Bakı Şopinq Festivalı

Vikipediya, azad ensiklopediya
Jump to navigation Jump to search
Bakı Şopinq Festivalının loqotipi

Bakı Şopinq festivalı[redaktə | əsas redaktə]

Bakı Ticarət Festivalı (Baku Shopping Festival) Azərbaycanda ilk dəfə olaraq 10 aprel-10 may 2017-ci il tarixdə təşkil olunmuşdur.

Festival Azərbaycan Respublikasının Prezidentinin “Azərbaycan Respublikasında turizmin inkişafı ilə bağlı əlavə tədbirlər haqqında” 2016-cı il 1 sentyabr tarixli Sərəncamına əsasən keçirilmişdir.

Festivalın məqsədi[redaktə | əsas redaktə]

Azərbaycan Respublikasında ticarət dövriyyəsini inkişaf etdirmək, genişləndirmək, daxili və gəlmə turizmə əlavə stimul yaratmaq, yerli istehsalı və sahibkarlığı hərəkətə gətirmək, qeyri-neft-sektorunun yeni bir yolla canlanmasına nail olmaq.

Festivalın təşkilatçısı[redaktə | əsas redaktə]

Bakı Ticarət Festivalının təşkilatçısı Azərbaycan Respublikası Mədəniyyət və Turizm Nazirliyinin nəzdində fəaliyyət göstərən Azərbaycan Konqreslər Bürosudur.

İştirakçılar[redaktə | əsas redaktə]

Bakı Şopinq Festivalında 205 ticarət müəssisəsi iştirakçı kimi qeydiyyatdan keçmişdir. 172 ticarət müəsisəsi isə ƏDV qaytarmaq proqramına qoşulmuşdur.

Təbliğatı[redaktə | əsas redaktə]

Televiziya, radio, onlayn media, sosial şəbəkələr, internet kanalları və digər informasiya resursları vasitəsi ilə festival haqqında 54 ölkədə məlumatlar yayımlanmışdır.

Maliyyə dövriyyəsi[redaktə | əsas redaktə]

Festivalın keçirilməsinə təşkilat komitəsi tərəfindən 700 min manat məbləğində vəsait xərclənmişdir. “Tax Free” sistemi üzrə verilmiş 23 min 242 ədəd hesab faktura üzrə ümumi dövriyyə 18 167 892 manat təşkil etmişdir. Alıcılara 1 milyon 800 min manat məbləğində ƏDV qaytarılmışdır. Festival çərçivəsində dövlət büdcəsinə isə 5,6 milyon manat vəsait daxil olmuşdur.

Ziyarətçilər[redaktə | əsas redaktə]

Festival çərçivəsində ticarət mərkəzlərinin ərazisində, İçərişəhərdə, Sabir bağında və Bakı şəhərinin digər mərkəzi hissələrində təşkil edilmiş müxtəlif tədbirlərdə 200 minədək ziyarətçi iştirak etmişdir.

İstinadlar[redaktə | əsas redaktə]