Bennekborn müharibəsi

Vikipediya, azad ensiklopediya
Jump to navigation Jump to search
Bennekborn müharibəsi
Brus müharibədən əvvəl əsgərləri ilə danışırpx
Tarix 24 iyun 1314
Yeri Stirlinq qalası
Nəticəsi Şotlandların qəti qələbəsi
Münaqişə tərəfləri

Flag of England.svg İngiltərə krallığı

Flag of Scotland.svg Şotlandiya krallığı

Komandan(lar)

İngiltərə kralı II Eduard

Robert Brus

Tərəflərin qüvvəsi

20000

6500

Ölənlər və yaralananlar

Təxminən 8000

Dəqiq məlumat yoxdur

Vikianbarın loqosu Vikianbarda əlaqəli mediafayllar

Bannockburn müharibəsi (şot: Blàr Allt a' Bhonnaich) — 23–24 iyun 1314-cü ildə şotlandlarla ingilislər arasında baş vermiş müharibədir.

Robert Bruce başçılıq etdiyi Şotlandiya qüvvələri 1304-cü ildən ingilis hakimiyyəti altında olan Stirlinq qəsrini 1314-cü ildə mühasirəyə aldılar. İngiltərə kralı II Eduard bu vəziyyətə qarşı yaxşı silahlanmış ordu hazırladıqdan sonra şimala doğru hərəkət etməyə başlayır.

Bruce qoşunlarını Stirlinqin yaxınlığındakı Bennekbornda bir təpədə yerləşdirdi. O, sol qanadını sıx meşəyə, sağ qanadını isə çayın döngəsinə uzadır. Bu qanadların hamısı 2000 futluq bir cəbhə meydana gətirmişdir. İngilislər belə vəziyyətdə nəinki təpəyə qalxmalı, həm də bataqlığı keçməli idilər.

İngilislər Robert Brusa döyüşdən əvvəl bir cəngavərlə duel təklif etdilər. İngilislər Şotlandiya ordusunu ruhdan salmaq üçün bu yola əl atmışdılar. O, razılaşdı, çünki padşah imtina etsə idi, əsgərləri qarşısında rüsvay olacaqdı. Qarşısındakı cəngavər fiziki və silah baxımından ondan kifayət qədər üstün idi. İngilis cəngavərinin əlində nizə, kralın əlində isə orta ölçülü döyüş baltası var idi. Nəhayət, iki döyüşçü atlarını çapmağa başladılar. Cəngavərin hücumunu sürətlə dəf edən padşah var gücü ilə baltasını cəngavərin başına vurdu və cəngavər öldü. Bu, şotlandlar üçün böyük mənəvi stimul olsa da, ingilislər üçün bunun əksi baş verdi.

İngilislər hücum əmrini verdilər və Şotlandiya oxları ingilis nizəçilərinin üzərinə yağanda ağır zirehli cəngavərlər atlarından yerə atıldılar və bu zaman da bataqlığa batmağa başladılar. İngilislər həm bataqlıqla mübarizə aparır, həm də düşmən oxlarından özlərini mühafizə etməyə çalışırdılar. Bundan sonra ingilislər tədricən geri çəkilməyə başladılar. İngiltərə kralı baş verənləri görəndə təlaşa düşdü və əsgərləri ilə birlikdə qaçmağa başladı.

Şotlandlar müharibədən sonra müstəqilliklərini elan etsələr də, ingilislər bunu qəbul etmədilər.