Banqladeş üçün konsert

Vikipediya, açıq ensiklopediya
Jump to navigation Jump to search
Banqladeş üçün konsert
ing. The Concert for Bangladesh
JanrRok
Tarix(lər)1 avqust 1971
YerMedison-skver-qarden, Nyu-York, ABŞ
Təsisçi(lər)Corc Harrison, Ravi Şankar

Banqladeş üçün konsert (ing. The Concert For Bangladesh) — Corc HarrisonRavi Şankar tərəfindən 1 avqust 1971-ci ildə Nyu-Yorkun Medison-skver-qarden idman kompleksində təşkil edilən iki xeyriyyə konsertinin adı.

Dağıdıcı Bhola siklonundanBanqladeş istiqlal müharibəsində Pakistan ordusunun hərəkətlərindən zərər çəkən Şərqi Pakistandan (indi Banqladeş) olan qaçqınlara yardım etmək üçün vəsait toplamaq məqsədilə təşkil edilən konsertlərə təxminən 40 min adam qatıldı. "Banqladeş üçün konsert" tarixdə ilk böyük xeyriyyə konserti sayılır. Konsertdə bir çox tanınmış ifaçı çıxış etdi: Bob Dilan, Erik Klepton, Corc Harrison, Billi Preston, Leon Rassell, Rinqo Star və britaniyalı Badfinger qrupu.

1971-ci ilin ekabrında The Concert for Bangladesh musiqi albomu, 1972-ci ildə isə konsert filmi çıxdı. 2005-ci ildə yeni çəkilmiş sənədli filmin də daxil edildiyi DVD buraxıldı.

Konsertdən 243 418 ABŞ dolları vəsait toplandı və BMT Uşaq Fonduna verildi. Albom və DVD-nin satışlarından daxilolmalar BMT Uşaq Fondu nəzdindəki Corc Harrison fonduna daxil olmaqda davam edir.[1]

İstinadlar[redaktə | əsas redaktə]

  1. (2005) Concert for Bangladesh Revisited with George Harrison and Friends (Interviews), Apple Corps.