Bilderberq klubu

Vikipediya, azad ensiklopediya
Naviqasiyaya keçin Axtarışa keçin
Niderlandın "Bilderberq" oteli

Bilderberq klubu (ing. Bilderberg Club), Bilderberq qrupu (ing. Bilderberg Group), Bilderberq konfransı (ing. Bilderberg conference), Bilderberq toplantıları (ing. Bilderberg meetings) — dünyanın ən güclü, planetin ən nüfuzlu və ən zəngin insanlarının, beynəlxalq və regional miqyaslı siyasi, iqtisadi, mədəni dairələrin, özəl biznes və bank sahəsinin ən nüfuzlu şəxslərinin illik qeyri-formal yığıncağı[1]. Klubun mənzil-qərargahı Karneqi Fondunun Nyu-York ofisində yerləşir.[1]

Tarixi[redaktə | mənbəni redaktə et]

Klub iştirakçıları
border=none Əsas məqalə: Bilderberq toplantılarının siyahısı

Klubun ilk toplantısı Amerika xüsusi xidmət orqanlarının himayəsi altında[1] 29 may 1954-cü ildə Niderlandın Osterbek şəhərindəki "Bilderberq" otelində olub.[2][3] Qrup öz adını da buradan götürüb.[4] Burada Niderlandın kral sarayının dəvətilə 12 ölkədən 70 nəfər iştirak edib.[4]

Klubun ilk rəhbəri hollandiyalı şahzadə, Niderland kraliçasının həyat yoldaşı Bernard

İlk toplantıdan bəri hər dəfə yeni bir yerdə toplaşırlar.[5] Onların tərkibi klubun rəhbər şurası tərəfindən diqqətlə seçilərək müəyyənləşdirilir.[1] İştirakçılar bu konfransın nəticələrindən istifadə edə bilərlər.[1] Lakin onların toplantıdakı çıxışların, iddiaların detallarını açıqlamağa ixtiyarları yoxdur.[1]

Klubun 60 illik tarixindən artıq bir dövrdə mətbuata klubun iclaslarında nə baş verdiyi, kimin nə danışdığı haqda heç bir məlumat daxil olmayıb.[4] Əgər hansısa jurnalist araşdırmalarının nəticələri mətbuata sizsa, onu heç kəs təsdiq və ya təkzib etməyə tələsmir.[4] Tədqiqatçı, Niderlandın Hərbi Sənədlər İnstitutunun elmi işçisi, Avropa tarixinə dair bir neçə kitabın müəllifi Cerard Aalder bildirir ki,

"Bilderberq konfransı ətrafında nə qədər şayiələr dolaşsa da, bir şey dəqiqdir: Bilderberq klubu, ilk növbədə, milyardlarla dollar potensial investisiyadır."[1]

Klubunun son toplantısı 2015-ci il 11-14 iyun tarixləri arasında Avstriyanın Tirol əyalətinin Telfs-Buhen qəsəbəsindəki "İnteralpen" otelində keçirilir.[4] 22 ölkədən 140-a yaxın adam bu toplantıya dəvət alıb.[4]

Məqsədi[redaktə | mənbəni redaktə et]

Təşkilatın yaradılmasından sonra qarşıya qoyulan əsas məqsəd öz mərkəzi bankı, sonradan vahid valyutası olan Avropa superdövlətinin yaradılması və Avroatlantizm prinsiplərinin möhkəmləndirilməsi idi.[1] Son hədəf isə vahid qlobal hökumətin yaradılması olaraq müəyyənləşdirilmişdi.[1]

Strukturu[redaktə | mənbəni redaktə et]

Bilderberq klubu 3 dairədən formalaşır:[1]

