Beynəlxalq Həmkarlar İttifaqları Konfederasiyası
Beynəlxalq Həmkarlar İttifaqları Konfederasiyası və ya qısaca BHİK (ing. International Trade Union Confederation - ITUC) — bütün dünya üzrə işçilərin hüquqlarını qoruyan əsas və ən irimiqyaslı həmkarlar ittifaqı təşkilatı. Qurumun baş qərargahı Brüsseldə yerləşir.
Tarixi[redaktə | mənbəni redaktə et]
Konfederasiya 1 noyabr 2006-cı ildə Avstriyanın Vyana şəhərində keçmiş Beynəlxalq Azad Həmkarlar İttfaqları və Ümümdünya Əmək Konfederasiyalarının birləşməsi nəticəsində yaradılıb.
Tərkibi[redaktə | mənbəni redaktə et]
Hazırda BHİK-in sıralarında 155 ölkənin 176 milyon işçisinin maraqlarını qoruyan 301 həmkarlar ittifaqı təşkilatı cəmləşir. Bununla yanaşı, konfederasiyanın tərkibinə bir neçə regional və beynəlxalq stuktur daxildir.
Fəaliyyəti[redaktə | mənbəni redaktə et]
Qurum fəaliyyətində gənclərə, qadınlara və miqrasiya problemlərinə xüsusi yer ayırır. Bu məsələlərə dair bir sıra layihələr həyata keçirir. BHİK beynəlxalq təşkilat olduğundan təşəbbüskarlıq etdiyi layihələrdə çox sayda ölkə iştirak edir.
Strukturu[redaktə | mənbəni redaktə et]
Dörd ildən bir BHİK-in Konqresi keçirilir. Təşkilatın Nizamnaməsinə əsasən, Konqres zamanı Konfederasiyanın gələcək iş proqramı və fəaliyyət siyasəti müzakirə olunur. Daha sonra isə qurumun rəhbər vəzifələrinə, yəni baş katib, prezident və muavinlər, növbəti dörd il üçün digər məsul şəxslər seçilir.
Rəhbərləri[redaktə | mənbəni redaktə et]
Hazırda BHİK-in baş katibi Şeron Baroudur.
Beynəlxalq əməkdaşlıq[redaktə | mənbəni redaktə et]
BHİK-in əsas məqsədi beynəlxalq əməkdaşlıq yolu ilə əməkçi insanların hüquqlarını qorumaq, onların həyat səviyyəsini və iş şəraitini yüksək səviyyəyə qaldırmaqdır. Bunun üçün də təşkilat fəaliyyətini qlobal, geniş və beynəlxalq fəaliyyət çərçivəsində aparır. Əsas prinsip olaraq isə konfederasiya cəmiyyətdə və iş yerlərində diskriminasiyanı aradan qaldırmaq və bərabərliyi təmin etməkdə görür. BHİK Pan Avropa Regional Şurasının vasitəsilə Avropa Həmkarlar İttifaqları Konfederasiyası ilə əməkdaşlıq edir. Bununla yanaşı, konfederasiyanın dünyanın irimiqyaslı həmkarlar ittifaqları mərkəzləri, Həmkarlar İttifaqlarının Məsləhət Komitəsi, Beynəlxalq Əmək Təşkilatı ilə də sıx əlaqəsi var.
Mənbə[redaktə | mənbəni redaktə et]
- Afaq HÜSEYNOVA. Beynəlxalq Həmkarlar İttifaqları Konfederasiyası Arxivləşdirilib 2016-03-05 at the Wayback Machine. "Ülfət" qəzeti, 5 fevral 2013-cü il. (az.)
Xarici keçidlər[redaktə | mənbəni redaktə et]
- ituc-csi.org — Beynəlxalq Həmkarlar İttifaqları Konfederasiyasının rəsmi saytı