Məzmuna keç

Bavariyalı Lüdviq Ferdinand

Vikipediya, azad ensiklopediya
Bavariyalı Lüdviq Ferdinand
Şəxsi məlumatlar
Doğum tarixi 22 oktyabr 1859(1859-10-22)[1][2]
Doğum yeri
Vəfat tarixi 23 noyabr 1949(1949-11-23)[1][3][…] (90 yaşında)
Vəfat yeri
Dəfn yeri
Fəaliyyəti cərrah, hərbi qulluqçu, zabit, musiqiçi, skripkaçı, siyasətçi
Həyat yoldaşı
Ailəsi Vittelsbax sülaləsi
Hərbi xidmət
Döyüşlər
Rütbəsi
Təltifləri "Qara qartal" ordeni Knight of the Order of the Golden Fleece XII Alfons ordeninin böyük xaçı — 1904
Vikianbarın loqosu Vikianbarda əlaqəli mediafayllar

Bavariyalı Lüdviq Ferdinand (alm. Ludwig Ferdinand von Bayern; 22 oktyabr 1859[1][2], Madrid[4] – 23 noyabr 1949[1][3][…], Münxen[4]) — Vittelsbax sülaləsinə mənsub şahzadə.

1859-cu ildə Madriddə dünyaya gəldi. Atası Bavariya kralı I Lüdviqin oğlu Şahzadə Adalbert, anası isə Kadis hersoqu Fransisko de Burbonun qızı Amaliyadır. Dövlət və ya hərbi sahədən əlavə, mülki işlərlə məşğul olan bir neçə Avropalı şahzadədən biri kimi uzun illər cərrah və ginekoloq kimi çalışdı.

22 oktyabr 1877-ci ildə Bavariya kral ordusunda ikinci dərəcəli leytenant rütbəsilə xidmətə başladı. 7 fevral 1880-ci ildə baş leytenant, 20 avqust 1882-ci ildə rotmistr, 11 may 1883-cü ildə polkovnik, 21 noyabr 1887-ci ildə general-mayor, 11 iyun 1891-ci ildə general-leytenant və 28 dekabr 1898-ci ildə general-kavalyer rütbəsinə yüksəldi. Birinci Dünya Müharibəsi illərində 1916-1918-ci illərdə Münxendəki bir hərbi hospitalda baş cərrah olaraq xidmət etdi.

1880-ci ildə dayısı qızı İnfanta Mariya Pazla evlənməsinə qərar verildi. Üstəlik anası İnfanta Amaliya infantanın xaç anası idi. Ancaq həmin ilin sonunda baş tutan görüşdən sonra Mariya Paz bəy namizədini bəyənmədi. Buna baxmayaraq danışıqlar davam etdi və cütlük 2 aprel 1883-cü ildə Madrid kral sarayında evləndi. 1885-ci ildə cütlük Bavariyaya qayıtsa da, sarayın qarışıq və intriqa dolu həyatından uzaq qaldı. Cütlüyün bu nigahdan 3 övladı dünyaya gəldi.

1949-cu ildə Münxendə vəfat etdi. Cənazəsi Münxendəki Müqəddəs Mixail kilsəsinə dəfn olundu.

Mənbə

[redaktə | vikimətni redaktə et]

Ədəbiyyat

[redaktə | vikimətni redaktə et]

İstinadlar

[redaktə | vikimətni redaktə et]
  1. ↑ 1 2 3 4 Lundy D. R. Ludwig Ferdinand Prinz von Bayern // The Peerage (ing.).
  2. ↑ 1 2 Ludwig Ferdinand Prinz von Bayern // Munzinger Personen (alm.).
  3. ↑ 1 2 varios autores Luis Fernando de. Príncipe Real de Baviera Baviera y Borbón // Diccionario biográfico español (isp.). Real Academia de la Historia, 2011.
  4. ↑ 1 2 3 4 5 Deutsche Nationalbibliothek Record #102642885 // Gemeinsame Normdatei (alm.). 2012—2016.
Mənbə — "https://az.wikipedia.org/w/index.php?title=Bavariyalı_Lüdviq_Ferdinand&oldid=8158376"