  • Xarici dairə — kifayət qədər genişdir və klub iştirakçılarının yarıdan çoxu oraya daxildir. Onlar klubun hədəfləri, strategiyanın reallaşdırılması üsulları haqqında o qədər də məlumatlı deyil.[1]
  • İdarə komitəsi dairəsi — daha qapalı sayılan dairə olub, 35 nəfərdən ibarətdir. Bu dairəyə daxil olan insanlar, demək olar ki, klubun işi və məqsədləri haqda hər şeyi bilirlər.[1]
  • Məşvərətçi komitə dairəsi — ən kiçik dairədir. Onun, təxminən, 10 üzvü var. Təşkilatda baş verən hər şey haqda məhz həmin insanlar məlumatlıdırlar və qərar qəbul etmək səlahiyyətləri də onlardadır.[1]

Rəhbərləri[redaktə | mənbəni redaktə et]

  • Şahzadə Bernard (1954–1975)[6]
  • Alek Duqlas-Hom (1977–1980)[6]
  • Volter Şel (1981-1985)[7][8]
  • Erik Rol (1986–1989)[9]
  • Peter Karinqton (1990–1998)[10][11]
  • Etyen Daviqnon (1999–2011)[12][13][14]
  • Henri de Kastries (2012-ci ildən)[15]

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. ↑ 1 2 3 4 5 6 7 8 9 10 11 12 13 Bilderberq klubu: Pərdəarxasi hakimiyyət? Arxivləşdirilib 2019-09-16 at the Wayback Machine pia.az, 24.06.2014  (az.)
  2. ↑ "Bilderberg mystery: Why do people believe in cabals?". BBC News. 7 June 2011. 10 June 2011 tarixində orijinalından arxivləşdirilib. İstifadə tarixi: 14 June 2011. (#invalid_param_val)
  3. ↑ "Japan–US Relations — Past, Present and Future". The Daily Yomiuri. Tokyo. 8 December 1991.
  4. ↑ 1 2 3 4 5 6 Bilderberq klubu: dünya hakimiyyətinin sirləri Arxivləşdirilib 2016-03-05 at the Wayback Machine. sputnik.az, 12.06.2015  (az.)
  5. ↑ Planetə kim rəhbərlik edir? Arxivləşdirilib 2013-03-10 at the Wayback Machine anspress.com, 18.01.2013  (az.)
  6. ↑ 1 2 "Twenty-fifth Bilderberg meeting held in St joseph MO". Facts on File World News Digest. 14 May 1977.
  7. ↑ "Bilderberg Meetings Conference Report 1981". 2016-01-02 tarixində arxivləşdirilib. İstifadə tarixi: 2015-06-14.
  8. ↑ "Bilderberg Meetings Conference Report 1985". 2016-01-02 tarixində arxivləşdirilib. İstifadə tarixi: 2015-06-14.
  9. ↑ Who's Who (UK). 1999.
  10. ↑ Rockefeller, David. Memoirs. New York: Random House. 2002. səh. 412. ISBN 9780679405887.
  11. ↑ "Bilderberg Meetings Conference Report 1990". 2016-03-06 tarixində arxivləşdirilib. İstifadə tarixi: 2015-06-14.
  12. ↑ "Inside the secretive Bilderberg Group". BBC News. 29 September 2005. 25 July 2008 tarixində orijinalından arxivləşdirilib. İstifadə tarixi: 5 August 2008. (#invalid_param_val)
  13. ↑ "Booklet of the 1999 annual conference". Schnews. 2000-03-02 tarixində orijinalından arxivləşdirilib. İstifadə tarixi: 2015-06-14.
  14. ↑ "Final List of Participants of the 2011 Bilderberg annual conference". Official website. 2011-08-28 tarixində orijinalından arxivləşdirilib. İstifadə tarixi: 2015-06-14.
  15. ↑ "Final List of Participants of the 2012 Bilderberg annual conference". Official website. 2013-07-26 tarixində orijinalından arxivləşdirilib. İstifadə tarixi: 2015-06-14.

Xarici keçidlər[redaktə | mənbəni redaktə et]

Vikianbarda Bilderberq klubu ilə əlaqəli mediafayllar var.
Mənbə — "https://az.wikipedia.org/w/index.php?title=Bilderberq_klubu&oldid=7407171"