Bloke yaylası

Vikipediya, azad ensiklopediya
Naviqasiyaya keçin Axtarışa keçin


Bloke yaylası

Bloke, bloşka (sloven. Bloška planota, Bloke) — Sloveniyanın cənub-qərbində yerləşən yayla (plato). Yayla boşqab formasında olub ölkənin tarixi Krayna bölgəsindədir.

Ümumi məlumat[redaktə | mənbəni redaktə et]

Yaylanun uzunluğu 15 km, eni isə 10 km-dir. Yaylanın hündürlüyü 700 metrdən 800 metr arasında dəyişir.[1] Geoloji baxımdan yayla Rakitna tektonik blokundan və iki fərqli dinar sınma zolağından təşkil olunub. Coğrafiyaçı Anton Melikin fikirinə görə Bloke yaylası pliosen dövrünün yenidən aktivləşən bölgəsinin qalığıdır. Əhəng daşıdolomit mənşəli süxurlardan ibarət olan yayalada səth axınları yetərincə yüksəkdir. Ərazidə rütübətlənmə yüksək olduğundan bataqlıq ərazilərə rast gəlinir. Bol sulu çoxlu su mənbələri mövcuddur (Bloşniça). Bloke gölü (Bloško jezero), su anbarı Volçe qəsəbəsi yaxınlığındadır. Bloke yayalasına su axımı əsasən Çerknisa gölü ilə tənzimlənir. Mövcud eroziya prosesləri yaylanı bir neçə dərəyə parçalayıb. Bloşçisa və Loçisa dərələri sonda Bloke-Farada birləşir (Bloško-Farovško polje).Bölgədə 45 yaşayış məntəqəsi mövcuddur və bunlar Bloke inzibati mərkəzinə tabedir.

Bloke yaylasına bir neçə istiqamətdə yetişmək mümkündür. Əsas istiqamətlərdən biri Lyublyanadan olan A1 avtomaqistiralı ilə olan yoldur. Digər istiqamət isə Unek qəsəbəsindən eləcə də Çerkniça, Ribniça şəhərlərindən keçir. Ərazinin ən görməli məkanlarından biri Xaç mağarasıdır (Križna jama). Çerknisa gölü də turizm mərkəzi hesab olunur. Ərazidə Snejni regional parkı yaradılmışdır. Bloke yayalası həm də Sloveniyanın dağ xizək idmanı mərkəzi kimi tanınır.[2] Hər il burada müxtəlif qış idmanı növləri üzrə yarışlar keçirilir.

Bloke yayalası haqqında ilk tarixi məlumat 1260-cı ildə verilmişdir. Antik dövrlərdə ərazi roma imperiyasının təsiri altında idi.

Xarici keçidlər[redaktə | mənbəni redaktə et]

İstinadlar[redaktə | mənbəni redaktə et]

  1. Jerić, Marjeta. 2006. Bloška planota in Vidovski hribi. Drago Kladnik (ed.), Slovenija III, pp. 57–72. Ljubljana: Založba ZRS, p. 57.
  2. Perko, Drago, & Milan Orožen Adamič. 1998. Slovenija: pokrajine in ljudje. Ljubljana: Mladinska knjiga, p. 412.