Booster Fuels

Vikipediya, açıq ensiklopediya
Jump to navigation Jump to search
Booster Fuels
Booster Fuels logo.jpg
Tipi şəxsi
Yaranma tarixi 2014
Təsisçilər Frenk Maykroft, Dieqo Netto, Tayler Ro
Yeri Barlingeym, Kaliforniya, Flag of the United States.svg ABŞ
Sənaye yanacaq
Məhsulu qazolin
İşçi sayı 100
Sayt boosterfuels.com

Booster Fuels (azərb. Gücləndirici yanacaqlar‎) – ABŞ səyyar yanacaq çatdırma şirkəti. Booster Fuels şirkətinin əsası 2014-cü ildə Boeing şirkətinin mühəndisi Frenk Maykroft, həmsədrlər Dieqo Netto və Tayler Ro tərəfindən qoyulmuşdur. Böyük parkinqləri olan şirkətlər Booster şirkəti ilə əməkdaşlıq edərək müştərilərə bir çox xidmətlər təklif edir. İstifadəçilər avtomobilini bu parkinq ərazilərində saxlayır, yanacaq çənin qapağını açıq qoyduqdan sonra isə tətbiqdə yanacaq istədiyini qeyd edir və gündəlik həyatlarına davam edə bilirlər.[1]

Haqqında[redaktə | əsas redaktə]

Booster Fuels şirkəti avtomobillər üçün parkinq yerində yanacaq təmin edə bilən yeganə şirkətdir. Booster şirkəti Kaliforniyada olduqca məşhurdur. Ştat ərazisində 20-dən çox şəhərdə fəaliyyət göstərir. Facebook, Pepsi kimi şirkətlər onun müştəriləri siyahısındadır. Şirkət gün ərzində milyondan çox çatdırılma həyata keçirir və bir gündə $80.000-100.000 gəlir əldə edir. Booster şirkəti gəlirini $32 milyona qədər artırmağı bacarmışdır və 2019-cu ilin əvvəllərində 3 yeni ştatda filialların açılması planlaşdırılır.[1]

Hər kəs sadəcə bir düyməyə basaraq avtomobilinə yanacaq vura bilər, amma onun qiyməti qaz paylayıcı stansiyalardakı ilə müqayisədə nisbətən az olur. Çünki yanacaqdoldurma məntəqəsində ABŞ-da müştərinin 3.7 litr üçün ödədiyi pulun müəyyən bir qismi (40 senti) məntəqənin xərclərinə yönəldilir. Lakin məntəqəyə malik olmayan Booster şirkəti bu cəhətdən bir addım öndədir. Minik maşınları ilə yanaşı, yük maşınlarına da eyni cür xidmət göstərilir. Şirkət rəhbərliyi hesab edir ki, texnologiya inkişaf etdikcə qiymətlər daha da aşağı salına bilər.[1]

Qaz və yanacaq ilə işləyən yük maşınlarının sayındakı ciddi artım, şirkəti onlara göstərilən xidmətləri daha da yaxşılaşdırmağa vadar edir. Eyni zamanda şirkət elektriklə çalışan avtomobillərin də elektriklə təminatını hədəfləyir. Bu qəbildən olan avtomobillərin sayının artdığını nəzərə alan şirkət yaxın gələcəkdə mövcud prinsiplər əsasında səyyar modullar vasitəsilə elektrik paylamağı da planlaşdırır.[1]

İstinadlar[redaktə | əsas redaktə]

  1. 1,0 1,1 1,2 1,3 "Səyyar yanacaq çəni – innovativ texnologiya" (azərbaycanca). Azərbaycan Elm Assosiasiyası. 12 fevral 2019 tarixində arxivləşdirilib. İstifadə tarixi: 12 fevral 2019.

Xarici keçidlər[redaktə | əsas redaktə]