BMT Baş Assambleyasının 62/243 saylı qətnaməsi

Vikipediya, azad ensiklopediya
Jump to navigation Jump to search

BMT Baş Assambleyasının 62243 saylı qətnaməsi (62/243 qətnaməsi) — "Azərbaycanın işğal olunmuş ərazilərindəki vəziyyət" başlığı altında 14 mart 2008-ci il tarixində BMT Baş Məclisi tərəfindən 86-cı plenar iclasda qəbul edilmişdir. Layihənin müəllifi Azərbaycandır [1].

Qətnamədə "Azərbaycan Respublikasının beynəlxalq səviyyədə tanınmış sərhədləri daxilində suverenliyinə və ərazi bütövlüyünə hörmət və dəstək" təkrarlanır, "bütün Ermənistan silahlı qüvvələrinin Azərbaycan Respublikasının bütün işğal olunmuş ərazilərindən dərhal, tam və qeyd-şərtsiz çıxarılması" tələb olunur və həmçinin “heç bir dövlət Azərbaycan Respublikası ərazilərinin işğalı nəticəsində yaranan hüquqi vəziyyəti tanımamalı və bu vəziyyətin qorunmasına yardımçı və ya kömək etməməli olduğunu” bəyan edir[2]. Qətnamə Mardakertdəki qarşıdurmalardan qısa müddət sonra qəbul edildi[3].

Qeyd etmək lazımdır ki, Assambleya tərəfindən qəbul edilmiş qətnamələr, Təhlükəsizlik Şurasının qərarlarından fərqli olaraq, məcburi deyildir, çünki tövsiyə qüvvəsinə malikdir, halbuki ölkələrin heç biri veto edə bilməz.

Azərbaycanın BMT-dəki nümayəndəsi Aqşin Mehdiyev “Azərbaycanın işğal olunmuş ərazilərindəki vəziyyət haqqında” qərar sənədini (sənəd A / 62 / L.42) təqdim edərək, “Azərbaycanın Dağlıq Qarabağ bölgəsi daxilində və ətrafında olan qarşıdurmanın uzun bir tarixə sahib olduğunu” da bildirdi[3].

Səs vermənin nəticəsi[redaktə | əsas redaktə]

Ölkə üzrə səsvermə:
     Lehinə      Bitərəf      Əleyhinə      İştirak etməyən

39 dövlət qətnamənin lehinə, 7-si əleyhinə, 100-ü bitərəf qalıb.

Lehinə[redaktə | əsas redaktə]

Azərbaycan, Əfqanıstan, Banqladeş, Bəhreyn, Bruney, Qambiya, Gürcüstan, Cibuti, İndoneziya, İordaniya, İrak, Yəmən, Kamboca, Qətər, Kolumbiya, Küveyt, Komor adaları, Liviya, Malayziya, Maldiv adaları, Mərakeş, Moldaviya, Myanma, Niger, Nigeriya, Birləşmiş Ərəb Əmirlikləri, Oman, Pakistan, Səudiyyə Ərəbistanı, Seneqal, Serbiya, Somali, Sudan, Syerra-Leone, Tuvalu, Türkiyə, Uqanda, Özbəkistan, Ukrayna[4].

Əleyhinə[redaktə | əsas redaktə]

Anqola, Ermənistan, Vanuatu, Hindistan, Rusiya Federasiyası, Amerika Birləşmiş Ştatları, Fransa[4].

Bitərəf[redaktə | əsas redaktə]

Avstraliya, Avstriya, Albaniya, Əlcəzair, Andorra, Antiqua və Barbuda, Argentina, Baham adaları, Barbados, Belçika, Bolqarıstan, Boliviya, Bosniya və Herseqovina, Botsvana, Braziliya, Macarıstan, Venesuela, Haiti, Qayana, Qana, Qvatemala, Almaniya, Honduras, Qrenada, Yunanıstan, Danimarka, Dominikan Respublikası, Misir, Zambiya, İsrail, İrlandiya, İslandiya, İspaniya, İtaliya, Qazaxıstan, Kamerun, Kanada, Keniya, Kipr, Çin, Konqo, ÇXR, Kosta-Rika, Latviya, Liberiya, Litva, Lixtenşteyn, Lüksemburq, Mavriki, Madaqaskar, Makedoniya, Malta, Meksika, Mozambik, Monako, Monqolustan, Namibiya, Nepal, Niderland, Nikaraqua, Yeni Zelandiya, Norveç, Panama, Papua-Yeni Qvineya, Peru, Polşa, Portuqaliya, Koreya, Rumıniya, Salvador, Samoa, San-Marino, Svazilend, Sent-Lüsiya, Sinqapur, Slovakiya, Sloveniya, Böyük Britaniya, Solomon adaları, Surinam, Tailand, Şərqi Timor, Toqo, Trinidad və Tobaqo, Uruqvay, Filippin, Finlandiya, Xorvatiya, Çernoqoriya, Çexiya, Çili, İsveçrə, İsveç, Şri-Lanka, Ekvador, Qvineya, Estoniya, Cənubi Afrika, Yamayka, Yaponiya[4].

İstinadlar[redaktə | əsas redaktə]