Bülbülün ev-muzeyi (Şuşa)

Vikipediya, azad ensiklopediya
Jump to navigation Jump to search
Bülbülün ev-muzeyi
Restovrasiyadan sonra ev-muzeyi
Restovrasiyadan sonra ev-muzeyi
39°45′41″ şm. e. 46°45′28″ ş. u.
Ölkə
Status Ölkə əhəmiyyətli abidə
Yerləşir Şuşa, Azərbaycan
Tikilmə tarixi 31 avqust 1982
Üslubu Arran memarlıq məktəbi
Vəziyyəti işlək deyil
Xəritədə yeri

Bülbülün ev-muzeyi — Azərbaycan müğənnisi Bülbülün yaşadığı ev. 1992-ci ilə qədər Şuşada yerləşən ev muzeyi onun Bakı şəhərindəki memorial muzeyinin filialı olmuşdur. Ev iki otaq və eyvandan ibarət idi.[1] Bülbül bu evdə anadan olmuş və uşaqlıq illərini burada keçirmiş, burada ilk dəfə musiqi aləminə qədəm qoymuş, məşhur xanəndə və musiqiçilərə qulaq asmışdır.

Tarixi[redaktə | mənbəni redaktə et]

Muzeydə Bülbülün yaradıcılıq, elmi-tədqiqat, pedoqoji, ictimai fəaliyyətini əks etdirən 9 minə yaxın sənəd toplanmışdı. Əfsuslar olsun ki, Bülbülün Şuşadakı memorial muzeyi 2020-ci ilədək erməni işğalı altında olmuşdur.

2021-ci ilin avqustunda Prezident İlham Əliyev və birinci xanım Mehriban Əliyevanın iştirakı ilə Bülbülün Şuşadakı ev-muzeyinin yenidən açılışı baş tutmuşdur[2]. 1 il müddətində muzeyi 40.000 ziyarətçi seyr edib[3].

Eksponatlar[redaktə | mənbəni redaktə et]

Bülbülün Şuşada anadan olduğu evin maketi

Muzeydə Bülbülün uşaqlıq illərindən bəhs edən foto-şəkillər saxlanılırdı.[4] Muzeydə onun şəxsi əşyalarından bəziləri, o cümlədən, onun qavalı da nümayiş etdirilirdi.[5] Divarda Bülbülün 1925–1926-cı illərdəki konsert afişaları asılmışdı.

Ekspozisiyada Bülbülün Azərbaycanda 20-ci illərdə Gəncədəki fəaliyyəti, mədəni inqilab illərində Azərbaycanda musiqi quruculuğunda fəal iştirakı əks etdirilmişdi. Vitrinlərdə Bülbülün komsomol və həmkarlar ittifaqındakı fəaliyyətindən danışan sənədlərin foto surətləri, Bakıdakı ifaçılıq fəaliyyəti, Azərbaycan Dövlət Konservatoriyasında və İtaliyada təhsili haqqında sənəd və materiallar, italyan jurnalı "Arte Nostra"da Bülbülün böyük portreti və onun haqqında məqalə, dostları və ailəsi ilə şəkilləri nümayiş etdirilirdi. Foto şəkillərlə yanaşı burada Bülbülün əlyazmaları, dərc edilmiş məqalə və məruzələri də var idi.[5]

İkinci otaqda Bülbülün ailəsi, dostları, həmkarları ilə şəkilləri ekspozisiya edilmişdi. Vitrinlərdə Azərbaycanda yeni vokal məktəbinin yaradılmasında, eləcə də xalq musiqisinin öyrənilməsi və təbliğində Bülbülün çoxillik səmərəli yaradıcı işini təsdiq edən materiallar nümayiş etdirilirdi.[1] Burada Bülbülün iştirak etdiyi opera tamaşalarının afişaları, yaratdığı obrazları, ayrı-ayrı premyera və yubiley tamaşalarından səhnələri əks etdirən şəkilləri, məruzələri, onun iştirak və redaktəsi ilə nəşr edilmiş toplu və dərsliklər, rəsmi məktubların əsli və fotosurətləri göstərilmişdi.[1] Bülbülün yaradıcılıq, elmi-tədqiqat, pedoqoji, ictimai fəaliyyəti haqqında nadir, çox qiymətli sənədlər də burada geniş yer tuturdu. Həmin otaqda Bülbülün əmək adamları, sərhədçilər, uşaqlarla görüşlərinin fotoşəkilləri nümayiş etdirilirdi.[5] Burada həmçinin Bülbülün ailəsi, dostları, həmkarları ilə şəkilləri sərgilənirdi.

İkinci otaqda düzəldilmiş vitrinlərdə Azərbaycanda yeni vokal məktəbinin yaradılmasında, eləcə də xalq musiqisinin öyrənilməsi və təbliğində Bülbülün çoxillik səmərəli yaradıcı işini təsdiq edən materiallar nümayiş etdirilirdi.[6] Burada Bülbülün iştirak etdiyi opera tamaşalarının afişaları, yaratdığı obrazları, ayrı-ayrı premyera və yubiley tamaşalarından səhnələri əks etdirən şəkillər, məruzələri, onun iştirakı və redaktəsi ilə nəşr edilmiş toplu və dərsliklər, rəsmi məktubların əsli və fotosurətləri yer almışdı. Bülbülün yaradıcılıq, elmi-tədqiqat, pedoqoji, ictimai fəaliyyəti haqqında nadir, çox qiymətli sənədlər də burada geniş yer tuturdu. Muzeyin fasadında vurulan memorial lövhələrin arasında Bülbülün heykəltəraş Xanlar Əhmədov tərəfindən bürüncdən hazırlanmış uşaqlıq illərinin portreti yer almışdı.[6]

Qalereya[redaktə | mənbəni redaktə et]

Həmçinin bax[redaktə | mənbəni redaktə et]

Xarici keçidlər[redaktə | mənbəni redaktə et]

İstinadlar[redaktə | mənbəni redaktə et]

  1. 1 2 3 1905.az. "Bülbülün ev muzeyinin Şuşa filialı" (az.). Vüqar Tofiqli. 19.11.2014. 2021-09-21 tarixində arxivləşdirilib. İstifadə tarixi: 2018-07-13.
  2. President.az. "İlham Əliyev və birinci xanım Mehriban Əliyeva Bülbülün ev-muzeyinin açılışında iştirak ediblər" (az.). Youtube.com. 29.08.2021. 2022-05-23 tarixində arxivləşdirilib. İstifadə tarixi: 2022-09-01.
  3. AzTV. "Dahi Bülbülün ev-muzeyinin açılışından bir il ötür" (az.). Youtube.com. 31.08.2022. 2022-09-01 tarixində arxivləşdirilib. İstifadə tarixi: 2022-09-01.
  4. map.virtualkarabakh.az. "Bülbülün ev muzeyi" (az.). İstifadə tarixi: 2018-07-13.
  5. 1 2 3 kataloq.gomap.az. "Bülbülün ev-muzeyi" (az.). 2021-10-16 tarixində arxivləşdirilib. İstifadə tarixi: 2018-07-13.
  6. 1 2 portal.azertag.az. "Bülbülün ev muzeyinin Şuşa filialı" (az.). 2017-09-05 tarixində arxivləşdirilib. İstifadə tarixi: 2018-07-13.