Azexport.az

Vikipediya, azad ensiklopediya
Jump to navigation Jump to search
Azexport
Dilləri azərbaycan, rus, ingilis
Proqramlaşdırma dili PHP, JAVA
Sahibi Azərbaycan Dövləti
Müəllif İqtisadi İslahatların Təhlili və Kommunikasiya Mərkəzi
Redaktor Ayxan Qədəşov
Açılma tarixi 21 sentyabr 2016 (3 il əvvəl) (2016-09-21)
Şüar "Made in Azerbaijan"ın dünyaya açılan pəncərəsi
Alexa reytinqi 351.324

Azexport.azAzərbaycan Respublikasının Prezidenti İlham Əliyevin "Azərbaycan Respublikasında istehsal olunan malların vahid məlumat bazasının yaradılması haqqında" 21 sentyabr 2016-cı ildə imzalanmış Sərəncamı əsasında yaradılmışdır[1].

Haqqında[redaktə | əsas redaktə]

İqtisadi İslahatların Təhlili və Kommunikasiya Mərkəzinin operatoru olduğu Azexport portalı Prezident İlham Əliyevin “Azərbaycan Respublikasında istehsal olunan malların vahid məlumat bazasının yaradılması haqqında” Sərəncamı əsasında 2016-cı ildə yaradılıb. Portal Azərbaycan istehsalı olan rəqabətqabiliyyətli və ixracyönümlü məhsulların xarici bazarlarda “Made in Azerbaijan” brendi adı altında təşviqinə dəstək verir. Digər tərəfdən «Azexport» ölkədə biznes mühitinin yaxşılaşdırılması üçün ixracatçı sahibkarlara nəqliyyat, loqistika, ödəniş və sertifikatlaşdırma sahəsində dövlət dəstəyi göstərir[2].

Hazırda Azərbaycanda elektron ticarətin lideri kimi “Azexport.az” çıxış edir. Azərbaycanda qeyri-neft sektorunun inkişafı istiqamətində həyata keçirilən böyük layihələrdən olan portal yerli məhsullar haqqında məlumatların təqdim edilməsi, onların daxili və xarici bazarlarda satışı üçün əlverişli platformadır. Ən əsası «Azexport» həm tələbin təklifi həm də təklifin tələbi formalaşdırdığı unikal imkanlar yaradan platformadır. Belə ki, təklifin tələbi formalaşdırdığı istiqamətdə “Made in Azerbaijan” məhsullarının portala yerləşdirilməsi nəticəsində xarici bazarlarda bu məhsullar barədə daha öncə heç bir məlumatı olmayan şəxslər portal və eyni zamanda onun inteqrasiya olunduğu platformalar vasitəsilə bu məhsullar barədə məlumat əldə edirlər və portala yeni ixrac sifarişləri daxil olur[3].

Tələbin təklifi formalaşdırması istiqamətində isə mövcud olan bir alət Google Market Finder alətidir. İstehsalçılar Google Market Finder vasitəsilə hansı ölkələrdən hansı məhsullara daha çox axtarış verildiyini görə bilir və onlar hansı məhsulun daha ixracyönümlü olduğuna qərar verə bilirlər və öz fəaliyyət istiqamətini aydınlaşdırırlar[2].

Portal haqqında[redaktə | əsas redaktə]

«Azexport» portalı “Made in Azerbaijan” məhsullarının xarici bazarlarda elektron ticarət platformaları üzərindən təşviqinin aparılması üçün dünyanın müxtəlif istiqamətlərində fəaliyyət göstərən ən məşhur ticarət platformalarına inteqrasiya olunub. Belə ki, «amazon.com», «alibaba.com», «all.biz», «Go4worldbusiness.com» kimi bir çox geniş auditoriyaya malik olan portallara inteqrasiya olunması Azərbaycan istehsalı olan məhsulların dünya bazarına çıxış imkanlarını artırır, onların satış əhatəsini genişləndirir[4].

Beləliklə, Azərbaycanda istehsal olunan məhsulların vahid məlumat bazası formalaşıb və bu gün yerli sahibkarının «Azexport» vasitəsilə öz məhsullarını 200-dən artıq ölkədə tanıtmaq imkanı var. Azexportun fəaliyyət göstərdiyi 3 il ərzində Azərbaycan məhsullarının beynəlxalq onlayn platformalarda mövcudluğu 300 dəfə artıb. Fəaliyyətə başladığı 2017-ci ilin yanvar ayından etibarən «Azexport» portalına dünyanın 111-dən artıq ölkəsindən müxtəlif (sənaye, qida, tekstil, kənd təsərrüfatı və s.) məhsullar üzrə 1,5 milyard ABŞ dolları həcmində ixrac sifarişləri daxil olub[4].

Həmçinin bax[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]