Bəhruz Məhərrəmov

Vikipediya, azad ensiklopediya
Jump to navigation Jump to search
Bəhruz Məhərrəmov
Bəhruz Abdurrəhman oğlu Məhərrəmov
Doğum tarixi (37 yaş)
Doğum yeri Ağabağı kəndi, Zərdab
Vətəndaşlığı Azərbaycan Azərbaycan
Milliyyəti azərbaycanlı
İxtisası hüquqşünas
Təhsili
Fəaliyyəti vəkil, siyasətçi
Tanınır hüquqşünas alim

Bəhruz Abdurrəhman oğlu Məhərrəmov (22 avqust 1983(1983-08-22), Ağabağı, Zərdab rayonu) — hüquqşünas alim, hüquq üzrə fəlsəfə doktoru, dosent. Azərbaycan Respublikasının Milli Məclisinin VI çağırış deputatı[1], Azərbaycan Respublikasının Vəkillər Kollegiyasının üzvü.

Həyatı[redaktə | əsas redaktə]

Bəhruz Məhərrəmov 22 avqust 1983-cü ildə Zərdab rayonunun Ağabağı kəndində anadan olub. Rayonun Ağabağı və Gəndəbil kənd məktəblərində, 1996-cı ildən isə Bakı şəhər 194 saylı və paytaxtda məskunlaşmış Zəngilan rayon 24 saylı məktəblərdə təhsil alıb.

Təhsili[redaktə | əsas redaktə]

2000-2004-cü illərdə BDU Jurnalistika fakültəsində təhsil alıb. 2007-2011-cü illərdə BDU Hüquq fakültəsinin tam ali təhsil kursunu başa vurmuş, 2012-2015-ci illərdə BDU Hüquq fakültəsinin Hüquq üzrə fəlsəfə doktoru proqramı üzrə Doktoranturada təhsil alımış, “Avropa İnsan hüquqları məhkəməsinin qərarlarının milli məhkəmələr tərəfindən tətbiqi” mövzusunda dissertasiya işi müdafiə edərək hüquq üzrə fəlsəfə doktoru elmi dərəcəsi almışdır. 2018-ci ildə Prezident yanında Ali attestasiya komissiyasının qərarı ilə dosent elmi adı almışdır[2].

2004-2005-ci ildə Azərbaycan Respublikası Silahlı Qüvvələrinin Sülhməramlı bölüyünün tərkibində İraq respublikasında ABŞ Dəniz Piyadalari korpusunda hərbi xidmətdə olub.

Fəaliyyəti[redaktə | əsas redaktə]

Hazırda BDU hüquq fakültəsinin Hüquq üzrə elmlər doktoru proqramı üzrə doktorantıdır, İnsan hüquqları, İnformasiya hüququ, Media hüququ sahəsində elmi araşdırmalar aparır. 2012-ci ildən BDU hüquq fakültəsində elmi-pedaqoji fəaliyyətlə məşğuldur. 3 kitab, 7 tədris proqramı, 30-dan artıq elmi məqalənin müəllifidir.

2003-cü ildən “Azad Azərbaycan” teleradio yayım şirkətində, Azərbaycan Beynəlxalq Bankında, “Avromed company” MMC-də, Azərbaycan Respublikası Konstitusiya Məhkəməsində, “PAŞA Sığorta” şirkətində məsul vəzifələrdə çalışmışdır. Həmçinin hazırda BDU Hüquq fakültəsinin “İnsan hüquqları və informasiya hüququ” UNESCO kafedrasının dosentidir.

9 fevral 2020-ci il növbədənkənar parlament seçkilərində 66 saylı Biləsuvar seçki dairəsindən VI çağırış Azərbaycan Respublikasının Milli Məclisinə deputat seçilmişdir.

İstinadlar[redaktə | əsas redaktə]