Bahadır bəy Vəkilov

Vikipediya, açıq ensiklopediya
Jump to navigation Jump to search
Bahadır bəy Vəkilov
Bahadır bəy İbrahim ağa oğlu
Doğum tarixi 1889
Doğum yeri Qazax qəzası
Vəfat tarixi 1920
Vəfat səbəbi repressiya edilmişdir
Vətəndaşlığı Azərbaycan Azərbaycan
Milliyyəti azərbacanlı
Fəaliyyəti hərbi qulluqçu

Bahadır bəy İbrahim ağa oğlu Vəkilov (d.1894, Çəmənli, Şuşa q. – (v.1940, Moskva) – Azərbaycan Milli Ordusunun kapitanı.

Həyatı[redaktə | əsas redaktə]

Azərbaycan Milli Ordusunun kapitanı Bahadır bəy İbrahim ağa oğlu Vəkilov da bu nüfuzlu nəslin nümayəndəsidir. 1889-cu il martın 24-də Qazaxda zadəgan ailəsində anadan olub. İlk təhsilini Tiflisdə birinci kişi gimnaziyasında alıb. 1918-ci il mayın 15-də yeni yaranan Müsəlman korpusuna könüllü daxil olub.

Sentyabrın 1-dən piyada qoşunlarında kiçik yunker, böyük yunker rütbəsində xidmət edib, noyabrın 18-də isə Gəncədəki praporçiklər məktəbini birinci dərəcə ilə bitirib. Məktəbi əla qiymətlərlə bitirdiyinə görə o, hərbi məktəbdə rota komandiri vəzifəsində saxlanılıb. Məktəbin rəisi polkovnik Şirin bəy Kəsəmənski 28 fevral 1919-cu ildə gənc zabit Bahadır bəyə verdiyi xasiyyətnamədə qeyd edir ki, əla davranışa və yüksək əxlaqa malikdir. Zabit kadrlarının yetişdirilməsinə tam layiqdir.

1919-cu ilin mart ayında zabit Bahadır bəy Vəkilov üçüncü Gəncə süvari alayının tərkibində ölkənin şərq-qərb cəbhəsinə ezam olunur. O, Ordubad rayonunda yerləşən hərbi dəstənin komandanı təyin olunur.


Mərkəzi Dövlət Arxivinin sənədlərində mərd kapitan Bahadır bəy İbrahim ağa oğlu Vəkilovun heç bir sənədinə rast gəlmək mümkün olmadı. Lakin Milli Təhlükəsizlik Nazirliyinin arxivində Bahadır bəy Vəkilova məxsus 21392 saylı çox nazik bir qovluq var. 1920-ci il iyunun 25-də həbs olunan Bahadır bəyin istintaq işini müstəntiq Akopcanov və Levitski aparıb.

Sorğu-sual qısa və yığcamdır. Həbs vərəqində "cinayətin xarakteri" qrafasının qarşısında oxuyuruq: "Müsavat ordusunun zabiti və rota komandiri olub. Güllələnsin!" istər-istəməz düşünürsən və təəccüb edirsən: öz xalqının Milli ordusunda qulluq etmə nə vaxtdan cinayət sayılıb? Bu da XI ordunun xüsusi şöbə rəisi, cəllad Semyon Pankratovun təsdiq etdiyi dərkənar: "Güllələnsin, hökm dərhal yerinə yetirilsin. 3 iyul 1920-ci il".

Mənbə[redaktə | əsas redaktə]

  • Şəmistan Nəzirli Topoqraf general İbrahim ağa Vəkilov. Bakı: «Zaman» nəşriyyatı, 2002, 203 səh.