BloodRayne 2

Vikipediya, açıq ensiklopediya
Jump to navigation Jump to search
Picto infobox gamepad.png
BloodRayne 2
Bloodrayne2 ps2 front.JPG
Hazırlayan Flag of the United States.svg Terminal Reality
Nəşr edən
Seriya BloodRayne
Buraxılış tarixləri 12 oktyabr 2004
Janrlar Döyüş, Hack and slash
Prodüserlər Reymond Holms
Dizaynerlər Reymond Holms
Ceff Mills
Dryu Havort
Ssenaristlər Dryu Havort
Reymond Holms
Ceff Mills
Con Şirli
Rəssamlar Skott Vetterşnayder
Bəstəkarlar Kayl Riçards
Texniki məlumat
Platformalar
Mühərriklər Infernal Engine
Open Dynamics Engine
Oyun rejimləri Birnəfərli oyun
Daşıyıcı SteamGOG.com[d]
İdarəetmə qeympad, klaviatura və maus
Rəsmi saytı

BloodRayne 2 (azərb. Qanlı Reyn 2‎) — 12 oktyabr 2004-cü ildə ABŞ-ın Terminal Reality kompaniyası tərəfindən hazırlanan və Majesco Entertainment kompaniyası tərəfindən nəşr edilən döyüş janrında olan video oyun. BloodRayne 2-də baş verən hadisələr ilk BloodRayne oyununun bitdiyi yerdən 60 il sonra, 2000-ci illərdə cərəyan edir.

Süjet[redaktə | əsas redaktə]

Oyun Hellouin gecəsində Dariel Zerenskinin iqamətgahında başlayır. Reyn yeni tərəfdaşı Severin ilə birlikdə Brimstoun cəmiyyəti üçün çalışır. Onlar birlikdə Keyqanın övladlarından olan Zerenskinin iqamətgahına daxil olurlar. Onun Keyqanın kultundakı işi şəhərdə yaşayan mafiya başçılarını və şəhər rəsmilərini öldürməkdir. İqamətgahda axtarışa başlayan Reyn ilk öncə Zerenskinin mühavizəçiləri ilə qarşılaşır.

Dampirlə döyüşdükdən sonra Reyn vampir olan atası Keyqanın portretinin asıldığı otağa daxil olur. Bunun ardınca oyunda 60 il öncə Reyn və Keyqanın Brimstoun qərargahında ilk və son qarşılaşdığı səhnə göstərilir. Bir neçə nasistlə birlikdə Keyqan kitabxanada axtarış aparır. Kitabxanaya daxil olan Reyn Keyqanı öldürmək üçün gəldiyini elan edir. Reynin onun övladlarından biri olduğunu anlayan Keyqan Reynin sözlərinə əhəmiyyət vermir və onun anasının kim olduğunu soruşur. Keyqan Reynə adları yaddaşında tuta bilmədiyini, lakin bunun bir önəminin olmadığını və Reynin anasının ailəsi ilə birlikdə öldürüldüyünü söyləyir. Kitabxanada axtarış aparan Keyqan "Gecə ulduzu" adlandırılan kristal əşyanı çəkməcədən çıxarır. Reynin onu öldürmək istədiyini bilən Keyqan Reynin müəllimi professor Trimeyni döşəmədən havaya qaldırır. Ağır xəsarət almış Trimeynin bağırsağının boğazına dolaşdırıldığı göstərilir. Onların bir-birini tanıdığını bilən Keyqan Trimeynin daha bir övladını ondan oğurladığını vurğulayır. O, eyni zamanda Brimstoun cəmiyyətinin "Gecə ulduzu"nun gücü ilə tanış olduğunu və onun Reyn də daxil olmaqla bütün vampirləri məhv edə biləcəyini söyləyir. Daha sonra Trimeyn qumbara çıxarır, amma ilk öncə Reynə qaçması üçün zaman verir və qumbaranı əlində partladır. Keyqanı öz əlləri ilə öldürməkdən məhrum olan Reyn növbəti 60 ili onun övladlarını öldürməklə keçirir. İqamətgahda Zerenski ilə üz-üzə gələn Reyn onunla döyüşür və iqamətgahın damında onu öldürür.

Bu arada isə Keyqanın övladları günəş şüalarını vampirlər üçün zərərsizləşdirən "Kəfən" adlandırdıqları maddəni havaya buraxırlar. "Kəfən" təbiətdə kabusabənzər pozğunluqlara səbəb olur. Reyn isə Keyqanın qızları Efemera və Ferril ilə qarşılaşır. Reyn və Ferril "Kəfən" zavodunun damında döyüşürlər. Nəticədə zavodda böyük partlayış baş verir və qalıqlar Reynin üstünə düşür. O, oyandığında Keyqanın yaşadığına şahid olur. Efemera Keyqana xəyanətinə görə Ferrili öldürür. Keyqanın sağ olduğunu öyrənən Reyn ailəsinin qisasını ala biləcəyi üçün xoşbəxt olur. "Kəfən"in səmanı bürüməsi ilə Keyqan dünyanı ələ keçirir. Reyn onu öldürmək üçün yaşadığı qülləyə doğru yola düşməyə başlayır. Bu yolda o, qarşısına çıxan Efemeranı məğlub edir və daha sonra Ferrilin hələ də yaşadığını öyrənir. Keyqandan qisas almaq üçün qülləyə daxil olan Ferril Keyqanın oğlu və "Kəfən"in əsl yaradıcısı Zerks tərəfindən yandırılaraq, öldürülür. Zerkslə qarşılaşan Reyn onun "Gecə ulduzu"ndan istifadə edərək Keyqanın parçalarını yenidən birləşdirib, diriltdiyini öyrənir. Zerksə qalib gəldikdən sonra Reyn qülləni ələ keçirir və son olaraq Keyqanın taxt-tac zalında onunla döyüşməyə başlayır. Döyüş boyunca Keyqan Reynə onu necə yaratdığını danışaraq, Reyni ələ salır. Nəticədə Reyn qalib gəlir və Keyqanın başını üzür.

Keyqanın öldürülməsinə baxmayaraq, vampirlər hələ də dünyanı ələ keçirmişdir. Bunun üçündə Severin Reynə hər şeyi yola qoymasını təklif edir. Lakin Brimstoun cəmiyyəti baş verən hadisələrdən sonra bütün Reyn və Severin də daxil olmaqla bütün vampirlərə savaş elan edir.

Personajlar[redaktə | əsas redaktə]

Personaj Məlumat
Reyn Qisas üçün atasını axtaran dampir. Brimstoun cəmiyyəti üçün işləyir.
Severin Reynin tərəfdaşı. Brimstoun cəmiyyətinin üzvü.
Keyqan Reynin atası. İnsanlığı bitirib, yeni vampir erasını başlatmaq istəyən nasist.
Efemera Keyqanın qızı. Hiyləgər xarakteri ilə seçilən və kölgələri portal kimi istifadə edə bilən vampir.
Ferril Keyqanın fiziki cəhətdən ən güclü olan övladı. Keyqanı öldürüb, yerinə keçməyə çalışır.
Zerks Keyqanın ən sadiq övladı, alim və "Kəfən"in yaradıcısı.
Zerenski Zəngin vampir aristokrat, Keyqanın oğlu. Yarasa sürüsünə dönüşə bilir.
Slezz Babilistanda yaranmış qədim nəhəng vampir. Keyqanın kultuna yeni uşaqların dünyaya gətirilməsi ilə töhfə verir.

İstinadlar[redaktə | əsas redaktə]

Həmçinin bax[redaktə | əsas redaktə]