Benqal (personaj)

Vikipediya, azad ensiklopediya
Jump to navigation Jump to search
Benqal
ing. Bengal
Bengal character.jpg Təsviri.
Nəşriyyat ABŞ Marvel Comics
Yayım tarixi "Daredevil" #258 (sentyabr 1988)
Yaradıcı(lar) Fabian Nikiyeze
Ron Lim
Xüsusiyyətlər
Əsl adı Duk No Tran
Doğum yeri Buon Ma Tuot yaxınlığında naməlum kənd, Vyetnam Vyetnam
Cinsiyyəti kişi
Boyu 175 sm
Çəkisi 79 kq
Göz rəngi qəhvəyi
Saç rəngi keçəl
Növü insan
Komiks bioqrafiyası
Kainat Marvel Earth-616
Üzvlükləri Təşəbbüs
Kölgə Təşəbbüs
Yaxınları Min Tran (oğlu)
Gücləri döyüş sənətləri ustası
Əla atlet, akrobat

Benqal (ing. Bengal) — ABŞ komiks nəşriyyatı Marvel Comics tərəfindən yaradılmış komiks personajı.

Nəşr olunma tarixi[redaktə | əsas redaktə]

Personaj Fabian Nikiyeza və Ron Lim tərəfindən yaradılmış və ilk dəfə "Daredevil" komiksinin 1988-ci ilin sentyabrından nəşr olunmuş 258-ci sayında peyda olmuşdur.

Bioqrafiya[redaktə | əsas redaktə]

"Daredevil" komiksinin 258-ci sayı.

Əsl adı Duk No Trandır. Vyetnam müharibəsi dövründə bir Vyetnam kəndində böyümüşdür. Müharibə zamanı Qırmızı qurd, Ulli Linkoln və Maykl Ceyns də daxil olmaqla kəndində qətliam törətmişdirlər. Duk amerikalıların vertolyotuna dırmaşmağa çalışmış, amma digər əsgərlərin etirazlarına baxmayaraq Ceyns tərəfindən təpiklə uzaqlaşdırılmışdır.

İllər sonra böyüyən Duk Benqal adını alaraq ABŞ-a gedir və kəndində qətliam törədmiş əsgərlərdən intiqam almaq istəyir. Ulli Linkoln Daredevilin qorumasına sığınır, Daredevil Benqalı məğlub edir.[1]

Benqal daha sonra ata Maykl Ceynsə hücum edir. Tezliklə Ceynsə görə Siluetlə və digər Yeni döyüşçülərlə döyüşür. Benqal həmçinin ilk dəfə Gecə cəzalandırıcısı ilə döyüşməli olur.[2] Onun mənşəyi ətraflı şəkildə başa salınır[3] və Gecə cəzalandırıcısı ilə döyüşü Cəzalandırıcının müdaxiləsi ilə başa çatır. Benqal Yeni döyüşçülərlə dostlaşır və Ceynslə barışır.[4]

Buna baxmayaraq, Benqal Vyetnam müharibəsindəki vəhşiliyə görə hələ də intiqam almağa ehtiyacı olduğunu hiss edir. O, Gecə cəzalandırıcısının tanışı olan Qay No Donun Vyetnam müharibəsində minlərlə günahsızın ölümündə məsuliyyət daşıyan general Li Pan olduğuna inanır. Benqal Qaya çatmaq üçün cangüdənlərlə döyüşür. O, Qayın pulla aldığı Gecə cəzalandırıcısı və Siluetlə qarşılaşır. O, Benqala Qayın Li Pan olmadığını deyir. Benqal pəncərədən tullanıb qaçır. Sonra Benqal Yeni döyüşçülərin uzun müddətdir ki, düşməni olan Zəhərli xatirələr dəstəsinə hücum edir. O inanır ki, dəstənin Li Pan haqqında məlumatı var. Gecə cəzalandırıcısı yenə Benqalla döyüşür.[5]

Vətəndaş müharibəsi/Təşəbbüs[redaktə | əsas redaktə]

