Beynəlxalq Biokimya və Molekulyar Biologiya İttifaqı

Vikipediya, azad ensiklopediya
Naviqasiyaya keçin Axtarışa keçin
Beynəlxalq Biokimya və Molekulyar Biologiya İttifaqı
Yaranma tarixi 1952
Rəsmi dili ingilis dili
Sədr Con Ginovard
iubmb.org

Beynəlxalq Biokimya və Molekulyar Biologiya İttifaqı (ing. International Union of Biochemistry and Molecular Biology) — beynəlxalq qeyri hökumət təşkilatı. Beynəlxalq Biokimya İttifaqı kimi 1955-ci ildə yaradılmış, 1991-ci ildən indiki adı ilə fəaliyyət göstərməkdədir. 1955-ci ildən Beynəlxalq Elm üzrə Şuraya daxildir. İttifaqın əsas vəzifəsi dünyadakı ən yeni nailiyyətləri nəzərə almaqla biokimyamolekulyar biologiya sahəsində tədqiqatların və təhsilin inkişafına kömək etməkdir.

2010-cu ilin məlumatlarına görə 77 ölkənin alimlərini özündə birləşdirir. İttifaq 3 ildən bir biokimyamolekulyar biologiya üzrə tədqiqatların bütün əsas istiqamətlərinin təqdim olunduğu beynəlxalq konqreslər keçirir. 1992-ci ildən konqreslərin çağırış dövrləri arasında konfranslar və xüsusi müşavirələr keçirilir.

İttifaq işçi müşavirələrini təşkil və himayə edir, inkişaf edən ölkələrin gənc tədqiqatçıları üçün maarifləndirici proqramlar yaradır, biokimyəvi nomenklaturanın qəbul olunmuş standartları haqqında məlumat nəşr etdirir. Maliyyələşməsinin əsasını ittifaqın üzvlərinin üzvlük haqları və sponsor yardımı təşkil edir.

İttifaq regional biokimya cəmiyyətləri ilə sıx əməkdaşlıq edir. Bütün bu cəmiyyətlər formal olaraq ittifaqın şöbələridir və ondan maliyyə yardımı alır. İttifaq bir sıra jurnalların nəşrinə kömək edir.

Prezidentləri[redaktə | mənbəni redaktə et]

Prezidentlər[1]
Sıra. Müddət Prezident Ölkə
18. 2015-… Con Ginovard İspaniya İspaniya
17. 2012–2015 G. Petsko ABŞ ABŞ
16. 2007–2012 A. Azzi ABŞ ABŞ
15. 2006 G. Kenyon ABŞ ABŞ
14. 2003–2006 M. Osborn Almaniya Almaniya
13. 2000–2003 B.F.C Clark Danimarka Danimarka
12. 1997–2000 W.J. Whelan ABŞ ABŞ
11. 1994–97 K. Yagi Yaponiya Yaponiya
10. 1991–94 H.L. Kornberg Böyük Britaniya Birləşmiş Krallıq
9. 1988–91 E.C. Slater Niderland Niderland
8. 1985–88 M. Grunberg-Manago Fransa Fransa
7. 1979–85 H.G. Wood ABŞ ABŞ
6. 1979 F. Lynen Almaniya Almaniya
5. 1976–79 Aleksandr Baev Rusiya Rusiya
4. 1973–76 Osamu Hayaishi Yaponiya Yaponiya
3. 1967–73 A.H.T. Theorell İsveç İsveç
2. 1961–67 S. Ochoa ABŞ ABŞ
1. 1955–61 M. Florkin Belçika Belçika

Mənbə[redaktə | mənbəni redaktə et]

  • Azərbaycan Milli Ensiklopediyası (25 cilddə). 3-cü cild: Babilistan – Bəzirxana (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2011. səh. 510. ISBN 978-9952-441-07-9.

İstinadlar[redaktə | mənbəni redaktə et]

  1. IUBMB Previous Officers Arxivləşdirilib 2016-11-20 at the Wayback Machine. Retrieved 2/12/2015.