Bakı parklarının siyahısı

Vikipediya, azad ensiklopediya
Jump to navigation Jump to search

Paytaxt Bakıda və şəhərətrafı ərazilərdə bir sıra rahat və gözəl parklar vardır. Bu parklar insanların asudə vaxtlarını əyləncəli və səmərəli keçirməsi ilə yanaşı, biomüxtəlifliyin qorunmasında əhəmiyyətli rol oynayır.[1] Bakıdakı parkların siyahısı aşağıdakılardır[2]:

Bakı bulvarı[redaktə | əsas redaktə]

Bakı bulvarı şəhərin əsas görməli yerlərindən biridir. Bulvarın rəsmi adı Dənizkənarı Milli Pakdır. 2009-cu ildə bu parkın 100 illiyi qeyd olunmuşdu. Bu gün uzunluğu 5,6 km olan parkın 25km-dək genişləndirilməsi nəzərdə tutulur[3].

Dənizkənarı Bulvar

Filarmoniya bağı[redaktə | əsas redaktə]

Bu bağın əsası 1830-cu ildə qoyulub. Filarmoniya bağı həmçinin uzun müddət Qubernator bağı da adlandırılmışdı.

Filarmoniya Bağı
Fəvvarələr Meydanı

Fəvvarələr meydanı[redaktə | əsas redaktə]

Bakının ilk mərkəzi meydanlarından biridir. [4] Fəvvarələr meydanı 1868-ci ildə inşa edilmişdir. Bu meydan həmçinin Parapet bağı və Karl Marks meydanı kimi adlandırılmışdı. 2010-cu ildə Fəvvarələr meydanı yenidən bərpa edilmişdi.

Xəqani Bağı

Xaqani bağı[redaktə | əsas redaktə]

Bakının ən köhnə parklarından biridir. Tikilmə tarixi 1870-ci illərə təsadüf edir. Bu bağ Molokan bağı kimi də tanınır.

Dağüstü Park[redaktə | əsas redaktə]

Bakının mərkəzində yerləşən bu park Sovet dövründə Kirov parkı adlandırılmışdı. 2013-cü ildə bağ yenidən əsaslı şəkildə bərpa olunub.

Dağüstü Park

Zabitlər Parkı[redaktə | əsas redaktə]

Bu park II Dünya Müharibəsi zamanı həlak olan əsgərlərin xatirəsinə həsr olunmuşdur. Müharibədən sonra park Sovet İttifaqı qəhrəmanı Həzi Aslanovun adını daşımışdı.[5] 2011-ci ildə əsaslı təmir-bərpa işlərindən sonra sakinlərin ixtiyarına verilmişdi.

Zabitlər Parkı

Sahil Parkı[redaktə | əsas redaktə]

Sovet dövründə əsası qoyulan bu park “26 Bakı Komissarı meydanı” kimi adlandırılmışdı. 2009-cu ildə bərpa işlərindən sonra yeni görünüş əldə etmişdi.

Səməd Vurğun Bağı[redaktə | əsas redaktə]

Paytaxtın qədim parklarından biri olan Səməd Vurğun bağının əsası 1882-ci ildə qoyulmuşdu. 1961-ci ildən parkın mərkəzində heykəltəraş F.Əbdürrəhmanov və memar M.Hüseynovun hazırladığı şairin heykəli ucaldılmışdı.

Dədə Qorqud Parkı[redaktə | əsas redaktə]

Bu müasir park 2013-cü ildə açılıb. Parkın ərazisində sahəsi üç hektar olan süni göl və şəlalə var[6].

Dədə Qorqud Parkı

Hüseyn Cavid Parkı[redaktə | əsas redaktə]

Bu park Azərbaycan Elmlər Akademiyasının yaxınlığında yerləşir. 1993-cü ildə parkda Hüseyn Cavidin heykəli ucaldılmışdı. Bu abidənin müəllifi heykəltəraş Ömər Eldarovdur.

M.Ə.Sabir Bağı[redaktə | əsas redaktə]

Bağın əsası 1920-ci illərin əvvəlində qoyulub. 1922-ci ildə parkda M.Ə.Sabirin heykəli ucaldılmışdı. 1950-ci illərdə parkda yaşıllaşdırma və genişləndirmə işləri aparıldı. Şairin xatirəsinə parkda 1958-ci ildə yenidən abidə ucaldıldı. Abidənin müəllifləri heykəltəraş Cəlal Qaryağdı və memar H.Əlizadə və E.İsmayılovdur.

Sabir bağı
Mərkəzi Botanika Bağı

Mərkəzi Botanika Bağı[redaktə | əsas redaktə]

1935-ci ildə Botanika İnstitutunun dəstəyi ilə Mərkəzi Botanika Bağının əsası qoyulmuşdu. Bağın ərazisi 16 hektardır.

Mərdəkan Dendrarisi

Mərdəkan Dendrarisi[redaktə | əsas redaktə]

Abşeron yarımadasında yerləşən Mərdəkan Dendrarisi 1895-1920-ci illərdə xeyriyyəçi və neft milyonçusu Murtuza Muxtarovun şəxsi bağı olmuşdur. Bağın ərazisi 24 hektardır. Mərdəkan Dendrarisi 2005-ci ildə Dünya Botanika Bağlarının, 2009-cu ildə isə Amerika Botanika Cəmiyyətinin üzvü seçilib.


Mənbə[redaktə | əsas redaktə]

Həmçinin bax[redaktə | əsas redaktə]

İstinadlar[redaktə | əsas redaktə]

  1. xalqqazeti
  2. Museums, reserves, galleries of Baku — National Tourism Promotion Bureau, 2017
  3. Official site - Baku Seaside Park
  4. Hacıbababəyov Qasımbəy / Red. C. Quliyev. — Azərbaycan sovet ensiklopediyası, 1987. — X. Cild. — S. 146.
  5. azertag.az Bakının 12_əfsanəvi_parkı
  6. Official site - Dede Gorgud Park