Bəylikdüzü

Vikipediya, azad ensiklopediya
Jump to navigation Jump to search
Bəylikdüzü
Şehirleşmenin Kentleşmenin En Hızlı Hali Esenyurt Beylikdüzü Bölgesi.JPG

40°58′55″ şm. e. 28°38′24″ ş. u.


Ölkə
Məmur Məhməd Okur[1]
Bələdiyyə başçısı Məhməd Murad Çalık (CHP)
Tarixi və coğrafiyası
Hündürlük
  •  Maksimal


  • 50 m
Saat qurşağı
Əhalisi
Əhalisi
  • 331.525 nəf. (2018)
Rəqəmsal identifikatorlar
Telefon kodu +90 212
Poçt indeksi 343xxx
Avtomobil nömrəsi 34
Rəsmi sayt
Bəylikdüzü xəritədə
Commons-logo.svg Vikianbarda əlaqəli mediafayllar

Bəylikdüzüİstanbulun qərb ilçələrindən biridir. Cənubunda Mərmərə dənizi, şərqində Avcılar, qərbində Böyükçəkməcə, şimalında isə Əsənyurd ilçələri yerləşmişdir. Ərazisi 360 km²-dır.

Tarixçəsi[redaktə | əsas redaktə]

E.ə. VII əsrdə ilk yaşayışın başladığı Bəylikdüzünün qurucularının Yunanlar olduğu fərz edilir. E.ə. II əsrdə Bizans suverenliyinə girən Böyükçəkməcənin mahallarından biri olan Bəylikdüzü, İstanbulun fəthindən sonra Osmanlı İmperiyasına bağlanmışdır. Kurortkənd təsərrüfatı mərkəzi olan Bəylikdüzü, BizansOsmanlı dövrlərində orduların yaşayış yeri olduğundan, bölgədə intensiv yaşayış olmamışdır.

Respublika əvvəli dövrdəki adı bağça mənasına gələn "Garden" olmuşdur. Respublika dövründə isə kəndin təbii iqliminə görə çox asan yetişdirilə bilən qovaq ağaclarının sıxlığı səbəbindən "Qovaq Ağaclı" adı verilmişdir və bu ad yanvar 2003-cü ilə qədər istifadə edilmişdir. 1 dekabr 1993-cü il tarixində 21.775 saylı Rəsmi Qəzetdə nəşr olunan Daxili İşlər Nazirliyinin 93/42.466 saylı qərarı ilə Qovaq Ağaclı, Böyükçəkməcəyə bağlı bir mahal olmuşdur. 22 mart 2008 tarixli və 26824 Saylı Rəsmi Qəzetdə nəşr olunan "Böyükşəhər Bələdiyyəsi Sərhədləri İçərisində Rayon Qurulması və Bəzi Qanunlarda Dəyişiklik Edilməsi Haqqındakı Qanun" çərçivəsində isə "Bəylikdüzü" adı ilə rayona çevrildi.[2]

İqlim[redaktə | əsas redaktə]

Bəylikdüzü sahillərində dəniz suyunun orta temperaturu 14.4 °C-dır[3]. İllik ortalama yağış 54.2 mm-dir, ən azı avqust ayında ən çox ilin dekabr ayında nəmlik artır. Dekabr, küləklərin ən hakim olduğu aydır. Bəylikdüzündə maksimum qar qalınlığı 60 sm olmuşdur[4]. Bəylikdüzü dənizdən təxminən 150 metr yüksəkdə yerləşdiyi üçün İstanbulun mərkəzi rayonlarına nisbətən rütubətsiz, təmiz və küləkli havaya malikdir və qışları sərt keçir. Bəylikdüzünün demək olar ki, hər yerində ağac sahələr olduğu üçün mövsüm keçişləri bir vizual bayrama çevirilir.[5]

Nəqliyyat[redaktə | əsas redaktə]

Bəylikdüzünə nəqliyyat ilçəyə metrobus kəmərinin uzadılması ilə yaxşılaşmışdır. Metrobus ilə Bəylikdüzünə istənilən saat nəqliyyat mümkündür. Bəylikdüzü Zincirliquyu arası Metrobus orta hesabla 60 dəqiqə çəkir. Beylikdüzü rayonu E-5 avtomobil yolu üzərində yer aldığı üçün istənilən nəqliyyat vasitələrinin istifadəsi əlverişlidir.[6]

İqtisadiyyat[redaktə | əsas redaktə]

Bəylikdüzü sahilində kiçik evlər.

Bəylikdüzü ilçəsinin iqtisadiyyatı ümumiyyətlə sənayeticarətə əsaslanır. İlçədə Türkiyənin ən böyük konteyner limanı olan Anbarlı Limanı yer alır. Anbarlı Limanı dünyada ən böyük 50 konteyner limanı içərisində yer alır. Anbarlı Limanının şərqində yerləşən Yanacaq Dolum Və Paylama Müəssisələri və Termik Stansiya rayon iqtisadiyyatında mühüm yer tutur. Anbarlı Limanının yanına West Istanbul Marina inşa edilmişdir. Rayonda Beylikdüzü Mütəşəkkil Sənaye Bölgəsi damı altında Birlik Sənaye yaşayış məskəni, Misgərlər Sənaye yaşayış məskəni, Mərmərcilər Sənaye və Beysan Sənaye yaşayış məskənləri rayon iqtisadiyyatının sənaye budağını təşkil edir. Beylikdüzü Bəykənd bölgəsində Arçelik zavodu yer almaqdadır. Rayonda kənd fəaliyyəti olaraq daha çox arıçılıq məşhurlaşmışdır, Gürpınar bölgəsində isə balıqçılıq əhəmiyyətli bir dolanışıq mənbəyidir.

İstinadlar[redaktə | əsas redaktə]

  1. "T.C. Beylikdüzü Kaymakamlığı Resmi Web Sayfası". www.beylikduzu.gov.tr. İstifadə tarixi: 18 mart 2020.
  2. "`İstanbul`un yatırım merkezi olduk`". Turco Money (türk). İstifadə tarixi: 23 iyun 2019.
  3. "Beylikdüzü Denize çıkış". Beylikdüzü Belediyyesi. İstifadə tarixi: 23 iyun 2019.
  4. "Beylikdüzü İklim bilgileri". Beylikdüzü Belediyyesi. İstifadə tarixi: 23 iyun 2019.
  5. "Beylikdüzün'de parlak iklim". Beylikdüzü Belediyesi. İstifadə tarixi: 23 iyun 2019.
  6. "Beylikdüzü ulaşım kolaylığı". Beylikdüzü Belediyesi. İstifadə tarixi: 23 iyun 2019.

Həmçinin bax[redaktə | əsas redaktə]

Bəylikdüzü ilçəsi tanıtım videosu