Azad Mirzəyev (şəhid)

Vikipediya, azad ensiklopediya
Jump to navigation Jump to search
Azad Mirzəyev
Mirzəyev Azad Əliheydər oğlu
Doğum tarixi 22 yanvar 1961(1961-01-22)
Doğum yeri Lənkəran, Azərbaycan SSR
Vəfat tarixi 20 yanvar 1990 (28 yaşında)
Vəfat yeri Bakı, Azərbaycan SSR
Milliyyəti Azərbaycanlı

Azad Mirzəyev20 yanvar şəhidi. Azərbaycan Respublikasının Prezidentinin 31 mart 1998-ci il tarixdə fərmanı ilə ölümündən sonra 20 Yanvar Şəhidi fəxri adı verilmişdir.

Həyatı[redaktə | əsas redaktə]

22 yanvar 1961-ci ildə Lənkəranda anadan olub. Subay idi. Nəsimi Rayon İctimai İaşə idarəsində işləyirdi. Evində yaralanıb, anasının yanında Anası Fatma Balaca qızı bunları dedi: — Gecə saat 12-dən sonra küçədə atəş səsləri eşidib eyvana çıxdıq. Uzaqdan əsgərlərin gəldiyini gördük. Onlar heç nəyə əhəmiyyət vermədən hər tərəfə, - hətta evlərə atəş aça-aça gəlirdilər Elə bil ki, müharibə idi. Bakı isə düşmən şəhəri. Mən oğluma dedim ki, Azad, evə keç. O dedi ki, ana, bu boş güllələrdir. Bir də onlar bizə atəş açmazlar. Elə eyvandan görünürdü ki, güllədən sonra adamlar neçə yerə sərilir. Mən tez evə keçdim. Azada da yalvardım ki, evə keçsin. Bu vaxt bir neçə güllə açıq qapıdan keçib otağa sancıldı. Azad bu vaxt otağa keçmək istəyirdi, ancaq qəfil yıxıldı, elə bildim ki, ayağı büdrəyib. Mən də yerə əyildim. Təxminən 2 dəqiqədən sonra ayağa qalxdım və Azadı səslədim, ondan səs gəlmədi. Yaxınlaşıb onu silkələdim. Əlim qana bulaşdı. İki əlim oldu, bir başım, haray hara çatacaq. Azad balam yerindəcə keçindi.

Mərhum Şəhidlər xiyabanında dəfn edilib.

Ünvanı[redaktə | əsas redaktə]

Ünvan: Bakı, İnşaatçılar prospekti, ev 28a, mənzil 29.

İstinadlar[redaktə | əsas redaktə]

  • Qulu Kəngərli (1992). 20 Yanvar şəhidləri (PDF). Bakı: Gənclik. 312 səh. ISBN 4702060204. 2015-07-17 tarixində orijinalından (PDF) arxivləşdirilib. İstifadə tarixi: 2017-01-18.