Bakı Dövlət Universitetinin Kitabxanaçılıq-informasiya fakültəsi

Vikipediya, azad ensiklopediya
Jump to navigation Jump to search

Kitabxanaçılıq-informasiya fakültəsi
Bakı Dövlət Universiteti

BDU KİF.jpeg
Yaranma tarixi 1947
Dekan Ələmdar Cabbarlı
Şəhər BakıCoat of arms of Baku.svg Bakı
Ölkə Azərbaycan Azərbaycan
Vebsayt libinfo.bsu.edu.az

Bakı Dövlət Universitetinin Kitabxanaçılıq-informasiya fakültəsiBakı Dövlət Universitetinin fakültələrindən biri.[1]

Tarixi[redaktə | əsas redaktə]

Kitabxanaçılıq-informasiya fakültəsi Kitabxanaçılıq şöbəsi kimi 1947-1948-ci tədris ilində BDU-nun Filologiya fakültəsinin nəzdində təşkil olunmuş, bununla da Azərbaycanda ali kitabxanaçılıq təhsilinin əsası qoyulmuşdur.[2]

Xalq yazıçısı Süleyman Rəhimov, təcrübəli kitabxana mütəxəssisləri Əliheydər Qəhrəmanov, Hüseyn TağıyevMəryəmxanım Səmədova şöbənin ilk ixtisas müəllimləri kimi fəaliyyət göstərmişlər.[3]

1958-ci ildən Kitabxanaçılıq şöbəsi Şərqşünaslıq fakültəsinin nəzdində fəaliyyət göstərmişdir. Kitabxanaçılıq şöbəsi fəaliyyət göstərdiyi illərdə özünün formalaşma dövrünü keçmiş, müstəqil Kitabxanaçılıq fakültəsinin təşkilinə zəmin yaratmışdır.[2]

Müstəqil Kitabxanaçılıq fakültəsi 1962-ci ilin oktyabr ayından fəaliyyətə başlamışdır. SSRİ miqyasında ilk dəfə olaraq universitet təhsili bazasında kitabxanaçı kadrların hazırlanmasını təmin edən Kitabxanaçılıq şöbəsinin müstəqil fakültəyə çevrilməsi Azərbaycanda kitаbхаnа işinin inkişafına təkan verdi.[4]

2003-cü ildə Kitabxanaçılıq fakültəsinin adı dəyişdirilərək Kitabxanaçılıq-informasiya fakültəsi adlandırılmışdır.[4]

Rəhbərlər[redaktə | əsas redaktə]

1962-ci ildən bu günə kimi fakültəyə dörd dekan rəhbərlik edib: 1962-1970, 1979-1993-cü illərdə tarix elmləri doktoru, prof. Abuzər Xələfov, 1970-1979-cu illərdə prof. Zöhrab Əliyev, 1993-2012-ci illərdə prof. Xəlil İsmayılov.[2] 2012-ci ildən 2020-ci ilin sentyabr ayınadək fakültənin dekanı dosent Azad Qurbanov olmuşdur. Hal-hazırda fakültəyə dekan əvəzi, dosent Ələmdar Cabbarlı rəhbərlik edir.[5]

Məzunları[redaktə | əsas redaktə]

Kitabxanaçılıq-informasiya fakültəsinin məzunları sırasında professorlar, dosentlər, elmlər və fəlsəfə doktorları, görkəmli yazıçılar, şairlər, ictimai və dövlət xadimləri, jurnalistlər, hüquq-mühafizə orqanlarının əməkdaşları, ayrı-ayrı nazirliklərdə müvəffəqiyyətlə çalışan dövlət qulluqçuları və digər şəxslər vardır. Onlardan bəzilərinin adlarını qeyd etmək yerinə düşər: prof. Abuzər Xələfov, prof. Bayram Allahverdiyev, prof. Zöhrab Əliyev, prof. Xəlil İsmayılov, prof. Qara Namazov, prof. İslam Ağayev, prof. Əsədulla Qurbanov, fil.ü.e.d. Aybəniz Əliyeva-Kəngərli, fil.ü.e.d. İmaməddin Zəkiyev, dos. Elman Bədəlov, dos. Hacı Həsənov, dos. Tacəddin Quliyev, dos. Zöhrab Baxşəliyev, dos. Fərman Həsənov, dos. Əşrəf Xələfov, dos. Almaz Abbasova, dos. Əli Rüstəmov, dos. Sahib Rzayev, dos. Aşur Əliyev, dos. Nadir İsmayılov, dos. Mehmanəli Məmmədov, dos. Elçin Əhmədov, dos. Knyaz Aslan, dos. Ələmdar Bayramov (Cabbarlı), tar.ü.f.d. Eldəniz Məmmədov[6], dos. Rasim Süleymanov, dos. Nailə Mehrəliyeva, kitabxana işinin təşkilatçılarından Sara İbrahimova, Tahir Sadıqov, Oruc Quliyev, şair, yazıçı və jurnalistlərdən Zəlimxan Yaqub, Əlisa Nicat, Məmməd İsmayıl, Şakir Yaqubov, Əhməd İsayev, Akif Nəsirov, Şəlalə Məhyəddinqızı və digərləri.[2]

İstinadlar[redaktə | əsas redaktə]

  1. Bakı Dövlət Universitetinin Kitabxanaçılıq-informasiya fakültəsi
  2. 1 2 3 4 Azərbaycan Kitabxana Ensiklopediyası
  3. Burada kitabxanaçılar yetişir / C.Zərbəliyev // Mədəniyyət, 2012, 19 dekabr. s. 7.
  4. 1 2 "Xələfov A.A. Azərbaycanda kitabxana işinin tarixi: Dərslik (3 hissədə, h. 2.). Bakı: Bakı Universiteti Nəşriyyatı, 2007, 552 s." (PDF). 2020-09-20 tarixində orijinalından (PDF) arxivləşdirilib. İstifadə tarixi: 2021-02-02.
  5. Ələmdar Qəmbər oğlu Bayramov (Ələmdar Cabbarlı). Arxivləşdirilib: 21.01.2021.
  6. http://libinfo.bsu.edu.az/az/content/mmmdov__eldniz

Həmçinin bax[redaktə | əsas redaktə]