Məzmuna keç

Baku TV

Vikipediya, azad ensiklopediya
Baku TV
Loqonun şəkli
Ölkə Azərbaycan Azərbaycan
Yayım ərazisi Azerspace-1 peykinin əhatə dairəsi
Dil azərbaycan dili
rus dili
Baş qərargah Rəsul Rza küç. 75 (Winter Park Plaza), Bakı 1014
Yaranma tarixi 18 fevral 2018 (8 il əvvəl) (2018-02-18)
Sahibi Global Media Group
Rəhbərlik Orxan Əliəkbər oğlu Məmmədov
Ramin Cəfərov
Qardaş kanallar Haber Global
Sayt baku.tv
Vikianbarın loqosu Vikianbarda əlaqəli mediafayllar

Baku TV — 2018-ci il fevralın 18-də jurnalist Orxan Əliəkbər oğlu Məmmədov tərəfindən təsis edilən, Ramin Natiq oğlu Cəfərovun rəhbərlik etdiyi və dövlət/hökumət nəzarətində, Global Media Groupun tərkibində olan hakimiyyətyönümlü Azərbaycan internet televiziyası.[1][2]

Azərbaycan və rus dillərində xəbər istehsalı ilə məşğul olan internet televiziyasının 2020-ci il tarixində "YouTube" platforması tərəfindən təsdiqlənmiş, 2021-ci ildə "Google" tərəfindən beynəlxalq xəbər platformalarının siyahısına daxil olmuşdur.

18 dekabr 2021-ci il tarixində "Netty" – Ümumdünya Şəbəkəsinin milli seqmentinin və ümumiyyətlə İT-bazarının inkişafı üçün yaradılmış informasiya texnologiyaları sahəsində Azərbaycanın ilk mükafatının "informasiya və xəbərlər" nominasiyası üzrə "İlin ən yaxşı internet televiziyası" kimi qalibi olmuşdur.

2023-cü il sentyabrın 19-da "Azerspace" peyki vasitəsilə test rejimində yayıma başlayıb.

Tarixi

[redaktə | vikimətni redaktə et]

Yaranma tarixi

[redaktə | vikimətni redaktə et]

"Baku TV" internet televiziyası 2018-ci ilin fevralın 18-də jurnalist Orxan Məmmədov tərəfindən təsis olunmuşdur. Kanalın təsisçisi Orxan Məmmədov, direktoru Ramin Cəfərovdur. "baku.ws" saytının yaradıcısı olan Orxan Məmmədov saytının təsis edilməsindən 14 il sonra bu saytın internet televiziyasını yaradaraq, müəyyən izləyici kütləsini bu kanal üzərində qərarlaşdırmışdır.[3] Ramin Cəfərov internet televiziyasının yaranma tarixini və fəaliyyətini bu cür izah edir:[4]

" "Baku TV" yarananda biz gördük ki, yüksək internet texnologiyaları dövründə insanlar informasiyanı çox tez əldə etmək istəyirlər. İnternet resursları meydanında internet televiziyası operativlik baxımından önəmli rol oynayır. İnformasiyanın qəbulu, süzgəcdən keçirilməsi proseslərini yerinə yetirir. Bilirsiniz, son zamanlar "saxta video" hadisələri özünü göstərir. İnternet televiziyası öz düzgünlüyünün keşiyində durmalı, öz işi və hadisələrə tez reaksiyası ilə operativ olaraq seçilməlidir. “Baku TV” bu fikirlərin təsiri ilə işıq üzü gördü. "

İnternet televiziyası qısa zaman ərzində məşhurlaşmışdır. Jurnalist Tural Müseyibov televiziyaya 15 illik fasilədən sonra qayıdışı zamanı müsahibələrinin birində bildirib ki, "Bu gün sosial şəbəkələrin inkişaf etdiyi və ənənəvi medianın çətinlik yaşadığı bir dövrdə Baku TV qısa bir müddətdə böyük bir auditoriya toplaya bilib. Çox maraqlıdır ki, sosial şəbəkələr üzərindən yayımladığı reportajlar, müsahibələr təkcə Azərbaycanda deyil, xaricdə də daha çox izlənmə əldə edib və yeni kanal olmasına baxmayaraq, hər zaman Baku TV-yə istinadlar var. Xüsusi olaraq vurğulamaq istəyirəm ki, Baku TV-də peşəkar bir komanda formalaşıb. Bu komanda ilə çalışmaq həqiqətən də, məsuliyyətli və şərəflidir."[5]

