Bəxtiyar Kavanlı

Vikipediya, açıq ensiklopediya
Jump to navigation Jump to search
Bəxtiyar Kavanlı
Bəxtiyarov Bəxtiyar
Bəxtiyar Kavanlı Bəxtiyar Kavanlı
İlk adı Bəxtiyarov Bəxtiyar Bəhmən oğlu
Təxəllüsü Bəxtiyar Kavanlı
Doğum tarixi 15 sentyabr 1944 (1944-09-15) (74 yaş)
Doğum yeri Birinci İpək, Laçın rayonu, Flag of the Azerbaijan Soviet Socialist Republic.svg Azərbaycan SSR
Atası Təmrazov Bəhmən Bəxtiyar oğlu
Anası Təmrazov Şirin İmamxan qızı
Həyat yoldaşı Həsənova Məlahət Yusif qızı
Uşaqları 2 oğul, 2 qız
Vətəndaşlığı Flag of Azerbaijan.svg Azərbaycan
Peşəsi Müəllim
Milliyyəti Azərbaycanlı
İxtisası Coğrafiya müəllimi
Təhsili Azərbaycan Pedoqoji İnstitutu
Əsərlərinin dili Azərbaycan
İstiqamət Elmi-pedaqoji, ədəbi-bədii
Janr Şeir, elmi-pedaqoji
İlk əsəri "İlk dəfə səs verəcəyəm" (1964)
Mükafatları Baş müəllim

Bəxtiyar Kavanlışair, Qarabağ müharibəsi iştirakçısı, baş müəllim.

Həyatı[redaktə | əsas redaktə]

Bəxtiyar Kavanlı 15 sentyabr 1944-cü ildə Azərbaycan SSR, Laçın rayonu, İpək kəndində anadan olub.

1964-cü ilin payızından 1967-ci ilin payızına qədər hərbi xidmətdə olmuşdur.

1968-ci ilin yanvarından Bakı şəhərində tikintinti idarələrindən birində fəhlə kimi əmək fəaliyyətinə başlamışdır. 1971–ci ildə Laçın rayonuna geri qayıdan Bəxtiyar Bəxtiyarov pedaqoji əmək fəaliyyətinə başlayır[1]..

1992-ci ilin mayın 18-də Laçın şəhəri Ermənistan Respublikası Silahlı Qüvvələri tərəfindən işğal edildi. Yaşadığı yurdu tərk etməyi bacarmayan Bəxtiyar müəllim 3 gün kənddə tək yaşamalı oldu. Sonda qohumlar onun arxasınca gəlib xeyli çək-çevirdən sonra onu yola gətirdilər. Həmin vaxtdan etibarən Bakı şəhərinin Sabunçu rayonunun Sabunçu qəsəbəsində məcburi köçkün kimi məskunlaşdı.

Təhsili[redaktə | əsas redaktə]

1951-ci ildə İpək kənd ibtidai məktəbinin 1-ci sinfinə daxil olmuş və 1955-ci ildə həmin məktəbin 4-cü sinfini bitirmişdir.

1955-1957-ci illərdə Bülüldüz kənd natamam orta məktəbinin V-VII siniflərində oxumuşdur. VIII sinfi Ərdəşəvi kənd məktəbində oxuyan Bəxtiyar Bəxtiyarov IX-XI sinifləri isə Vağazin kəndində oxuyur və 1964-cü ildə həmin məktəbi müvəffəq qiymətlərlə bitirir.

1964-cü ilin payızında Sumqayıt şəhər Kimya Texnologiya texnikimuna daxil olur. Hərbi xidməti başa vuran Bəxtiyarın ali təhsil almaq marağı ona Sumqayıt şəhər Kimya Texnologiya texnikimunda təhsilini davam etdirmək fikrindən daşındırır.

Nəhayət 1970–ci ildə Bakı şəhərində V. İ. Lenin adına Azərbaycan Pedaqoji İnstitutuna (indiki Azərbaycan Dövlət Pedaqoji Universiteti) müvəfəqiyyətlə imtahan verərək Coğrafiya fakultəsinə daxil olur. 1975–ci ildə V. İ. Lenin adına Azərbaycan Pedaqoji İnstitutunda təhsilini müvəffəqiyyətlə başa vurur[1].

