Azadə Taleh Abbasqızı

Vikipediya, açıq ensiklopediya
Jump to navigation Jump to search
Azadə Taleh Abbasqızı
azərb. Hacı Azadə Taleh Abbasqızı (Hüseynova)
Fotoqrafiya
Təxəllüsü Taleh
Doğum tarixi 26 fevral 1964 (1964-02-26) (55 yaş)
Doğum yeri Gəncə
Həyat yoldaşı Cavanşir Vahabov
Uşağı Taleh Cavanşiroğlu
Atası Abbas Hüseynov
Anası Zenfira Hüseynova
Peşəsi Həkim-jurnalist
Milliyyəti Azərbaycanlı
Təhsili

Azərbaycan Dövlət Tibb İnstitutu (1982-1988)

M. Qədirli adına Hövzə-klinik xəstəxanası həkim intern (1988-1989)
Fəaliyyəti Xeyriyyəçi, şair, həkim-jurnalist
qafqazmedia.az

Hacı Azadə Taleh Abbasqızı (Hüseynova) - şair, publisist, həkim-jurnalist. Prezident təqaüdçüsü. 2006-cü ildən Azərbaycan Yazıçılar Birliyinin üzvü, Azərbaycan Jurnalistlər Birliyinin idarə heyətinin üzvü (1995). Avropa Kardioloqlar və Azərbaycan Kardioloqlar Cəmiyyətinin üzvüdür. 1998-ci ildə Yeni Azərbaycan Partiyasının üzvüdür. 2017-cı ildən Avrasiya Sanat Kultur və Bilim Fedarasiyonuna Azərbaycan təmsilçisi seçilmişdir. 2014-cü ildən Rusiya, Dağıstan, Dərbəndə fəaliyyət göstərən "Gülüstan" Ədəbiyyatçılar ittifaqının üzvüdür. Gürcüstan-Azərbaycan Ziyalılar Birliyinin fəxri üzvü. Gürcüstan Azərbaycanlıları Jurnalistlər Birliyinin üzvüdür. “Qafqaz-Press” qəzeti, "Qanqal" qəzeti, "Hakimiyyət və zaman", və "Kardioloqiya" jurnallarının təsisçi və baş redaktorudur. “Borçalı” qəzetinin və eyni adlı jurnalın baş redaktoru. “Qafqaz-Media” İctimai Birliyinin sədri və Qafqazmedia.az saytının rəhbəridir.

Həyatı[redaktə | əsas redaktə]

Hacı Azadə Taleh Abbasqızı - Soy kökü Ulu Borçalıya bağlıdır. Atası Sarvanın (Qasımlı), Anası (Sadaxlı) köyünə bağlıdır. 1964-cü il fevralın 26-da Gəncə şəhərində anadan olmuşdur.

Təhsili[redaktə | əsas redaktə]

1 saylı Gəncə şəhər orta məktəbini qızıl medalla bitirdikdən sonra N.Nərimanov adına Azərbaycan Dövlət Tibb İnstitutunun II müalicə-profilaktika fakültəsinə daxil olub.
1985-1987-ci illərdə Tələbə Elmi Cəmiyyətinin üzvü olub.
1988-1989-cı illərdə M. Qədirli adına Hövzə-klinik xəstəxanasında interna keçib.
1992-ci ildə 13 saylı Bakı şəhər хəstəхanası poliklinikasında sahə həkimi olmuş, eyni zamanda kardiologiya üzrə tam kurs keçmişdir.
1992-1994-cı illərdə Ə. Əliyev adına II terapiya kafedrasında klinik-ordinaturanı bitirdikdən sonra baş laborant işləyib.
2002-2005-ci illərdə Kliniki kardiologiya, 2005-ci ildə Allerqologiyanın aktual məsələləri ixtisaslaşdırma və təkmilləşdirmə kursu keçib. Tibb üzrə fəlsəfə doktorudur.

X

Tibbi fəaliyyəti[redaktə | əsas redaktə]

1989-1992-ci illərdə 13 saylı Birləşmiş Şəhər Xəstəxanasında sahə həkimi kimi çalışıb.
Azərbaycan Dövlət Həkimləri Təkmilləşdirmə İnstitutunun Terapiya kafedrasının həkimi - assistenti işləyib.
19-21 yanvar 1990-cı il tarixində 2 yaşlı oğlu Talehlə növbədə qalıb,terapevt olduğu halda cərrahı əvəz edib. Avropa Kardioloqlar və Azərbaycan Kardioloqlar cəmiyyətinin üzvüdür.

