Bəxt üzüyü
| Bəxt üzüyü | |
|---|---|
| Janr | komediya |
| Rejissor | Ramiz Əzizbəyli |
| Əsərin müəllifi | Vaqif Səmədoğlu |
| Ssenari müəllifləri |
Ramiz Əzizbəyli Vaqif Səmədoğlu Orxan Fikrətoğlu |
| Baş rollarda |
Afaq Bəşirqızı Valeh Kərimov Gülşad Baxşıyeva Ayşad Məmmədov Firəngiz Rəhimbəyli Nəsir Sadıqzadə Rəfael Dadaşov |
| Operator | Amin Novruzov |
| Bəstəkar | Eldar Mansurov |
| Rəssam | Rafiq Nəsirov |
| İstehsalçı | "Qara Qayafilm" studiyası |
| İlk baxış tarixi | 1991 |
| Filmin növü | tammetrajlı bədii film |
| Müddət | 97 dəq. |
| Ölkə |
 Azərbaycan SSR |
| Dil | azərbaycanca |
| İl | 1991 |
| Sonrakı film | Bəxt üzüyü 2 |
| Texniki məlumatlar |
10 hissə 2770 metr |
| Rəng | rəngli |
| IMDb | ID1456483 |
Bəxt üzüyü tammetrajlı bədii filmi rejissor Ramiz Əzizbəyli[1] tərəfindən 1991-ci ildə ekranlaşdırılmışdır. "Qara Qayafilm" studiyasında istehsal edilmişdir. Film Saranın (Gülşad Baxşıyeva) bəxt üzüyünün itməsi əhvalatı üzərində qurulmuşdur.[2] Əsas rolları Afaq Bəşirqızı, Valeh Kərimov, Gülşad Baxşıyeva, Ayşad Məmmədov, Firəngiz Rəhimbəyli, Nəsir Sadıqzadə və Rəfael Dadaşov ifa edirlər. 1993-cü ildə Bakıda Azərbaycan filmlərinin II festival müsabiqəsində quruluşçu rejissor Ramiz Əzizbəyliyə tamaşaçı rəğbətinə görə Mükafat verilmişdir.
Məzmun
[redaktə | vikimətni redaktə et]Filmin süjeti ailə-məişət münaqişəsi fonunda üzüyün itməsilə başlayır. Saranın "bəxt üzüyü"nün itdiyi iddia olunur və bu hadisə ailədaxili və sosial münasibətləri sarsıdır. Hadisələrin inkişafı zamanı üzüyün itməsinin ətrafında müxtəlif fərqli insan tiplərinin xarakterləri, davranış modelləri və sosial statusları üzə çıxır. Zahirən komediya janrında qurulan film əslində geniş sosial və fəlsəfi məzmun daşıyır.[3]
Filmdə təqdim edilən personajlar cəmiyyətin müxtəlif təbəqə və davranış modellərini təmsil edir. Moşu – bacarmadığı sahələrdə fəaliyyət göstərən, lakin ailəsinə bağlı kişi tipidir. Söylü – şəhər mühitinə uyğunlaşa bilməyən, kənd mentalitetini daşıyan obrazdır. Sədaqət – əxlaq normalarına etinasız yanaşan, sərbəst həyat tərzi sürən şəxsləri təmsil edir. Rasim – rüşvətxor, şəxsi maraqlarını ön planda tutan və sosial pozuntulara biganə münasibət göstərən obrazdır. Hüseyn – yetimxanada böyüyən, həyat çətinliklərinə uyğunlaşa bilməyən və cəmiyyətin mənəvi deformasiyasından əziyyət çəkən şəxsdir.[4] Filmdə üzüyün kim tərəfindən götürüldüyü məsələsi də ideya baxımından vacibdir. Əsərdə üzüyü Hüseynin götürərək satdığı göstərilsə də, film versiyasında üzüyün sadəcə olaraq itdiyi bildirilir. Bu dəyişiklik süjet xəttinə fəlsəfi yük əlavə edir: üzük burada təkcə əşya deyil, həm də simvolik olaraq xalqın və ya cəmiyyətin "bəxti", ümumi harmoniyası kimi yozulur. Bu "itki" müxtəlif personajların daxilən və sosial olaraq deformasiyaya uğraması ilə nəticələnir.[5]
Film haqqında
[redaktə | vikimətni redaktə et]- Film dramaturq Vaqif Səmədoğlunun eyniadlı pyesinin motivləri əsasında çəkilmişdir.
