Behbud ağa Şahtaxtinski

Behbud ağa Şahtaxtinski
Zaqafqaziya Ali Arbitraj Komissiyasının üzvü 1923
Azərbaycan SSR Xalq FKM komissarı və XKS sədrinin müavini 1921 noyabr
Naxçıvan SSR Xalq Komissarları Şurasının sədri yanvar 1922 — 3 mart 1922
Sələfi	Abbas Qədimov
Xələfi	Teymur Əliyev
Azərbaycan SSR-in RSFSR-dəki fövqəladə və səlahiyyətli nümayəndəsi 15 iyul 1920
Azərbaycan SSR Xalq Ədliyyə komissarı İyun 1920
Naxçıvan Qaçqınlar Komitəsinin sədri Dekabr 1918 — İyun 1920
Hümmət Partiyası (bolşeviklər) Mərkəzi Komitəsinin sədri 11 iyun 1918 — Sentyabr 1918
Hümmət Partiyası (bolşeviklər) Mərkəzi Komitəsinin sədr müavini 7 yanvar 1918 — 11 iyun 1918
Şəxsi məlumatlar
Doğum tarixi	1881
Doğum yeri	Şahtaxtı, Naxçıvan qəzası, İrəvan quberniyası, Qafqaz canişinliyi, Rusiya İmperiyası
Vəfat tarixi	30 may 1924
Vəfat yeri	Tiflis, Gürcüstan SSR, ZSFSR, SSRİ
Vəfat səbəbi	güllə yarası (rəsmi məlumata görə intihar, əslində müəmmalı)
Dəfn yeri	Görkəmli Azərbaycanlılar panteonu
Vikianbarda əlaqəli mediafayllar

Behbud ağa Şahtaxtinski (1881, Şahtaxtı, Qafqaz canişinliyi – 30 may 1924(1924-05-30), Tiflis) — diplomat.

Haqqında

Behbud ağa Şahtaxtinski 1905–1907-ci illərdə Bakıda kontor qulluqçuları ittifaqının yaradılmasında və fəaliyyətində iştirak etmişdir. 1917–1918-ci illərdə Bakı Soveti İcraiyyə Komitəsinin, Bakı Xalq Komissarları Soveti fövqəladə komissiyasının üzvü, Hümmət Partiyası Mərkəzi Komitəsinin sədri olmuşdur.

1920-ci ildə Azərbaycanda sovet hakimiyyəti qurulandan sonra xalq ədliyyə komissarı, eyni zamanda Azərbaycan SSR-in RSFSR-də fövqəladə nümayəndəsi idi. 1920-ci ilin iyul-sentyabrında Azərbaycan haqqında, habelə Qafqaz, Türkiyə və İrandakı vəziyyətlə əlaqədar Vladimir Leninə ətraflı məruzə təqdim etmişdi. RSFSR ilə Azərbaycan SSR arasında hərbi-iqtisadi ittifaq haqqında müqaviləni Vladimir Lenin və Behbud ağa Şahtaxtinski 1920-ci ilin 30 sentyabr tarixində imzalamışdılar.

Kommunist İnternasionalın 2-ci konqresinə nümayəndə seçilmişdi.

Behbud ağa Şahtaxtinski 1921–1924-cü illərdə Naxçıvan İnqilab Komitəsinin, Naxçıvan Muxtar Sovet Sosialist Respublikası Xalq Komissarları Sovetinin sədri, Azərbaycan SSR Xalq FKM komissarı, Xalq Komissarları Soveti sədrinin müavini və s. kimi vəzifələrdə çalışmışdır.

Moskva və Qars müqavilələrinin bağlanmasında Şahtaxtinskinin böyük xidməti olmuşdur. Qars müqaviləsini Azərbaycan SSR adından Behbud ağa Şahtaxtınski imzalamışdır.

1924-cü ildə Tiflisdə vəfat etmişdir və köhnə müsəlman qəbiristanlığında (hazırda Görkəmli Azərbaycanlılar panteonu ərazisi) dəfn olunmuşdur.

Həmçinin bax

• Şahtaxtinskilər

Xarici keçidlər

• Sevda İsmayıllı (2014-10-13). "«Qars müqaviləsi» belə imzalandı və ya Beriyanın güllələdiyi adam" (azərb.). azadliq.org. İstifadə tarixi: 2014-10-20.