Benqal Vətəndaş müharibəsi dövründə Təşəbbüs layihəsi dəstəkləyən 142 super qəhrəmandan biri olub.[6][7] Onun avtobusla Stemfordun qalıqları üzərində tikilmiş Hemmond düşərgəsinə (super qəhrəmanlar üçün məşq kompleksi) getdiyi görülmüşdür. Avtobusda onunla birlikdə bu düşərgəyə gedənlərdən biri də Yeni döyüşçülərin sağ qalmış üzvü Hiddət idi. Digər sərnişinlər içərisində Tor-qız, Komodo, Slepstik və Bulud 9 da vardı.

Məşqin bir hissəsi kimi Benqal Şeylə döyüşmüşdür və uğur qazanmışdır.

Benqal Təşəbbüsün Henri Peter Qirix tərəfindən yaradılmış altkomandalarınından birinin lideridir.[8] Tezliklə, Halk kosmosun dərinliklərindən qayıdır və Yerin bir çox super qəhrəmanı ilə döyüşə girişir. Hemmond düşərgəsinin yeni əsgərlərindən bir neçəsi yaxalanır və Medison meydanı bağında əsir saxlanılır. Benqal, Əzələ, Mutant Zero və digərləri əsirləri xilas edirlər.[9]

Kölgə Təşəbbüs KIA ilə döyüşəndə Benqalın yaxın dostu Əzələ yaralanır, Benqal onu xilas etmək ümidi ilə döyüş meydanından uzaqlaşdırır.[10]

Gizli işğal dövründə Benqal skrulların Hemmond düşərgəsini ələ keçirdiklərini kəşf edir. Əvvəlcə o uşaqların və Hemmond düşərgəsi xidmətçilərinin təhlükəsizliyini təmin edir, onları sığınacağa yerləşdirir. Daha sonra isə Kölgə Təşəbbüsün digər üzvlərini skrullarla döyüşməyə çağırır. Onlar Qarışqa-adamı tapıb komandaya cəlb edirlər, skrulların başçısı Kraliça Verankeni öldürməyi qərara alırlar. Amma cəhdləri uğursuzluqla yekunlaşır və əsir düşürlər.[11] İşğal qüvvələri məğlub edildikdən sonra azad olurlar.[12]

Mühasirə hekayəsi zamanı Tövbə keçikçilərdən yayınır, Benqalı, Yarasaqanadı və Batterbolu Müqavimət Qisasçılarına kömək etməyə inandırır.[13] Osbornun rejimi düşdükdən sonra Benqal ailəsi ilə Bruklinə köçür və orada döyüş sənətləri üzrə idman zalı açır. Bütün intervyulardan imtina edir.[14]

Gücləri və silahları[redaktə | əsas redaktə]

Benqal döyüş sənətləri üzrə ustadır və əla atletdir. O, həmçinin əla akrobat, izçi və oxatandır. Döyüş zamanı əsasən ox və kamandan və ya şurikenlərdən istifadə edir. Amma ən sevdiyi silahlar bir cüt say və düyməyə basmaqla açılıb-bağlanan bıçaqlardır. Benqalın qeyri-adi iybilmə qabiliyyəti var: insanları iyilərinə görə izləyə bilər.

Digər mediada[redaktə | əsas redaktə]

Video oyunlar[redaktə | əsas redaktə]

İstinadlar[redaktə | əsas redaktə]

  1. Daredevil #258
  2. New Warriors #7
  3. New Warriors #8
  4. New Warriors #9
  5. Night Thrasher: Four Control #1
  6. Avengers: The Initiative #1.
  7. Avengers: The Initiative #1 Character Map
  8. Avengers: The Initiative #4
  9. Avengers: The Initiative #4 & #5
  10. Avengers: The Initiative #10
  11. Avengers: the Initiative #17
  12. Avengers: the Initiative #21
  13. Avengers: The Initiative #34
  14. Avengers: The Initiative #35

Xarici keçidlər[redaktə | əsas redaktə]