Bernard Liç
| Bernard Liç | |
|---|---|
| ing. Bernard Howell Leach | |
 | |
| Doğum tarixi | 5 yanvar 1887[1][2] |
| Doğum yeri | |
| Vəfat tarixi | 6 may 1979[1][2] (92 yaşında) |
| Vəfat yeri |
|
| Fəaliyyəti | keramikaçı, incəsənət xadimi, rəssam, universitet müəllimi |
| Fəaliyyət illəri | 1909-cu ildən |
| Mükafatları |
 |
 Vikianbarda əlaqəli mediafayllar | |
Bernard Hovell Liç (ing. Bernard Howell Leach; 5 yanvar 1887[1][2], Honkonq – 6 may 1979[1][2], Sent-Ayvs[d]) – yapon dulusçuluq sənətini tədqiq etməsinə görə tanınan ingilis dulusçu, keramikaçı, müəllif, filosof və yazıçı.[3] O, Qərb dünyasını yapon dulusçuluq sənətinin müxtəlif üslubları ilə tanış etmişdir.[3]
Həyatı
[redaktə | vikimətni redaktə et].jpg)
Liç Honkonqda doğulmuş, təhsilini İngiltərədə almışdır.[3] Sleyd İncəsənət Məktəbivə London İncəsənət Məktəbində təhsil aldıqdan sonra 1909-cu ildə Yaponiyaya getmiş, Yaponiyanı ofort texnikası ilə tanış etmişdir.[3] Yaponiyada keçirdiyi 2 ilin ardından Kenzan məktəbinin 6-cı nəsildən olan ustasından dulusçuluq sənəti öyrənməyə başlamışdır.[3] Kenzan məktəbi XVIII əsrin əvvəlində Kenzan Korinin qardaşı olan Kenzan Oqata tərəfindən qurulmuş dulusçuluq məktəbi idi.[3] Liç və dostu Kenkiçi Tomimoto Kenzan dulusçuluğunun 7-ci nəslini təmsil etmək üçün sertifikat əldə etmişdirlər.[3] Liç yapon dulusçuluq sənətinin müasir təmsilçisi olan Hamada Şoci ilə də yaxın münasibətlər qurmuşdur.[3]
Liç və Hamada 1920-ci ildə İngiltərəyə gedərək Sent-Ayvsda "Leach Pottery" şirkətini qurmuş, Qərb dünyasında ilk dəfə Asiya stilində olan ənənəvi dulusçuluq sobası tikmişdirlər.[3] Dünyanın müxtəlif yerlərindən olan peşəkar dulusçular və tələbələr dulusçuluq sənətini öyrənmək üçün Sent-Ayvs studiyasına gəlirdilər.[3] 1956-cı ildə studiyanı Liçin üçüncü arvadı olan, Hamada ilə birlikdə Yaponiyada dulusçuluq sənətini öyrənən Cenet Darnell idarə etməyə başlamışdır.[3] Liç 1929-cu ildə İngiltərənin Darlinqton şəhərində kiçik dulusçuluq studiyası da açmışdır.[3]
Liç 18 ilini Yaponiyada keçirmiş, bu ölkəni dəfələrdə ziyarət etmişdir.[3] Onun başlıca məhsulu seladon və Çin üslubunda olan temmoku kimi Asiyada təkmilləşdirilən daş keramikalar idi.[3] Liç Raku üslubunda olan dulusçuluq sənətindən və çay mərasimi üçün istifadə olunan əşyalardan ilham götürmüşdü.[3]
Təltifləri
[redaktə | vikimətni redaktə et]Liç dulusçuluq sənətindəki yaradıcılığına görə bir çox mükafata layiq görülmüşdür: Amerika Dulusçuluq Cəmiyyəti tərəfindən Binns medalına layiq görülmüş, Milanda Qızıl medalla təltif edilmiş, İngiltərənin Cənub-Qərb Universiteti tərəfindən fəxri doktorantura dərəcəsi almışdır.[3] 1966-cı ildə Yaponiya hökuməti tərəfindən ikinci dərəcəli "Müqəddəs xəzinə" ordeni ilə təltif edilmişdir.[3]
Kitabları
[redaktə | vikimətni redaktə et]Liç Hamada və Yanaqi Soetsu ilə birlikdə xalq sənətini tanıtmaq üçün hərəkat qurmuş, Yanaqinin xalq incəsənətinin estetikası haqqında olan kitabını "Naməlum sənətçi" (1972) adı altında ingiliscə nəşr etdirmişdir.[3] 1975-ci ildə Hamadanın xatirəsini yad etmək üçün "Hamada, dulusçuluqçı" kitabını yazmışdır.[3] Bu kitablardan əvvəl isə 1940-cı ildə "Dulusçunun kitabı", 1950-ci ildə isə "Dulusçunun portfoliosu" adlı işini nəşr etmiş, bu kitablarda estetik baxışları və dulusçu olması haqqında məlumatlar paylaşmışdır.[3]
Liç növbəti illərdə "Kenzan və onun ənənəsi" (1966), "Dulusçunun sənəti" (1967), "Şərq və Qərbin o tərəfində" (1978) adlı kitablar yazmışdır.[3]
İstinadlar
[redaktə | vikimətni redaktə et]Ədəbiyyat
[redaktə | vikimətni redaktə et]- Perkins, Dorothy. Encyclopedia of Japan: Japanese History and Culture, from Abacus to Zori. Roundtable Press. 1991. səh. 195. ISBN 0-8160-1934-7. İstifadə tarixi: 26 aprel 2022.
- 5 yanvarda doğulanlar
- 1887-ci ildə doğulanlar
- Honkonqda doğulanlar
- 6 mayda vəfat edənlər
- 1979-cu ildə vəfat edənlər
- 92 yaşında vəfat edənlər
- İngiltərədə vəfat edənlər
- "Britaniya imperiyası" ordeni komandorları
- Keramika sənətçiləri
- Dulusçular
- "Müqəddəs xəzinə" ordeni ilə təltif edilənlər
- Bəhailər
- Britaniya rəssamları
- Birləşmiş Krallıq pedaqoqları