- Film 2 ay ərzində Şüvəlanda çəkilib. Bağ yeri Şüvəlanda, bazar Mərdəkanda, dəniz Bilgəhdə lentə alınıb.[6]
Festival və mükafat
[redaktə | vikimətni redaktə et]1993-cü ildə Bakıda Azərbaycan filmlərinin II festival müsabiqəsində quruluşçu rejissor Ramiz Əzizbəyliyə tamaşaçı rəğbətinə görə Mükafat verilmişdir.[5]
Filmin heyəti
[redaktə | vikimətni redaktə et]- Quruluşçu rejissor — Ramiz Əzizbəyli
- Ssenari müəllifləri — Ramiz Əzizbəyli, Orxan Fikrətoğlu
- Əsərin müəllifi — Vaqif Səmədoğlu
- Quruluşçu operator — Amin Novruzov
- Quruluşçu rəssam — Rafiq Nəsirov
- Səs operatoru — Kamal Seyidov
- Rejissor — Elman Şeydayev
- Operator — Kamal Məlikov
- Bəstəkar — Eldar Mansurov
- Qrim üzrə rəssam — Rəna Əliyeva
- Geyim üzrə rəssam — Nizami Bəydəmirov
- Montaj edən — Nailə Dadaşova
- Mahnıları ifa edirlər — Ramiz Əzizbəyli (titrlərdə yoxdur), Firəngiz Rəhimbəyli, Mübariz Tağıyev, Səxavət Məmmədov, Tac (qrup)
- Mahnıların mətni — Ramiz Əzizbəyli ("Həyat yolu"), Vahid Əziz ("Bu sevgi"), İsmayıl Dadaşov ("Tanqo"), Vaqif Səmədoğlu ("Bir sabah") (titrlərdə yoxdur)
- Redaktor — Ramiz Rövşən
- Filmin direktoru — Akif Musayev
Rollarda
[redaktə | vikimətni redaktə et]- Afaq Bəşirqızı — Söylü
- Valeh Kərimov — Moşu Göyəzənli
- Gülşad Baxşıyeva — Sara
- Ayşad Məmmədov — Hüseyn
- Firəngiz Rəhimbəyli (Firəngiz Rəhimbəyova kimi) — Sevda
- Nəsir Sadıqzadə — Tanrıbəy
- Rəfael Dadaşov — Rasim
- Muxtar Maniyev — Zırpı
- Cahangir Novruzov — milis rəisi
- Arif Quliyev — milis nəfəri
- Ramiz Əzizbəyli — sərxoş
- Vaqif Səmədoğlu - su satan
Filmi səsləndirdilər
[redaktə | vikimətni redaktə et]- Ramiz Əzizbəyli — milis nəfəri(Arif Quliyev), qatıqsatan (titrlərdə yoxdur)
İstinadlar
[redaktə | vikimətni redaktə et]- ↑ "Bəxt üzüyü"nün 20 yaşı tamam olur: [Vaqif Səmədoğlunun eyniadlı pyesi Ramiz Əzizbəylinin quruluşunda] //Ayna.- 2012.- 25 fevral.- S. 20.
- ↑ ""Bəxt üzüyü"nün çəkilişləri: "Ona "senzuradan keçməyən" bir kəlmə dedi…"". 22 iyun 2020 tarixində arxivləşdirilib. İstifadə tarixi: 21 iyun 2020.
- ↑ İsrayəlzadə, Məhəmməd. ""Bəxt üzüyü"nü kim götürmüşdü?!". www.anl.az. 15 avqust 2020. İstifadə tarixi: 24 iyul 2025.
- ↑ "20 ilin "Bəxt üzüyü"". medeniyyet.info.az (ingilis). İstifadə tarixi: 24 iyul 2025.
- 1 2 Kazımzadə, 2003
- ↑ "Xalq artisti: ""Bəxt üzüyü"nə cəmi 3 dəfə baxmışam"". 22 iyun 2020 tarixində arxivləşdirilib. İstifadə tarixi: 21 iyun 2020.
Mənbə
[redaktə | vikimətni redaktə et]