Bakı şəhəri 162 nömrəli tam orta məktəb

Vikipediya, açıq ensiklopediya
Jump to navigation Jump to search
Picto infobox université.png
Bakı şəhəri 162 nömrəli tam orta məktəb
162 nömrəli tam orta məktəb.jpg
Direktor Sevinc Abbasova
Şagird sayı 1515
Müəllim sayı 108
Şəhər Bakı
Ölkə Azərbaycan Azərbaycan

Bakı şəhəri 162 nömrəli tam orta məktəbAzərbaycan Respublikasının Bakı şəhərində ümumi təhsil müəssisəsi. [1]

Tarixi[redaktə | əsas redaktə]

162 nömrəli məktəbin binası 1917-ci ildə Bakı milyonçusu Murtuza Muxtarov tərəfindən təsərrüfat məqsədi ilə inşa edilmişdir. Ərazidə neft yataqları aşkar edildikdən sonra mədənlərdə işləyən fəhlələr burada yerləşən birmərtəbəli tikililərdən yaşayış yeri kimi istifadə etməyə başlamışlar. Həmin dövrlərdə M.Muxtarovun Bakı Müsəlman Qadın Xeyriyyə Cəmiyyətinin sədri olan həyat yoldaşı osetin əsilli Liza Muxtarova (Tuqanova) hal-hazırda 162 saylı məktəbin binası olan tikililərdən birində 4 sinifdən ibarət qız məktəbi açmışdır. Burada qızlara təhsil verməklə yanaşı, toxumaq, tikiş tikmək və s. öyrədilirdi. Məktəb öz fəaliyyətini sovet dönəmində də davam etdirmişdir. Belə ki, 1936-cı ildə həmin binada rus məktəbi fəaliyyətə başlamışdır. Böyük Vətən müharibəsi illərində binadan hərbi hospital kimi istifadə olunmuş, daha sonra 1947–ci ildə təmir edilərək, uyğunlaşdırılmış məktəb binası kimi istifadəyə verilmişdir. Sovet dönəmində rusdilli məktəb kimi fəaliyyət göstərmiş beynəlmiləl təhsil ocağında, Respublikamız müstəqillik qazandıqdan sonra Azərbaycan bölməsi də açılmışdır. Həm şagird, həm də müəllim kollektivinin milli mənsubiyyətinin və etnik tərkibinin rəngarəng olduğu bu məktəb multikulturalizm ənənələrinə olduqca sadiqdir. Hal-hazırda məktəb Nazirlər Kobinetinin 144 №-li qərarına əsasən vaxtilə burada təhsil almış, Qarabağ müharibəsində Tərtər rayonunun Qapanlı kəndi uğrunda gedən döyüşlərdə qəhrəmancasına həlak olmuş Etibar Allahverdi oğlu Əliyevin adını daşıyır. 100 yaşlı bu təhsil ocağı 2017-ci ildə Səbail rayon İH tərəfindən əsalı təmir olunaraq, istifadəyə verilmişdir.[2]

Əlavə[redaktə | əsas redaktə]

Məktəb 650 yerlik əsas korpusdan ibarətdir, 5 günlük və 3 növbəli iş rejimində işləyir. Hazırda 58 sinif komplektində 1515 nəfər şagird Azərbaycan və rus bölmələrində təhsil alır. 108 nəfərdən ibarət pedoqoji kollektiv üzvlərindən bir nəfər elmlər namizədidir. Məktəbdə xarici dil kimi rus və ingilis dilləri tədris edilir. Müəllim-şagird nisbəti 1:13 nəfərdir. 2016-cı ildə yaradılmış "Kiçik Akademiya" AMEA-nın "Gənc Alim və Mütəxəssislər Şurası" nın dəstəyi ilə şagirdlərin potensial istedadınının aşkara çıxarılması, onların gələcək inkişafının düzgün istiqamətləndirilməsinin təmin edilməsi məqsədi ilə həyata keçirdiyi tədbirlər nəticəsində bir sıra uğurlara imza atmışdır.

Layihələri[redaktə | əsas redaktə]

Məktəbdə hal-hazırda Təhsil Nazirliyi tərəfindən bir neçə pilot layihə uğurla həyata keçirilir:

  • İnformatika fənninin yeni formatda tədrisi üzrə informasiya texnologiyaları (İT) sistemləri və proqramlaşdırmanın öyrədilməsi üzrə proqramlar hazırlayan “Alqoritmika” beynəlxalq təhsil şirkəti ilə birgə həyata keçirilən “Rəqəmsal bacarıqlar” pilot layihəsi
  • ADA Universiteti və “Mars Academy” şirkətinin birgə təşkilatçılığı ilə məktəblilər arasında “First Lego League (FLL) Azerbaijan” mühəndislik və robototexnika pilot layihəsi
  • Azərbaycan Respublikası Təhsil Nazirliyi Respublika Uşaq-Gənclər İnkişaf Mərkəzi və Tusi - BOHM PLANETARİUMun birlikdə təşkil etdiyi kosmik cihazların maketlərinin hazırlanmasına həsr olunmuş "Gələcəyin mühəndisi" layihəsi
  • Təhsil Nazirliyinin 24.11.2016-cı il tarixli 611 qeydiyyat nömrəli sərəncamına əsasən I siniflər üçün Azərbaycan dili və riyaziyyat fənni üzrə Azərbaycan Respublikasının Təhsil İnstitutu Tədris Resursları Mərkəzi tərəfindən I siniflərdə həyata keçirilən "Alternativ dərsliklər"layihəsi
  • 2019-2020-ci tədris ilindən Təhsil Nazirliyinin “Sağlam təhsil-sağlam millət” layihəsinin həyata keçirilməsi planlaşdırılmışdır.

Nailiyyətləri[redaktə | əsas redaktə]

"KA" üzvü X sinif şagirdi Zeynəb Sadıxova "Sabahın alimləri" VI Respublika Olimpiadasında biologiya, İsgəndərov Rafael Rəşan oğlu fənn olimpiadalarında informatika fənni üzrə 3-cü yerin qalibi olmuşlar. Digər "KA" üzvü Mahirə Əsədzadə I ixtisas qrupu üzrə DİM-in keçirdiyi qəbil imtahanında 700 bal toplayaraq,respublika üzrə maksimum nəticə göstərən abituriyentlərdən biri olmuşdur. Məktəbin məzunlarından iki nəfər qızıl və gümüş medala layiq görülmüşdür.

Qalereya[redaktə | əsas redaktə]

İstinadlar[redaktə | əsas redaktə]