Jurnalistika fəaliyyəti[redaktə | əsas redaktə]

Ədəbi yaradıcılığa erkən başlayan Azadə xanım ilk qələm təcrübələrini 1984-1988-ci illərdə «Tibb kadrları uğrunda» qəzetində çap etdirib.
1984-1988-ci illərdə ATİ-də İctimai İxtisaslar fakültəsində xüsusi jurnalistika kursu keçərək jurnalist ixtisasına da yiyələnib.
1994-cü ildə «Səhər» qəzeti redaksiyasında şöbə müdiri olmuşdur.
1996-cı ildən «Borçalı» qəzetinin və eyni adlı jurnalın baş redaktorudur.
2002-ci ildən«Kardiologiya», «Hakimiyyət və zaman» jurnallarının təsisçisi və naşiridir.
2003-cü ildən «Qafqaz Media» Ictimai Birliyinin sədri, «Qafqaz Press» qəzetinin təsisçisi və baş redaktoru.

2018-ci ildən Xalq TV- və QafqazMedia TV-nin direktorudur.

Mükafatları[redaktə | əsas redaktə]

200-dən artıq fəхri fərman və diplomlarla təltif olunub, Dünyanın 32 ölkəsində olub, 20-yə yaхın хarici dövlətlərdə müхtəlif diplomlara layiq görülüb. Dünyanın 16-dan çox Ədəbiyyat antologiyalarında şeirləri çap olunub. Əsərləri rus , ingilis, gürcü, alman, özbək, fars, ərəb dillərinə tərcümə olunub.
2018-ci ildə Azərbaycan Respublikası Prezidentinin “Azərbaycan Yazıçılar Birliyi üzvlərinin yaradıcılıq şəraitinin yaxşılaşdırılması tədbirləri haqqında” 2007-ci il 12 mart tarixli 2023 nömrəli sərəncamına əsasən "Prezidentin xüsusi təqaüdünə" layiq görülmüşdür.

Elmi işləri[redaktə | əsas redaktə]

Bir patentin, bir səmərələşdirici təklifin, 2 metodik tövsiyənin, 60-a yaхın elmi məqalənin, bir dərsliyin müəllifidir. Növbəti dərslik çapa hazırdır.

İctimai fəaliyyəti[redaktə | əsas redaktə]

Rəhbərlik etdiyi «Qafqaz Media» Ictimai Birliyi yarandığı gündən bu günə qədər 450-ə yaхın tədbir keçirib ki, bunun 400-ü хeyriyyə tədbiri olub.

Kitabları[redaktə | əsas redaktə]

Hacı Azadə Taleh Abbasqızı Ulu öndər Heydər Əliyevlə (2002)
Hacı Azadə Taleh Abbasqızı Prezident İlham Əliyevlə (2005)
Azadə Taleh Abbasqızı Gürcüstanın mərhum eks prezidenti Eduard Şeverdnadzeyə kitablarını və Borçalı qəzetini təqdim edərkən (2000)
  • «Nə yaхşı ki, dəniz varmış» (1999)
  • «Borçalı lətifələri» (2000)
  • «Taleyim mənim, Talehim mənim» (2000)
  • «Dədə Qorqudda Borçalı izləri» (2001)
  • «Tənha ağac» (2002)
  • «Sənsiz» (2002, şeirlər)
  • «CO metal və canlı orqanizm» (2003, dərslik)
  • «Otçizni ya svoey Azada» (2003)
  • «Хalqları birləşdirən şəхsiyyətlərdir» (2004)
  • «Hikmət хəzinəsindən incilər» (2005)
  • «Yaz» ingilis dilində» (2005)
  • «Həqiqətin təşnəsiyəm» (2006)
  • «Stokholm-Helsinki» (ingilis dilində) 2005)
  • “Unudarammı” (2006)
  • “Sənsiz” adlı şeirlərinə bəstələnmiş not kitabı (2006)
  • ”90 let v stayu» (2007)
  • «Bu sevgi qəlbimə haqdan gəlibdi» (2008)
  • «Çiçəklərin söhbəti» (gürcü dilində, 2007)
  • «Borçalının ziyalı qadınları» (ensiklopedik toplu, 2008)
  • «Ele bil Məkkəyə nur ələnibdi» (2009)
  • «Dunya məni tanidinmi» (2010)
  • «Haqqin quluyam» (2011)
  • «Ətraf mülit və canlı orqanizm (2012, dərslik)
  • «Qızılgül» (2013, toplu)
  • «Azadə Taleh (seçilmiş əsərləri, I cild, 2014)
  • «Azadə Taleh (seçilmiş əsərləri, II cild, 2015)
  • «Azadə Taleh (seçilmiş əsərləri III cild, 2016)

Həsr edilən kitablar[redaktə | əsas redaktə]

  • «Şuşalı, İ. Sən dünyanın taleyisən»
  • «Mahalqızı, E. Azadə Nağılı»
  • «Zeynaloğlu, C. Xeyirxah əməllər yolçusu»

Xarici keçidlər[redaktə | əsas redaktə]