2 dildə – azərbaycan və rus dillərində xəbər istehsalı ilə məşğul olan internet televiziyasının youtube kanalında yarım milyona yaxın izləyici kütləsi var.[6] 2021-ci ildə "Baku TV" internet televiziyasının rus redaksiyası da fəaliyyətə başlamışdır.

İnternet televiziyasında əsas xəbərlər Azərbaycanda və dünyada baş verən hadisələr üzərindədir. Telekanalın təsisçisi Orxan Məmmədov bildirir: "Baku TV dəqiq və operativ şəkildə, xüsusi həssaslıqla xəbərləri tamaşaçılara çatdırmağa xidmət edir. İnternet televiziyasının əsas məqsədi Azərbaycanda və dünyada baş verən xəbərləri operativ və dəqiq şəkildə tamaşaçılara çatdırmaqdır. Kanal reklam və əməkdaşlıqlar qəbul edir, əhalini maraqlandıran və narahat edən xəbərlərlə bağlı qaynar xətti fəaliyyət göstərir."[7]

"Baku TV" internet televiziyasının Youtube və Telegram kanalı, Instagram və Facebook səhifələri fəaliyyət göstərir. Azərbaycan və rus dillərində xəbər istehsalı ilə məşğul olan internet televiziyasının youtube kanalında izləyici kütləsi yarım milyona yaxındır. Eyni zamanda xəbərlər və əyləncə videoları 12 tərəf üçün şaxələnir – "Cəmiyyət", "Siyasət", "İqtisadiyyat", "Şou-biznes", "Kriminal", "Dünya", "Yumor", "Sorğu", "Hadisə", "Avto", "Texnologiya" və "İdman".[8]

2023-cü il sentyabrın 19-da "Azerspace" peyki vasitəsilə test rejimində yayıma başlayıb.[9][10]

Uğurları

[redaktə | vikimətni redaktə et]

İnternet televiziyası 2020-ci il tarixində "YouTube" platforması tərəfindən təsdiqlənmiş, 2021-ci ildə "Google" tərəfindən beynəlxalq xəbər platformalarının siyahısına daxil olmuşdur.[11][12]

18 dekabr 2021-ci il tarixində "Baku TV" internet televiziyası "Netty" – Ümumdünya Şəbəkəsinin milli seqmentinin və ümumiyyətlə İT-bazarının inkişafı üçün yaradılmış informasiya texnologiyaları sahəsində Azərbaycanın ilk mükafatının "informasiya və xəbərlər" nominasiyası üzrə "İlin ən yaxşı internet televiziyası" kimi qalibi olmuşdur.[13][14][15][16][17]

Xəbərlər departamenti

[redaktə | vikimətni redaktə et]
  • BAKU NEWS — 13:00, 17:00, 20:00
  • Salam BAKU — 10:00

