Bəşarət Bəşirova

Vikipediya, açıq ensiklopediya
Jump to navigation Jump to search
Bəşarət Bəşirova
Bəşarət İsmayıl qızı Bəşirova
Doğum tarixi 12 avqust 1949 (1949-08-12) (70 yaş)
Doğum yeri Azərbaycan Azərbaycan SSR, Ağdam
Vətəndaşlığı Azərbaycan Azərbaycan
Elm sahəsi filologiya
Elmi dərəcəsi filologiya elmləri namizədi
Elmi adı dosent
İş yeri Azərbaycan Milli Elmlər Akademiyası
Təhsili ali

Bəşarət Bəşirova - filologiya elmləri namizədi, dosent. Rəşadət Bəşirovun, Ədalət Bəşirovun bacısı.

Həyatı[redaktə | əsas redaktə]

Orxan Məmmədov (Baharlı). Ağdamın adlı-sanlı pedaqoqları, alimləri. Bakı, 2001

Bəşarət İsmayıl qızı Bəşirova 12 avqust 1949 ildə Ağdamda dünyaya gəlmişdir. Azərbaycan Dövlət Universitetinin Şərqşünaslıq fakültəsinin türk filologiyası şöbəsində ali təhsil almış, (1966-1971), Azərbaycan Elmlər Akademiyasının (indiki Azərbaycan Milli Elmlər Akademiyası) Şərqşünaslıq İnstitutuna təyinat almışdır. İki ildən sonra öz ixtisası üzrə Azərbaycan Elmlər Akademiyasının aspiranturasında oxumuşdur.

Elmi fəaliyyəti[redaktə | əsas redaktə]

Bəşarət Bəşirova "Türkiyədə şəhərləşmənin sosial-iqtisadi problemləri" mövzusunda dissertasiya müdafiə edərək (1996) , tarix elmləri namizədi alimlik dərəcəsi almışdır.

Bəşarət Bəşirova Türkiyənin sosial-iqtisadi həyatı haqqında tədqiqatlar aparmış, Türkiyə Respublikasında şəhərləşmə problemini kompleks halında araşdırmışdır. O öz dissertasiyasında Türkiyədə şəhərləşmənin demoqrafik və sosial-iqtisadi amilləri, şəhərləşmə prosesinin xüsusiyyətlərini və spesifik cəhətlərini, şəhərləşmənin doğurduğu iqtisadi problemləri və sosial nəticələri tarixi planda tədqiq və təhlil etmişdir.

Bəşarət Bəşirova son illərdə Osmanlı imperatorluğu dövründə orta çağ şəhərlərinin ictimai-iqtisadi quruluşu haqqında araşdırmalar aparır.

Bəşarət Bəşirova elmi məqalələri Türkiyə, RusiyaAzərbaycanda çap olunmuşdur.

Bəşarət Bəşirova elmi fəaliyyətlə yanaşı bədii yaradıcılıqla məşğul olur. Bir çox Azərbaycan şairyazıçılarının əsərlərini Azərbaycan və rus dilindən türk dilinə tərcümə etmişdir. "Tanı Azərbaycanı" şer kitabı (1999) çapdan çıxmışdır. Bir çox populyar mahnı mətinlərinin müəllifidir.

Mənbə[redaktə | əsas redaktə]

  • Orxan Zakiroğlu (Baharlı). Ağdamın adlı-sanlı pedaqoqları, alimləri. Bakı, 2001.

Həmçinin bax[redaktə | əsas redaktə]