Azərbaycan (qəzet)

Vikipediya, açıq ensiklopediya
(Azərbaycan qəzeti səhifəsindən istiqamətləndirilmişdir)
Keçid et: naviqasiya, axtar
Azərbaycan
Azərbaycan (qəzet).JPG
Format A2
Təsisçi(lər) Azərbaycan Respublikası Milli Məclisinin orqanı
Baş redaktor Bəxtiyar Sadıqov
Yaranma tarixi 15 sentyabr 1918
Dil Azərbaycan dili
Qiymət 40 qəpik
Səhifə 8-16
Baş qərargah Bakı ş., Mətbuat pr. 529-cu məhəllə, 4-cü mərtəbə
Tiraj 10445 (2014-cü il)[1]
Sayt Azərbaycan Qəzeti

"Azərbaycan" — Rəsmi dövlət qəzeti. Milli Məclisin orqanı.

1918-ci ildə yaradılıb. ADR hökuməti 1918-ci il 3 iyulunda "Azərbaycan Cümhuriyyəti hökumətinin xəbərləri" adı altında öz rəsmi orqanının dərcinə başlanması haqqında qərar verdi. Beləliklə, "Azərbaycan" qəzetinin parlament orqanı kimi ilk nömrəsi 15 sentyabr 1918-ci il tarixində - Qafqaz İslam Ordusunun Bakını erməni-bolşevik işğalından, zülmündən azad etdiyi gün Gəncədə işıq üzü gördü. İlk redaktorlarından biri Üzeyir bəy Hacıbəyli olub. Qəzet 1919-ci il dekabrın 28-nə qədər Üzeyir bəyin qardaşı Ceyhun bəy Hacıbəylinin imzası ilə çıxıb. O dövrdə nəşrin ərsəyə gəlməsində Ceyhun bəy Hacıbəylinin əməyi və xidmətləri şəksizdir. Azərbaycan Demokratik Respublikası nin süqutundan sonra ölkədən köçmək məcburiyyətində qalan Ceyhun bəy Hacıbəyli öz mühacirlik həyatında da eyni adlı qəzet buraxmağa çalışmış və 1951-ci ildə buna Münxendə (Almaniyada) nail olmuşdu.

1991-ci ildə respublikamızda rəsmi parlament qəzeti təsis edilərkən Qarabağa Xalq Yardımı Komitəsinin bu adda qəzeti çıxdığından onu "Azərbaycan" adlandırmaq mümkün olmadı. Nəşrə ilk "Azərbaycan"la eyni dövrdə çıxan, onun reqaktor və müəlliflərinin əməkdaşlıq etdiyi "Həyat" qəzetinin adı verildi. 444 nömrədən sonra isə (23 sentyabr 1992-ci ildə) Azərbaycan Respublikasının parlament orqanına öz adı - "Azərbaycan" qaytarıldı. Qarabağa Xalq Yardımı Komitəsinin nəşri "Azərbaycan" adlandırılsa da, onun rəsmi dövlət qəzetinə heç bir aidiyyatı olmayıb. Özünü ADR-in varisi elan etmiş Azərbaycan Respubikasının parlament qəzeti (orqanı) statusunda ilk dövrdə (yuxarıda qeyd olunan səbəbdən) "Həyat" adlanan nəşrə "Azərbaycan" adının qaytarılması tarixi ədalətin bərpası idi.

  • Əsas e-mail: contact@azerbaijan-news.az
  • Reklama aid e-mail: reklam@azerbaijan-news.az
  • tel. 012 439 68 71
  • faks. 012 439 84 41

Mənbə[redaktə | əsas redaktə]

  • «Azərbaycan» — 90. «Oskar» NRM, Bakı, Ön söz: "Azərbaycan"ın varisi "Azərbaycan", səh 7-11.

İstinadlar[redaktə | əsas redaktə]