Bakı Şəhəri üzrə Təhsil İdarəsi

Vikipediya, açıq ensiklopediya
(Bakı Şəhər Təhsil İdarəsi səhifəsindən istiqamətləndirilmişdir)
Jump to navigation Jump to search
Bakı Şəhəri üzrə Təhsil İdarəsi
Bakı Təhsil İdarəsi.jpg
Ölkə: Flag of Azerbaijan.svg Azərbaycan
Yaradılıb: 28 iyul 2006
Tabeçilik: Azərbaycan Respublikası Təhsil Nazirliyi
Ünvan: AZ 1007, Azərbaycan Respublikası, Bakı şəhəri, Xan Şuşinski - 17
Rəhbərlik
Rəhbər: Rəşad Tağıyev (2018 - h.h)
Müavin: Hüseyn Əsgərov
Nərgiz Səfərova
İlhamə Abdullayeva
Sayt
baku.edu.gov.az

Bakı Şəhəri üzrə Təhsil İdarəsiAzərbaycan Respublikası Təhsil Nazirliyinin birbaşa tabeliyində olan idarə.

Tarixi[redaktə | əsas redaktə]

“Azərbaycan Respublikası Təhsil Nazirliyinin strukturunun təkmilləşdirilməsi ilə bağlı tədbirlər planı haqqında” Azərbaycan Respublikası Prezidentinin 2006-cı il 31 mart tarixli 1399 nömrəli Sərəncamına əsasən Bakı şəhəri, təhsil şöbələri ləğv edilərək Sərəncamın icrası məqsədilə Nazirlər Kabineti 28 iyul 2006-ci il tarixində qərar qəbul edilmişdir. [1] Qərara əsasən, Təhsil Nazirliyinin birbaşa tabeliyində olan Bakı Şəhəri üzrə Təhsil İdarəsi yaradılmışdır.[2]

Hazırda idarədə 12 sektor, xidmət bölmələri və Təlimə Dəstək Mərkəzi fəaliyyət göstərir. BŞTİ-nin tabeliyində 317 məktəb (307 tam orta məktəb, 7 əyani-qiyabi axşam məktəbi, 3 xüsusi tipli ümumi orta məktəb) və 5 uşaq-gənclər inkişaf mərkəzi vardır.[3]

Fəaliyyəti[redaktə | əsas redaktə]

İdarənin fəaliyyət istiqamətlərinə aşağıdakılar daxildir:

  • Demokratik idarəetmənin təkmilləşdirilməsi;
  • Təhsilin keyfiyyətinin yüksəldilməsi;
  • İnnovasiyaların pedaqoji prosesə tətbiqi;
  • Tərbiyə işinin yenidən qurulması, milli tərbiyə sisteminin formalaşdırılması;
  • Pedaqoji kadrların işə qəbulu, müəllim hazırlığı üzrə yeni model və mexanizmlərə uyğun olaraq onların fasiləsiz təhsilə cəlb edilməsi;
  • Bütün fəaliyyət sahələri üzrə monitorinq və qiymətləndirmə aparılması;
  • İstedadlı şagirdlərin aşkara çıxarılması, onların müsabiqə və yarışlarda, olimpiadalarda iştirakının təmin edilməsi, "İstedad bankı"-na daxil edilməsi və bu sahədə qarşıya qoyulmuş vəzifələrin həyata keçirilməsi;
  • Zəif oxuyan və çətin tərbiyə olunan şagirdlər, xüsusi qayğıya ehtiyacı olan uşaqlarla işin gücləndirilməsi;
  • Məktəb kitabxanalarının zənginləşdirilməsi və yenidən qurulması işinin davam etdirilməsi və müasir tələblərə uyğun xidmət mexanizminin formalaşdırılması;
  • Məktəb tikintisi, məktəblərin təmiri, təminatı və təchizatı sahəsində təkliflərin hazırlanması və həyata keçirilməsi.

Qalereya[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]