Biofizika İnstitutu

Vikipediya, açıq ensiklopediya
Jump to navigation Jump to search


Biofizika İnstitutu - Azərbaycan Milli Elmlər Akademiyasının nəzdində fəaliyyət göstərən elmi-tədqiqat müəssisəsidir. Institutda 28 nəfər əməkdaş çalışır. Onlardan 4 nəfəri elmlər doktoru, 4 nəfəri fəlsəfə doktoru, 1 nəfər böyük elmi işçi, 8 nəfəri elmi işçi, 11 nəfəri isə texniki işçilərdir.

İnstitutun direktoru AMEA-nın müxbir üzvü, professor, fizika-riyaziyyat elmləri doktoru Oktay Qasımovdur.[1]

Tarixi[redaktə | əsas redaktə]

Azərbaycan müstəqillik əldə edəndən bu yana müxtəlif mövzularda regional və qlobal əməkdaşlığa, dialoqa, qarşılıqlı yardıma xidmət edən tədbirlərə ev sahibliyi edib. Onların sırasında Bakı Beynəlxalq Humanitar Forumu xüsusi yer tutur. Ənənəvi olaraq, Forum paytaxtımızda 2011-ci ildən keçirilməkdədir və hər il bu mühüm tədbir, dünyanın müxtəlif tanınmış siyasətçilərini, alimlərini, ictimai xadimlərini, kütləvi informasiya vasitələri nüməyandələrini və müxtəlif peşə sahiblərini bir araya gətirir. Bu tədbirlərdə dünyanın müxtəlif ölkələrindən Nobel mükafatı laureatlarının iştirakını da xüsusi vurğulamaq lazımdır. Onların sırasında Kimya üzrə Nobel mükafatı laureatları, professor Keri Benks Mullis, Arye Varş, Kurt Vütrex, Əhməd Ziveil, fiziologiya və təbabət üzrə Nobel mükafatı laureatları professor Ervin Neyer və Tomas Kristian Züdhofu, fizika sahəsi üzrə Corc Smutu və başqalarını misal göstərmək olar.[2]

Qabaqcıl dünya alimlərinin fikrincə XXI əsr biologiyada, o cümlədən biofizikada keyfiyyətcə yeni ciddi elmi irəliləyişlər əsri olacaq. Eyni zamanda bu sahənin Azərbaycanda da inkişafı müasir dövrün tələblərindəndir. Azərbaycanda biofiziki tədqiqatları inkişaf etdirmək, Biofizika İnstitutunun təsis edilməsi Dövlət təşəbbüsü ilə başlanan bir prosesdir və bunun üçün ciddi zəmin və zərurət mövcuddur.

Belə ki, 2011-ci ildə Prezident İlham Əliyevin Bakıda keçirilən Humanitar Forumun iştirakçısı olan Kaliforniya Texnologiya İnstitutunun Fiziki Biologiya Mərkəzinin direktoru kimya və biologiya sahəsində diqqətəlayiq işləri ilə fərqlənən Əhməd Ziveil ilə apardığı danışığın çox böyük əhəmiyyəti olmuşdur. Əhməd Ziveil Azərbaycan Respublikasının müasir, yüksək inkişaf etmiş müsəlman ölkəsi olduğunu qeyd etmiş və burada biofizikanın inkişafının vacibliyini qeyd etmişdir. Onun 02 avqust 2016-cı ildə vaxtsız vəfatı biofizika elmi üçün böyük itki oldu və görmək istədiyi işlər yarımçıq qaldı.[3]

Ardınca, 2 il sonra 09 noyabr 2015-ci tarixində AMEA-nın 70 illik yubileyinə həsr olunmuş ümumi yığıncaqda Dövlət Başçısının qarşısında çıxış edərkən digər Nobel mükafatı laureatı Kaliforniya Universitetinin professoru Corc Smut Azərbaycanda biofizika sahəsində yeni işlərin mühüm əhəmiyyətini qeyd etmişdir. O AMEA-nın prezidenti, akademik Akif Əlizadəyə müraciət edərək Azərbaycanda biofiziki tədqiqatları inkişaf etdirmək və bu işdə bilavasitə yaxından iştirak etmək marağını bildirmişdi.[4] Bu istiqamətdə C.Smutun müraciəti və arqumentləri təhlil edilmişdir. AMEA-nın Fizika İnstitutunda müasir elmi texniki potensialın və qabaqcıl avadanlıqlarla iş təcrübəsinin mövcudluğunu nəzərə alaraq, qurumun nəzdində 2014-cü ildə “Biofizika və Smart Materiallar Mərkəzi” kimi bünövrəsi qoyulan struktur 2016-cı ilin İyul ayının 20-dən müstəqil Biofizika İnstitutu kimi fəaliyyətə başlamışdır. [5]

Fəaliyyət göstərən laboratoriyalar:[redaktə | əsas redaktə]

Formalaşmaq üzrə olan laboratoriyalar:[redaktə | əsas redaktə]

Fəaliyyət göstərən qruplar:[redaktə | əsas redaktə]

Əsas fəaliyyət istiqamətləri[redaktə | əsas redaktə]

Biofizika İnstitutunun qarşısında duran əsas vəzifə biofizika sahəsində insan sağlamlığı ilə bağlı fundamental tədqiqatlar aparmaq, onların praktikaya köçürülməsinə yardım etməkdir. İlk növbədə Azərbaycan üçün mühüm əhəmiyyət kəsb edən işlər prioritet işlər seçiləcək. Bütün işlərin istiqaməti “laboratoriya masasından xəstəxana çarpayısına doğru”olacaq.

Daxili və xarici əlaqələri[redaktə | əsas redaktə]

Keçirilən görüşlərin nəticəsi olaraq, artıq dünyanın bir neçə tanınmış alimləri ilə danışıqlar aparılaraq İnstitutun Beynəlxalq Məşvərət Şurasında iştirak etməyə dəvət olunurlar. Onların sırasında ABŞ Milli Elmlər Akademiyasının üzvləri, Massaçüst Texnologiya İnstitutunun professoru Harvi Lodişi, Los Anjeles Kaliforniya Universitetinin professoru Veyn-Habbeli misal göstərmək olar. Onlar hüceyrə-membran fiziologiyası və zülalların struktur-dinamikası üzrə dünyada tanınmış alimlərdəndir.

Xarici keçidlər[redaktə | əsas redaktə]

Həmçinin bax[redaktə | əsas redaktə]

Biofizika

İstinadlar[redaktə | əsas redaktə]

  1. Biofizika Institutu
  2. "Bakı IV Beynəlxalq Humanitar Forumu", 02.10. 2014
  3. Prezident Ilham Əliyev Nobel mükafatı laureatı Əhməd Ziveili qəbul etdi
  4. AMEA-nın 70-illik yubileyində Nobel mükafatı laureatı, professor Corc Ficerald Smut çıxış etmişdir
  5. Biofizika İnstitutu yaradıldı