinglərin bir hissəsi icazə ilə keçirilsə də digərləri icazəsiz keçirilib və polis tərəfindən dayandırılıb.26 noyabr 2005-ci ildə keçirilən son mitinq polis tərəfindən dağıdılmış,ölən və yüzlərlə yaralanan olmuşdur.300 dən artıq insan həbs olunmuşdur.

2011-ci ilin ərəb baharı hadisələrindən sonra 11 mart günü bir qrup gənc Bakıda etiraz aksiyası keçirməyə cəhd göstərdi,nümayişçilər polis tərəfindən saxlandı.Saxlanan gənclər bir neçə gün sonra azad edildi.AXCP və Müsavat partiyalarının fəalları yenidən 17 aprel 2011-də Bakıda mitinq təşkil etmiş və nümayiş polis tərəfindən dağıdılmışdır.Bu aksiyalarda ümumi 300 ə yaxın insan həbs olunmuş,yaralılar olmuşdur.

2012-ci ildə Eurowision ərəfəsində Bakıda mitinqlər keçirilmişdir.Bu aksiyalardan bəziləri razılaşdırılmış,bəziləri razılaşdırılmamışdı.Razılaşdırılmamış aksiyalar dağıdılmışdır.Həmin ilin ən qorxunc aksiyası 5 oktyabrda İslamçıların Təhsil Nazirliyi qarşısında keçirdiyi "Hicaba azadlıq" aksiyası olmuşdur.qarşıdurmalar zamanı 10 polis,50 ə yaxın İslamçı yaralanmış,70 nəfər həbs olunmuşdur.

Liderlər[redaktə | əsas redaktə]

Partiya Lider Sədr seçildiyi il
Müsavat Partiyası İsa Qəmbər 1992
Gələcək Azərbaycan Partiyası Ağasif Şakiroğlu 2014
Azərbaycan Xalq Cəbhəsi Partiyası Əli Kərimli 2000
Azərbaycan Liberal Partiyası Lalə Şövkət 1995
Ümid Partiyası İqbal Ağazadə 2000
Bütöv Azərbaycan Xalq Cəbhəsi Partiyası Qüdrət Həsənquliyev 2004
Azərbaycan Demokrat Partiyası Sərdar Cəlaloğlu 2007
Vətəndaş və İnkişaf Partiyası Əli Əliyev 2007
Dünyəvi Bozqurd Partiyası Şakir Ulubəy 1993


Mənbə[redaktə | əsas redaktə]

Xarici keçidlər[redaktə | əsas redaktə]

Həmçinin bax[redaktə | əsas redaktə]

İstinadlar[redaktə | əsas redaktə]