Bakı Slavyan Universiteti nəzdində məktəb-lisey kompleksi

Vikipediya, azad ensiklopediya
Jump to navigation Jump to search
Bakı Slavyan Universiteti nəzdində məktəb-lisey kompleksi
Şəhər Bakı

Bakı Slavyan Universiteti nəzdində məktəb-lisey kompleksi (əvvəlki adı: Bakı Slavyan Universitetinin Humanitar Liseyi) — Azərbaycan Respublikasının Bakı şəhərində ümumi təhsil müəssisəsi; Azərbaycanda fəaliyyətə başlamış ilk liseylərdən biri.

Tarixi[redaktə | əsas redaktə]

Bakı Slavyan Universitetinin Humanitar Liseyi müstəqil Azərbaycanda fəalityyətə başlamış ilk liseylərdən biridir. 1996-cı ildən M.F.Axundov ad. APRDƏİ-nin "Turan" liseyi adı ilə fəaliyyət göstərmiş, 2000-ci ildən isə Bakı Slavyan Universitetinin Humanitar liseyi adlandırılmışdır.

Liseydə ikinci xarici dilin (rus, fransız, alman və daha bir slavyan dili) tədrisi, Azərbaycan tarixi və dünya ədəbiyyatı inciləri ilə tanışlıq (ingiliscə, fakültativ məşğələlərdə), şagirdlərin seçiminə və Universitetin ixtisaslarına uyğun təmayül siniflər və yarımqrupların yaradılması, slavyan və türk xalqlarının tarixi və mədəniyyətinin müstəqil fənn kimi tədrisi əsas prioritet istiqamətlərdəndir.

Liseydə Azərbaycan dili və ədəbiyyat, fizika-riyaziyyat, tarix-coğrafiya, xarici dillər, kimya-biologiya, informatika kabinetləri, Debat və innovasiya mərkəzi, "Amerika haqqında nə bilirəm" (ingiliscə) dərnəyi, bütün fənlər üzrə metodbirləşmələr fəaliyyət göstərir. Liseyin aparıcı müəllimləri p.e.n. A.G.Məmmədov, dos. İ.M.Carçiyeva, dos. S.Ə.Məmmədov, ped.e.n. İ.Məmmədov, baş müəllim S.H.Mahmudova, Fəttah Fəttayev, Ü.M.Əmənova fənn metodbirləşmələrinə rəhbərlik edirlər. Liseyin müəllimləri T.H.Cəfərov, A.G.Məmmədov, İ.M.Carçıyeva, Fəttah Fəttayev, R.S.Məlikov, M.Ə.Nəzərov, O.K.Alxasov, H.Q.Qasımov, S.Bayramova, R.M.Şahbazov, X.A.Mirsədiyeva, A.H.Hacıyeva və başqaları ayrı-ayrı illərdə orta məktəblər üçün dərslik və dərs vəsaitlərinin müəllifləri olmuşlar. Liseyin bir neçə müəllimi Azərbaycan Respublikası Təhsil Nazirliyinin xətti ilə ABŞ-ın müxtəlif universitetlərində və digər təhsil müəssisələrində birillik təcrübə keçərək insan və cəmiyyət fənni üzrə dərsliyin yazılmasında iştirak etmişdir. Liseyin əməkdaşları beynəlxalq konfrans və seminar-treninqlərin iştirakçısı olmuşlar.

Liseyin bir neçə şagirdi buraxılış sinfini ABŞ-da oxumuş, onlardan bəziləri təhsilini ABŞ-ın nüfuzlu universitetlərində davam etdirirlər. Həmçinin məzunlarımızdan bir çoxu Rusiya, Türkiyə, Ukrayna, Belorusiya, Çexiya və digər ölkələrin nüfuzlu ali məktəblərinə qəbul olmuşlar.

Nailiyyətləri[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]