İstinadlar

[redaktə | vikimətni redaktə et]
  1. ↑ ""Baku TV" və "Report"un arxasındakı gizli əl - Adnan Əhmədzadə". Meydan TV (az.). 30 oktyabr 2025. İstifadə tarixi: 25 dekabr 2025.
  2. ↑ Şamilzadə, Elməddin. "Azərbaycanda hökümətin qara yaxanları: "Baku TV", "Report" və Adnan Əhmədzadə". Azerbaijani Jamnews (az.). 31 oktyabr 2025. 5 dekabr 2025 tarixində arxivləşdirilib. İstifadə tarixi: 25 dekabr 2025.
  3. ↑ "Azərbaycanda uğurlu işlərə imza atan 10 təşəbbüskar - SİYAHI/FOTO" (rus). realpress.az. 22 may 2017. 19 dekabr 2021 tarixində arxivləşdirilib. İstifadə tarixi: 17 dekabr 2021.
  4. ↑ ""Baku TV"nin Direktoru Ramin Cəfərov İlk Dəfə "Birinci Studiya"da" (az.). YouTube. 19 fevral 2021. 1 iyul 2023 tarixində arxivləşdirilib. İstifadə tarixi: 12 may 2022.
  5. ↑ Əbülfət, İlhamə. "Baku TV-nin yeni layihəsi: Tanınmış jurnalist 15 ildən sonra yenidən televiziyada" (az.). oxu.az. 1 iyun 2021. 20 dekabr 2021 tarixində arxivləşdirilib. İstifadə tarixi: 20 dekabr 2021.
  6. ↑ "Зловещая Тайна Гробницы Тамерлана" (rus). YouTube. 19 dekabr 2021. 20 dekabr 2021 tarixində arxivləşdirilib. İstifadə tarixi: 20 dekabr 2021.
  7. ↑ "В Баку прошла церемония награждения "Золотые люди" – красная дорожка, звезды (ФОТО)" (rus). trend.az. 5 mart 2019. 13 may 2022 tarixində arxivləşdirilib. İstifadə tarixi: 19 dekabr 2021.
  8. ↑ "Baku TV - kateqoriyalar" (az.). baku.tv. 20 dekabr 2021 tarixində arxivləşdirilib. İstifadə tarixi: 20 dekabr 2021.
  9. ↑ "Baku TV "Azerspace" peykində test rejimində yayıma başlayıb". Report İnformasiya Agentliyi (az.). 19 sentyabr 2023. 10 noyabr 2023 tarixində arxivləşdirilib. İstifadə tarixi: 10 noyabr 2023.
  10. ↑ "Baku TV "Azerspace" peykində test rejimində yayıma başladı". Yeni Sabah (az.). 19 sentyabr 2023. 10 noyabr 2023 tarixində arxivləşdirilib. İstifadə tarixi: 10 noyabr 2023.
  11. ↑ Касумов, Натик. "Baku TV стал победителем одной из номинаций NETTY 2021" (rus). report.az. 18 dekabr 2021. 18 dekabr 2021 tarixində arxivləşdirilib. İstifadə tarixi: 18 dekabr 2021.
  12. ↑ "Baku TV стал одним из победителей NETTY 2021 - ФОТО" (rus). media.az. 18 dekabr 2021. 20 dekabr 2021 tarixində arxivləşdirilib. İstifadə tarixi: 20 dekabr 2021.
  13. ↑ ""Baku TV" "NETTY 2021"in qaliblərindən biri oldu - FOTO/VİDEO" (az.). oxu.az. 18 dekabr 2021. 18 dekabr 2021 tarixində arxivləşdirilib. İstifadə tarixi: 18 dekabr 2021.
  14. ↑ "Baku TV стал победителем одной из номинаций NETTY 2021" (rus). azerbaycan24.com. 18 dekabr 2021. 18 dekabr 2021 tarixində arxivləşdirilib. İstifadə tarixi: 18 dekabr 2021.
  15. ↑ ""Baku TV" ilin internet və YouTube xəbər kanalı seçildi" (az.). musavat.com. 18 dekabr 2021. 19 dekabr 2021 tarixində arxivləşdirilib. İstifadə tarixi: 18 dekabr 2021.
  16. ↑ "Baku TV стал одним из победителей NETTY 2021 - ФОТО" (az.). azerforum.com. 18 dekabr 2021. 19 dekabr 2021 tarixində arxivləşdirilib. İstifadə tarixi: 19 dekabr 2021.
  17. ↑ ""Baku TV" "NETTY 2021"in informasiya və xəbərlər nominasiyası üzrə qalibi olub" (az.). azadliq.az. 18 dekabr 2021. 19 dekabr 2021 tarixində arxivləşdirilib. İstifadə tarixi: 19 dekabr 2021.

Həmçinin bax

[redaktə | vikimətni redaktə et]

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Baku_TV&oldid=9026512"