Beyşehir Gölü Milli Parkı
| Beyşehir Gölü Milli Parkı | |
|---|---|
 | |
BTMB kateqoriyası — II (Milli park).svg){kind=logo} |
|
| Sahəsi |
|
| Yaradılma tarixi | 1993 |
| Yerləşməsi | |
| 37°41′45″ şm. e. 31°42′50″ ş. u. | |
| Ölkə | |
| Yerləşməsi | Beyşehir-Hüyük, Konya ili |
| beysehir.tabiat.gov.tr | |
|
|
|
Beyşehir Gölü Milli Parkı (türk. Beyşehir Gölü Milli Parkı) ― Türkiyənin Konya ilində 1993-cü ildə qurulmuş milli park.[1]
Coğrafiya[redaktə | mənbəni redaktə et]
Milli park Konya ilinin Beyşehir və Hüyük ilçələri daxilindədir. Park qərbdən Beyşehir gölü, cənubdan Beyşehir, şimaldan isə Hüyük ilə həmsərhəddir. Milli parkın yüksəkliyi 1,100 metr (3,600 ft)-dir. Parkın ərazisində yerləşən Beyşehir gölü Türkiyənin üçüncü ən böyük gölü və ən böyük şirin sulu gölüdür.[1] 86 855 hektarlıq ərazini əhatə edən Beyşehir Gölü Milli Parkı Ararat Dağı Milli Parkının qurulduğu 2004-cü ilə qədər ölkənin ən böyük milli parkı idi.[1][2]
Ekosistem[redaktə | mənbəni redaktə et]
Flora[redaktə | mənbəni redaktə et]
Milli parkın sərhədləri daxilində 85 fəsilə, 305 cins, 545 növ, 54 yarımnöv və 140 müxtəliflikdən ibarət bitki aləmi formalaşmışdır. Park ərazisindəki 560 taksonun 88-i endemikdir . Qorunan ərazi və ətrafında yayılan bitkilərə Livan sidri (Cedrus libani ), adi ardıc ( Juniperus communis ), qırmızımeyvəli ardıc (Juniperus phoenicea), ağ şam ( Abies), şam (Pinus), Quercus coccifera, göyrüş (Fraxinus), qoz ağacı (Juglans), erkək ayıdöşəyi (Dryopteris filix-mas), ( Anemone nemorosa), yuxu xaşxaşı (Papaver somniferum), boyaqotu (Rubia tinctorum), adaçayı (Salvia), xədicəgülü ( Galanthus) və meşənovruzu daxildir.[3]
Fauna[redaktə | mənbəni redaktə et]
Beyşehir gölü və ərazidəki kriklər sıf, karp və qarasol da daxil olmaqla 16 şirin su balığının yaşayış yeridir.[1][4]
Göl su quşları üçün olduqca vacibdir. Park ərazisində 153 quş növü var. Gölün dayaz sahilində qaşqaldaq, qutan, vağ, maygülü, yaşılbaş ördək, kçik maygülü və kəkilli qaraördək müşahidə olunur.[1][4]
Gölün ətrafı həm də suda-quruda yaşayanlar, sürünənlər və məməlilərlə zəngindir. Park üç amfibiya, 14 sürünən və 34 məməli növü üçün yaşayış yeridir.[4]
Təsislər və istirahət[redaktə | mənbəni redaktə et]
Milli park gəzinti və dağ velosipedi kimi müxtəlif açıq hava fəaliyyətləri üçün imkanlar təklif edir.[5] Göldə gəmi gəzintisi də mümkündür.[6]
Parkda yaşayış yeri yoxdur. Buna baxmayaraq, yaxınlıqdakı Beyşehir şəhəri turistləri otel, motel və yataqxanalar ilə təmin edir.[5]
Milli parkda istirahət fəaliyyəti üçün ən yaxşı vaxt may və oktyabr ayları arasındadır.[7]
İstinadlar[redaktə | mənbəni redaktə et]
- ↑ 1 2 3 4 5 "Beyşehir Gölü Milli Parkı" (türk). Doğa Koruma ve Milli Parklar Genel Müdürlüğü. 2015-01-28 tarixində orijinalından arxivləşdirilib. İstifadə tarixi: 2016-09-04.
- ↑ "Beyşehir Gölü Artık Türkiye'nin En Büyük Milli Parkı Değil". Haberler (türk). 2013-11-13. İstifadə tarixi: 2016-09-05.
- ↑ "Beyşehir Gölü Milli Parkı - Flora" (türk). Doğa Koruma ve Milli Parklar Genel Müdürlüğü. 2016-10-26 tarixində orijinalından arxivləşdirilib. İstifadə tarixi: 2016-09-05.
- ↑ 1 2 3 "Beyşehir Gölü Milli Parkı - Fauna" (türk). Doğa Koruma ve Milli Parklar Genel Müdürlüğü. 2016-10-26 tarixində orijinalından arxivləşdirilib. İstifadə tarixi: 2016-09-05.
- ↑ 1 2 "Beyşehir Gölü Milli Parkı - Alandaki Tesisler-Konaklama" (türk). Doğa Koruma ve Milli Parklar Genel Müdürlüğü. 2016-09-03 tarixində orijinalından arxivləşdirilib. İstifadə tarixi: 2016-09-05.
- ↑ "Beyşehir Gölü Milli Parkı - Ziyaret Planlama" (türk). Doğa Koruma ve Milli Parklar Genel Müdürlüğü. 2016-09-06 tarixində orijinalından arxivləşdirilib. İstifadə tarixi: 2016-09-05.
- ↑ "Beyşehir Gölü Milli Parkı - Alandaki Rekreasyonel Kullanımlar" (türk). Doğa Koruma ve Milli Parklar Genel Müdürlüğü. 2016-10-26 tarixində orijinalından arxivləşdirilib. İstifadə tarixi: 2016-09-05.
