Azon zavodu

Vikipediya, azad ensiklopediya
Jump to navigation Jump to search
Azon zavodu

Azon zavoduAzərbaycan Respublikası Müdafiə Sənayesi Nazirliyinin tabeliyindəki müəssisə. Müəssisənin nizamnamə kapitalı 554.928 manatdır. Hazırki direktoru 2020-ci il sentyabrın 7-də bu vəzifəyə təyin edilmiş Tehran Əliyevdir.[1]

Tarixi[redaktə | əsas redaktə]

"Azon" zavodu 1974-cü ildə "Mikrosхеmotехnika" Bakı Хüsusi Konstruktor Bürosunun bazasında yaradılmış və SSRİ Elektronika Sənayesi Nazirliyinin tərkibinə daхil edilmişdir. Burada SSRİ dönəmində kosmik cihazlar da istehsal olunurdu.[2] 1993-cü ildən Dövlət Хüsusi Mаşınqаyırmа və Kоnvеrsiyа Kоmitəsinin tаbеliyində оlmuşdur. 2006-cı ilin sentyabr ayından "Azon" zavodu Azərbaycan Rеspublikası Müdafiə Sənayеsi Nazirliyinin tabеliyində fəaliyyət göstərir. "Azon" zavodu Azərbaycanda inteqral mikrosxemlərin tam istehsalı üzrə ixtisaslaşmış, geniş texnoloji bazaya malik yeganə müəssisədir.[3]

2012-ci ildə yayılmış məlumata əsasən “Azon” zavodunun istehsalat sahəsi hərraca çıxarılıb. Sahəsi 27714,8 kv.m olan müəssisənin start satış qiyməti 2 milyon 38 min 750 manat, ilkin satış qiyməti 1 milyon 732 min 938 manat olub. Hərracın nəticəsinin nə olması barədə məlumat mövcud deyil.[4] 2017-ci ildə "Azon Zavodu" MMC-nin 1 mln. 365 min 784,5 manat vergi borcu Vergilər Nazirliyi tərəfindən silinib.[5]

Fəaliyət sahələri[redaktə | əsas redaktə]

Məhsulları[redaktə | əsas redaktə]

  • Mikrosxemlər: 133, 155, 169, 170, 533, 555, 556, 561, 564, 589, 1102 seriyalı
  • Günəş batareyası elementləri
  • Taxta və plastmas məmulatlar
  • Azot və oksigen qazlarının maye və qaz halında istehsalı[6]

İstinadlar[redaktə | əsas redaktə]

Xarici keçidlər[redaktə | əsas redaktə]

Həmçinin bax[redaktə | əsas redaktə]