Baku (qəzet, 1912)

Vikipediya, azad ensiklopediya
Jump to navigation Jump to search
Picto infobox newspaper.png
Baku
Növ İctimai-siyasi
Yaranma tarixi 1912 (108 il əvvəl) (1912)
Dil Rus dili
Nəşrini dayandırıb 1918 (101 il əvvəl) (1918)
Şəhər Bakı
Tiraj 3786

Baku (qəzet, 1912) — ictimai-siyasi gündəlik qəzet.

Haqqında[redaktə | əsas redaktə]

1902-1918 illərdə qısa fasilələrlə Bakıda rus dilində nəşr olunmuş qəzetin 6 ildə 3786 nömrəsi çıxmışdır. Əsasən neft sənayeçiləri və ticarət burjuaziyasının mənafeyinin müdafiəçisi idi. "Baku" qəzetinin səhifələrində şəhərin mədəni həyatına geniş yer ayrılır, azərbaycanlı jurnalist və publisistlərin məqalələri, habelə, Azərbaycan ədəbiyyatı və mədəniyyətindəki yeniliklər barəsində xəbərlər çap olunurdu. "Baku" qəzeti öz səhifələrində "Molla Nəsrəddin"in yeni nömrələri barəsində məlumat verir, jurnalın fanatizmə qarşı mübarizəsini, sadə və anlaşıqlı dil siyasətini alqışlayır, müsəlmanların, xüsusən də, iranlı fəhlələrin ictimai-siyasi şüurunun formalaşmasında onun rolunu qeyd edirdi. 1913 ildə "Baku" H.Minasazovun tərcüməsində Cəlil Məmmədquluzadənin "Poçt qutusu" hekayəsini dərc etmişdi. Qəzetin nömrələrində "Molla Nəsrəddin"dən alınmış felyetonlara, habelə, karikaturaların şərhinə də təsadüf olunur. "Molla Nəsrəddin"in bağlanma təhlükəsi meydana çıxdıqda (1908) "Baku" qəzeti 22 nəfər azərbaycanlı tələbənin imzaladığı etiraz məktubunu dərc etmişdi. "Molla"nın əhəmiyyətini gözdən salmaq bütün yer kürəsində yaşayan müsəlmanlar üçün insafsızlıqdır" - deyən tələbələr "müsəlman demokratiyasına" layiqincə xidmət edən "Molla Nəsrəddin"ə uzun ömür arzulayırdılar.[1]

Həmçinin bax[redaktə | əsas redaktə]

İstinadlar[redaktə | əsas redaktə]

Mənbə[redaktə | əsas redaktə]

Cəlil Məmmədquluzadə Ensiklopediyası. Bakı, 2008. səh. 67.