Balakən Olimpiya İdman Kompleksi

Vikipediya, azad ensiklopediya
Jump to navigation Jump to search

Balakən Olimpiya İdman Kompleksi (rəsmi adı: "Balakən Olimpiya İdman Kompleksi" MMC) — Azərbaycan Respublikasının Balakən rayonunda yerləşən olimpiya idman qurğusu. Azərbaycan Respublikası Gənclər və İdman Nazirliyinin strukturuna daxil olmayan tabeliyindəki təsərrüfathesablı qurumdur[1]

Tarixi[redaktə | əsas redaktə]

Balakən Olimpiya İdman Kompleksi 2010-cu il iyulun 8-də istifadəyə verilmişdir.

Fəaliyyəti[redaktə | əsas redaktə]

Ümumi ərazisi 5 hektar, tikinti sahəsi 8900 kvadratmetrdir. Buraya futbol stadionu, basketbol, voleybol, mini futbol və tennis meydançaları, üzgüçülük hovuzu, əl oyunları zalı, habelə stolüstü oyunlar və trenajor zalları, kotteclər daxildir.

Kompleksin ikimərtəbəli əsas binasında 814 nəfər tamaşaçı yeri olan əl oyunları, şahmat, dama, trenajor, stolüstü oyunlar, bilyard və Şərq əlbəyaxa döyüş növləri zalları, kafe, beşzolaqlı hovuz yerləşir. Elektron lövhə ilə təmin olunmuş üzgüçülük hovuzu “Ekostar” sistemli su qızdırıcıları ilə təchiz olunub. Burada, həmçinin həkim və məşqçi, yuyunma və soyunub-geyinmə otaqları, sauna da vardır. Bina mərkəzi havalandırma sistemi ilə təchiz edilib.

Kompleksin ərazisində 940 tamaşaçı yeri olan süni örtüklü stadion, mini-futbol, voleybol və basketbol meydançaları, böyük tennis kortu var. Elektron lövhə quraşdırılmış stadionun uzunluğu 400 metr olan qaçış zolağı da vardır.

Ərazinin işıqlandırma sistemi sayəsində burada gecə saatlarında da idmanla məşğul olmaq üçün geniş imkanlar vardır.

Kompleksə gələn idmançıların, qonaqların qalması və istirahəti üçün burada hər cür şəraiti olan 6 kottec tikilib.

Balakən Olimpiya-İdman Kompleksinin qazanxanası, 500 tonluq su hovuzu vardır.

İstinadlar[redaktə | əsas redaktə]

  1. ""Azərbaycan Respublikası Gənclər və İdman Nazirliyinin strukturuna daxil olmayan tabeliyindəki qurumların Siyahısı"nın təsdiq edilməsi haqqında" Azərbaycan Respublikası Nazirlər Kabinetinin 2011-ci il 6 dekabr tarixli 193 nömrəli Qərarı. e-qanun.az  (azərb.)

Xarici keçidlər[redaktə | əsas redaktə]

Azərbaycan Azərbaycan olimpiya idman kompleksləri

AbşeronAğcabədiAğdamAğdaşBalakənBərdəBiləsuvarFüzuliGöyçayHövsanİsmayıllıKürdəmirOğuzSabirabadŞağanŞəmkirGəncəTovuzİmişliQəbələSumqayıtAstaraCəlilabadQobustanXaçmazŞirvanQaxGöygölQazaxQubaLənkəranMasallıMaştağaNaxçıvanSaatlıSalyanSərhədçiŞamaxıŞəkiŞərurZaqatala