Bəxtiyar Məmmədov (siyasətçi)
| Bəxtiyar Məmmədov | |
|---|---|
 | |
Vəzifədədir | |
| 26 sentyabr 2024-cü ildən | |
| Əvvəlki | Anar İbrahimov (müvəqqəti) |
Vəzifədədir | |
| 26 sentyabr 2024-cü ildən | |
| Sədr | Özü (2024-cü ildən; müvəqqəti) |
| Əvvəlki | Azər Zeynalov |
Vəzifədədir | |
| 26 sentyabr 2024-cü ildən | |
| Seçki dairəsi | 2024 – 41 saylı Ordubad şəhər |
| 20 iyun 2023-cü il – 24 sentyabr 2024 | |
| Şəxsi məlumatlar | |
| Doğum tarixi | |
| Doğum yeri | Naxçıvan şəhəri, Naxçıvan MSSR, Azərbaycan SSR, SSRİ |
| Partiya | Yeni Azərbaycan Partiyası |
| Təhsili | Azərbaycan Neft və Kimya İnstitutu |
| Fəaliyyəti | siyasətçi |
|
|
|
| Təltifləri |
 |
Bəxtiyar İbrahim oğlu Məmmədov (1971, Naxçıvan şəhəri) — Naxçıvan Muxtar Respublikası Ali Məclisi sədrinin birinci müavini (26 sentyabr 2024-cü ildən) və VII çağırış Naxçıvan Muxtar Respublikası Ali Məclisinin deputatı, Azərbaycan Şahmat Federasiyasının vitse-prezidenti.
Həyatı
[redaktə | vikimətni redaktə et]Bəxtiyar İbrahim oğlu Məmmədov 1971-ci ildə Naxçıvan şəhərində anadan olub. Orta təhsilini 1978–1988-ci illərdə Naxçıvan şəhər 3 nömrəli rus orta məktəbində almış və həmin məktəbi fərqlənmə ilə bitirmişdir. 1988–1993-cü illərdə Azərbaycan Neft və Kimya İnstitutunda texnoloji proseslərin və istehsalatların avtomatlaşdırılması ixtisası üzrə ali təhsil almışdır. Avtomatlaşdırma üzrə mühəndisdir.[1] Rus və ingilis dillərini bilir. Ehtiyatda olan zabitdir. Ailəlidir, 2 övladı var.
Əmək fəaliyyətinə 1993-cü ildə “Azərneftyağ” Neftayırma Zavodunda cihazçı kimi başlamış, 1995–2003-cü illərdə “Azərneftyağ” İstehsalat Birliyində mühəndis, rəis müavini, 2003–2015-ci illərdə “Azərneftyağ” Neft Emalı Zavodunda şöbə rəisinin müavini, şöbə rəisi–baş metroloq, 2015–2016-cı illərdə Heydər Əliyev adına Bakı Neft Emalı Zavodunda baş metroloqun müavini, 2016–2019-cu illərdə Karbamid zavodunda direktor müavini–baş mühəndis, 2019–2023-cü illərdə Heydər Əliyev adına Neft Emalı Zavodunda direktor vəzifələrində çalışmışdır.[1][2]
İctimai–siyasi fəaliyyəti
[redaktə | vikimətni redaktə et]2023–2024-cü illərdə Naxçıvan Muxtar Respublikası Baş nazirinin müavini vəzifəsində çalışmışdır.[1][3]
Bəxtiyar Məmmədov 1 sentyabr 2024-cü ildə VII çağırış Naxçıvan Muxtar Respublikası Ali Məclisinə keçirilmiş növbədənkənar seçkilərdə 41 saylı Ordubad şəhər seçki dairəsindən namizədliyini irəli sürmüş və seçicilərin rəğbətini qazanaraq deputat seçilmişdir.[4] 26 sentyabr 2024-cü ildə keçirilmiş VII çağırış Naxçıvan Muxtar Respublikası Ali Məclisinin ilk iclasının gündəliyinə uyğun olaraq Ali Məclis sədrinin birinci müavini vəzifəsinə Bəxtiyar Məmmədovun namizədliyi irəli sürülmüş və təklif səsə qoyularaq qəbul edilmişdir.[5]
Bəxtiyar Məmmədov Azərbaycan Şahmat Federasiyasının 2 iyun 2025-ci il tarixdə keçirilmiş növbəti hesabat-seçki konfransında federasiyanın vitse-prezidenti vəzifəsinə seçilib.[6]
2000-ci ildən Yeni Azərbaycan Partiyasının üzvüdür.[7]
Mükafatları
[redaktə | vikimətni redaktə et]18 sentyabr 2010-cu ildə Azərbaycan Respublikası Prezidentinin Sərəncamı ilə “Tərəqqi” medalı ilə təltif olunmuşdur.[8]
İstinadlar
[redaktə | vikimətni redaktə et]- ↑ 1 2 3 "Bəxtiyar Məmmədov Naxçıvan Muxtar Respublikası Baş nazirinin müavini vəzifəsindən azad edilib". alimajlis.gov.az (az.). İstifadə tarixi: 14 noyabr 2024.
- ↑ "Neft Emalı Zavoduna yeni direktor təyin olunub". Trend.Az (az.). 11 dekabr 2019. 12 dekabr 2019 tarixində arxivləşdirilib. İstifadə tarixi: 14 noyabr 2024.
- ↑ "Naxçıvanın Baş nazirinə yeni müavin təyin olunub". Report İnformasiya Agentliyi (az.). 20 iyun 2023. 20 aprel 2024 tarixində arxivləşdirilib. İstifadə tarixi: 14 noyabr 2024.
- ↑ "Naxçıvan Ali Məhkəməsi Ali Məclisə seçkilərin nəticələrini təsdiqləyib - YENİLƏNİB". Apa.az (az.). 20 sentyabr 2024 tarixində arxivləşdirilib. İstifadə tarixi: 14 noyabr 2024.
- ↑ "Yeddinci çağırış Naxçıvan Muxtar Respublikası Ali Məclisinin ilk iclası keçirilib". alimajlis.gov.az (az.). 1 oktyabr 2024 tarixində arxivləşdirilib. İstifadə tarixi: 14 noyabr 2024.
- ↑ "Azərbaycan Şahmat Federasiyasının baş katibi təsdiqlənib". azertag.az (az.). 2 iyun 2025 tarixində arxivləşdirilib. İstifadə tarixi: 3 iyun 2025.
- ↑ "Sədrin Birinci Müavini Tərcümeyi-Hal". alimajlis.gov.az. İstifadə tarixi: 3 iyun 2025.
- ↑ "Azərbaycan Respublikasının neft sənayesi işçilərinin təltif edilməsi haqqında". frameworks.e-qanun.az. İstifadə tarixi: 14 noyabr 2024.
Xarici keçidlər
[redaktə | vikimətni redaktə et] | |
|---|---|
| |