Böyükkişi Abdullayev

Böyükkişi Abdullayev
Böyükkişi Abdullayev
Azərbaycan Respublikası Ali Sovetinin XII çağırış deputatı
Şəxsi məlumatlar
Doğum tarixi	1935
Doğum yeri	Kürdəmir
Vəfat tarixi	1994 (58–59 yaşında)
Təhsili	Azərbaycan Dövlət Aqrar Universiteti;
Təltifləri

Böyükkişi Abış oğlu Abdullayev (1935, Ərəbxana, Kürdəmir rayonu – 20 fevral 1994) — Kürdəmir taxıl məhsulları kombinatının direktoru, Azərbaycan Respublikası Ali Sovetinin XII çağırış deputatı^[1]

Həyatı

1935-ci ildə Kürdəmir rayonunun Ərəbxana kəndində anadan olub. Orta təhsilini rayonun 1 saylı orta məktəbində alıb. 1952-ci ildə Gəncə Kənd Təsərrüfatı Akademiyasının "Mexanizasiya" fakültəsini bitirərək ali təhsilini başa vurub.

1957–1959-cu illərdə Göyçay Regional Ərazi Maşın-Traktor Stansiyasında (MTS) mühəndis vəzifəsində işləyib.

1959–1963-cü illərdə Kürdəmir Avtonəqliyyat Müəssisəsində istismar rəisi vəzifəsində çalışıb.

1963–1972-ci illərdə Kürdəmir Avtonəqliyyat Müəssisəsində idarə rəisi olaraq işləyib.

1972–1973-cü illərdə Seyid Əzim Şirvani adına Kolxoz İdarə Heyətinin sədri, 1973–1975-ci illərdə isə Kürdəmir Maşın-Traktor Stansiyasının direktoru işləyib.

1975–1985-ci illərdə Kürdəmir Xalq Deputatları Sovetinin İcraiyyə Komitəsinin sədri vəzifəsində işləmişdir.

1986–1994-cü illərdə Kürdəmir Taxıl Məhsulları Kombinatının direktoru vəzifəsində çalışıb.

1990-cı il sentyabrın 30-da keçirilmiş seçkilərdə Kürdəmir rayonu 251 nömrəli Mollakənd seçki dairəsindən Azərbaycan^[2]Respublikası Ali Sovetinin deputatı seçilmişdir. Böyükkişi Abdullayevin ölkənin taxılçılıq sahəsinin inkişafında xüsusi xidmətləri olmuşdur. 20 fevral 1994-cü ildə dünyasını dəyişmiş və rayonun Fəxri Xiyabanında dəfn olunmuşdur.

Təltifləri

Qırmızı Əmək Bayrağı ordeninə layiq görülmüşdür.^[3]

İstinadlar

↑ Fərəcov, Rəşid. Kürdəmir Salnaməsi (az.). Bakı: Yazıçı. 2011.
↑ "Azərbaycan SSR Ali Sovetinin XII çağırış deputatlarının siyahısı | Obastan / Viki". obastan.com (az.). İstifadə tarixi: 28 oktyabr 2024.
↑ Azayev, Əlisəfa. Kürdəmir həqiqətləri (az.). Bakı: Maarif. 2022. 36–43.

[1] Fərəcov, Rəşid. Kürdəmir Salnaməsi (az.). Bakı: Yazıçı. 2011.

[2] "Azərbaycan SSR Ali Sovetinin XII çağırış deputatlarının siyahısı | Obastan / Viki". obastan.com (az.). İstifadə tarixi: 28 oktyabr 2024.

[3] Azayev, Əlisəfa. Kürdəmir həqiqətləri (az.). Bakı: Maarif. 2022. 36–43.

[1]

[2]

[3]