Pedaqoji fəaliyyəti[redaktə | əsas redaktə]

1971–ci ilin sentyabr ayında Laçın rayonuda Bəxtiyar Bəxtiyarov Laçın rayonunun Ərdəşəvi kəndində kənd orta məktəbdə Pioner baş dəstə rəhbəri kimi pedoqoji fəaliyyətə başlayır.

1977-78-ci tədris ilində Bülüldüz kənd natamam orta məktəbində çalışmağa başlayır. Yaxşı əmək fəaliyyəti göstərdiyi üçün Bəxtiyar müəllim bu təhsil müəsisəsində məktəb direktoru vəzifəsinə qədər yüksəlir və 1980-ci ilə qədər bu vəzifədə çalışır.

1980-81-ci tədris ilindən Bülüldüz kənd natamam orta məktəbində təlim-tərbiyə işləri üzrə direktor müavini vəzifəsini icra etməyə başlayır. 1992-ci ilə qədər bu vəzifədə çalışır.

1992-ci ilin oktyabr ayında Bakı şəhəri Sabunçu rayonunun ərazisində, Bakı şəhər 68 saylı orta məktəbin nəznində təşkil olunmuş Laçın 3 saylı orta məktəbində coğrafiya müəllimi kimi əmək fəaliyyətini davam etdirir. 2011-ci ilin avqust ayından etibarən təqaüdə çıxır.

Elmi-pedaqoji fəaliyyəti[redaktə | əsas redaktə]

Bəxtiyar Kavanlı 1984-cü ildən başlayaraq "Tarix, İctimaiyyət və Coğrafiya tədrisi", "Azərbaycan təbiəti", AMEA-nın Nizami adına Ədəbiyyat İnsitutunda dərc olunan "Xalq və etnoqrafiya" jurnallarında, eləcə də "Azərbaycan müəllimi", "Laçın" qəzetlərində müxtəlif elmi-pedaqoji yazılarla çıxış etmişdir.

1986-cı il də Azərbaycan Xalq Maarifi Nazirliyi (indiki Azərbaycan Respublikası Təhsil Nazirliyi) tərəfindən Bəxtiyar müəllimin pedaqoji fəaliyyəti qiymətləndirilərək Bəxtiyar Kavanlıya "Baş müəllim" adı ilə təltif edilmişdir.

Yaradıcılığı[redaktə | əsas redaktə]

1964-cü ildə "İlk dəfə səs verəcəyəm" adlı şeri ilə yaradıcılığa başlamışdır. Bu şer Laçın qəzetində çap olunur. Bəxtiyar Kavanlının "Ömür vəfa etsə", "Payız çiçəkləri", "Dağlar bizi gözləyir" və "Dəryadan bir damla" adlı dörd kitabı çapdan çıxmışdır.

2009–cu ili Bəxtiyar Kavanlı yaradıcılığının çiçəkləndiyi dövr hesab etmək olar.

Döyüşlərdə iştirakı[redaktə | əsas redaktə]

1992–ci ilin may ayının sonundan iyun ayının əvvəllərinə qədər xeyli əmək sərf edərək bir qrup laçınlı könüllü döyüşçü toplayan Bəxtiyar müəllim taqım komandiri təyin edilir. İyun ayının axırında 45 nəfər könüllü döyüşçü ilə birlikdə Laçının müdafiəsinə yollanır. Taqım komandiri kimi hərbi əməliyyatlara başlayan Bəxtiyar Kavanlının ilk döyüş yolu Laçın rayonunun Bülüldüz kəndindən başladı.

Bir neçə saat davam edən döyüşün sonunda xeyli canlı qüvvə və hərbi sursat itkisi verən erməni silahlıları geri çəkilir və Bülüldüz kəndi düşmən tapdağından azad edilir[1].

