Benthophilus granulosus

? Ziyilli çömçəxul
Benthophilus granulosus
Elmi təsnifat
Aləmi:	Heyvanlar
Tip:	Xordalılar
Yarımtip:	Onurğalılar
Sinifüstü:	Balıqlar
Sinif:	Sümüklü balıqlar
Yarımsinif:	Şüaüzgəcli balıqlar
Dəstə:	Xanıyabənzərlər
Fəsilə:	Xulkimilər
Cins:	Çömçəxullar
Növ:	Ziyilli çömçəxul
Beynəlxalq elmi adı
Benthophilus granulosus Kessler, 1877
Mühafizə statusu
Az qayğı tələb edənlər Least Concern (IUCN 3.1)Least Concern: ???
Areal
Vikinövlərdə təsnifat Vikianbarda şəkillər ÜTMX   637027 MBMM   637951

Ziyilli çömçəxul (lat. Benthophilus granulosus ) — Çömçəxullar cinsinin bir nümayəndəsidir.

Yayılması

Xəzərin endemik növü olub Azərbaycan sahillərində azsaylıdır, orta və cənub hissələrində yayılmışdır. Volqa çayının aşağı qollarında mövcuddur.

Morfoloji əlamətləri

D III-IV, I 8-9, A I 6-8-dir.Bədənin ön hissəsində xüsusən baş nahiyəsində daha çox enlənmiş, burnu girdədir. Başın üst hissəsi yastı olub yalnız gözlərin arasında yüngülcə çökəkdir. Çənəsində pərşəkilli bığcıq var. Ağzın küncləri arxasında dəri qırış zəif inkişaf etmişdir. Bədəni və başı üstdən və böyürlərdən çox xırda eyni ölçülü ziyillərlə sıx örtülmüşdür. Belində və bədənin böyürlərində üç iri tünd qonur xal var. Çənəsinin altında qısa bığcıq yerləşir. Uzunluğu 5-6 sm-ə qədər olur.

Yaşayış yeri və həyat tərzi

Dənizin 2 m-dən 200 m-ə qədər dərinliyində yaşayır. Duzlu sularda yaşayırlar. Yayda sahilə yaxın zonalarda, qışda isə dənizin dərinliklərində yaşayır. Əsasən molyuska və xərçəngkimilərlə qidalanır.

Çoxalması

1 il ömru var.Cinsi yetkinliyə 6-7 ayında çatır.İyun-iyul aylarında suyun səthində görünməyə başlayırlar.Dişi balıqlar kürülədikdən sonra ölürlər.

Təsərrüfat əhəmiyyəti

Vətəgə əhəmiyyəti yoxdur.

Ədəbiyyat

1. Azərbaycanın heyvanlar aləmi. Onurğalılar, III cild. Bakı: Elm, 2004, s. 148.
2. Əbdürrəhmanov Y.Ə. Azərbaycan faunası (Balıqlar), VII, cild, Bakı, Elm, 1966,s.218.