Bifidobakteriyalar

Vikipediya, azad ensiklopediya
Jump to navigation Jump to search
Bifidobakteriyalar
Bifidobacterium adolescentis Gram.jpg
Elmi təsnifat
Aləmüstü: Nüvəsizlər
Aləmi: Bakteriyalar
Elmi adı
Bifidobacterium

Wikispecies-logo.svg
Vikinnövlərdə
təsnifat

Commons-logo.svg
Vikianbarda
şəkil

ÜTMS 50
MBMM 2

Bifidobakteriyalar (Bifidobacterium) – qrammüsbət anaerob bakteriyalar cinsi. Çox vaxt bucaq altında birləşən, bəzən şaxələnmiş, azacıq əyilmiş, sancaqşəkilli, 1,5–8,0 mkm uzunluğunda çöpəoxşar olur. Spor əmələ gətirmir. 25 növü vardır. İstiqanlı heyvanların ağız boşluğunda və bağırsaqlarında yaşayır; südəmər uşaqların və cavan kənd təsərrüfat heyvanlarının bağırsaq mikroflorasında çox olur. Bifidobakteriyalar sirkə və süd turşusu (heterofermentativ süd turşusu bakteriyaları) əmələ gətirməklə karbohidratları qıcqırdır. Çürüdücü və patogen bakteriyaların inkişafını dayandırmaqla insan bağırsağı mikroflorasının zəruri balansının saxlanmasına kömək edir. Bifidobakteriyalar üçün vitaminlər zəruridir, lakin müxtəlif növlər vitaminlərə olan tələbatına görə bir-birindən fərqlənir. Belə ki, B.bifidum, B.lonqum, B.infantisin üstünlük təşkil etdiyi insan bağırsaqlarından alınmış Bifidobakteriyaların bütün ştamlarının yalnız riboflavinə (B2 vitamini) ehtiyacı var. Bifidobakteriyalar müxtəlif ağartı məhsullarının istehsalında istifadə edilir.