Böyük Nənə
Böyük Nənə | |
---|---|
Doğum tarixi | təq. 1685 |
Doğum yeri | |
Vəfat tarixi | təq. 1733 |
Fəaliyyəti | müqavimət döyüşçüsü[d] |
Mükafatları |
![]() |
Böyük Nənə, Kraliça Nənə və ya Maronların Nənəsi (təq. 1685, Qana – təq. 1733) — Yamaykanın Milli Qəhrəmanı, XVIII əsrdə Yamayka maronlarının liderlərindən biri. O, "Küləkli Maronlar" adlı əvvəllər kölələşdirilmiş afrikalılardan ibarət cəmiyyətə rəhbərlik edirdi.[1] 18-ci əsrin əvvəllərində Nənənin rəhbərliyi altında Küləkli Maronlar, Birinci Maron müharibəsi kimi tanınan Yamayka Koloniyasında Britaniya hakimiyyətinə qarşı uzunmüddətli partizan müharibəsi aparmışdır.
Onun haqqında bilinənlərin çoxu şifahi tarixdən əldə edilir, yazılı mənbə kasaddır. Maron əfsanəsinə görə, Kraliça Nənə Asante xalqından idi və indiki Qanada anadan olub.[2] Xalq qəbuluna görə və ən azı bir sənədli mənbəyə görə, o, heç vaxt kölə olmamışdır.[2] Buna baxmayaraq, Yamaykaya kölə kimi gəldiyinə inanılsa da, necə gəldiyi dəqiq bilinmir.
İstinadlar
[redaktə | vikimətni redaktə et]- ↑ Bilby, Kenneth M. True-born maroons. Gainesville: University Press of Florida. 2005. 150–156. ISBN 0813028736. OCLC 61821888.
- ↑ 1 2 Gottlieb, Karla Lewis. The mother of us all : a history of Queen Nanny, leader of the Windward Jamaican Maroons. Trenton, NJ: Africa World Press. 2000. 95. ISBN 0865435642. OCLC 38061550.