Haqqında söylənilənlər[redaktə | əsas redaktə]

Azərbaycan Respublikasının xalq yazıçısı Əlibala Hacızadə; "Bəxtiyar Kavanlının qələmə aldığı şeirlər dərin məzmunludur və düşündürücü poetik məqamlarla doludur. Müəllif uzun müddət arı şirə çəkən kimi təsvir etdiyi poetik anları elə bil rəssam fırçasıyla rəngləyib[2].

Bəxtiyar Kavanlının yaradıcılıq tendensiyası daha çox bizim min illik şeir, dastan yaradıcılığımızdan süzülüb gəlir. Onun şeirləri əsasən sənətkar qüdrətinin nəyə hesablandığını ifadə edir[3].

El obaya məhəbbət, Vətən həsrəti, yurd sevgisi Bəxtiyar Kavanlının şeirlərinin əsas qayəsini təşkil edir. Onun qələmə aldığı şeirlər oxunaqlığı ilə diqqəti cəlb edir[4].

Bəxtiyar Kavanlının Vətən həsrətli, yurd sevgili, qələbə ruhlu şeirlərini oxuyan hər bir kəs məftun olur. Şeirlərində daha çox klassikliyə üstünlük verən şairin dil üslubu sadə və çox rəvandır. Şair Bəxtiyar Kavanlı şeirlərinin mövzuları sadəcə ömür-gün sürdüyü həyatdan deyil, eləcə də ürəyinin yanğısından, qəlbinin göynərtisindən qaynaqlanmışdır[1].

Ailəsi[redaktə | əsas redaktə]

Bəxtiyar Kavanlı 1974-cü ilin avqust ayında Həsənova Məlahət Yusif qızı ilə ailə qurmuşdur. Bu evlilik zamanı 2 oğul, 2 qız övladı dünyaya gəlmişdir. Onun 5 oğlan, 2 qız nəvəsi var.

Kitabları[redaktə | əsas redaktə]

Cild Kitabın adı İçindəkilər Şəhər Nəşriyyat İl Səhifə ISBN
Bəxtiyar Kavanlı. Ömür vəfa etsə.jpg
Ömür vəfa etsə[1] Müxtəlif illərdə yazılmış şeirlər Bakı Ulu 2004 107
Bəxtiyar Kavanlı. Dağlar bizi gözləyir.jpg
Dağlar bizi gözləyir[1] Vətən, yurd həsrətli şeirlər toplusu Bakı Şəms 2009 128
Bəxtiyar Kavanlı. Payız çiçəkləri.jpg
Payız çiçəkləri[5][6] Şeirlər toplusu Bakı Yazıçı 2013 144
Bəxtiyar Kavanlı. Dəryadan bir damla.jpg
Dəryadan bir damla[7][8]. Folklor nümunələri, etnoqrafik etüdlər, tanınmışların həyatından nümunələr Bakı Nərgiz 2013 128

İstinadlar[redaktə | əsas redaktə]

  1. 1,0 1,1 1,2 1,3 1,4 1,5 "Qəlbi həsrət yüklü şair", "Laçın yurdu" jurnalı. Bakı: "Bəxtiyar-4" nəşriyyatı, №2 (13), 2014, səh. 76-79.
  2. Dağlar bizi gözləyir, Bakı — 2009. "Şəms" nəşriyyatı, səh. 4.
  3. Payız çiçəkləri, Bakı — 2013. "Yazıçı" nəşriyyatı, səh. 2.
  4. Dağlar bizi gözləyir, Bakı — 2009. "Şəms" nəşriyyatı, səh. 2.
  5. Payız çiçəkləri
  6. Yeni kitablar, Annotasiyalı biblioqrafik göstərici, 2006, 2- ci buraxılış, Bakı – 2007 səh. 227.
  7. Kavanlı Bəxtiyar, Dəryadan bir damla
  8. "Laçın yurdu" jurnalı. Bakı: "Bəxtiyar-4" nəşriyyatı, №4 (11), 2013, səh. 66-67.

Xarici keçidlər[redaktə | əsas redaktə]