Boradigah bələdiyyəsi

Vikipediya, açıq ensiklopediya
Jump to navigation Jump to search

Boradigah qəsəbəsi[redaktə | əsas redaktə]

Boradigah 1966-cı ildən Azərbaycan Respublikasının Masallı rayonunun tabeçiliyində olan şəhər tipli qəsəbədir. İnzibati ərazi vahidi üzrə Boradigah qəsəbəsi MollaobaBabaser kəndlərini özündə birləşdirir. Ümumi əhalisi 10681 nəfərdir.(2009). Boradigah Talış dağlarının ətəyində, Lənkəran ovalığında Boradigah çayının hər iki sahilində yerləşir.Qəsəbə əhalisinin əsas məşğuliyyəti əkinçilik və maldarlıqdır. Qəsəbədə 1853-1854-cü illərdə tikilmiş memarlıq abidəsi olan məscid, XIX əsrə aid olan günbəzli 2 hamam, 4 orta məktəb, sağlamlıq mərkəzi, məişət evi, taxıl dəyirmanı, 2040 yerlik elektron ATS, 2 şadlıq evi, 2 restoran fəaliyyət göstərir.

Boradigahmeisetevi.jpg
Boradigahshadliqsarayi.jpg
Boradigahaynursadliqsarayi.jpg
Aynurrestoran.jpg
Ticaret.JPG


Boradigah bələdiyyəsi[redaktə | əsas redaktə]

Boradigah qəsəbə bələdiyyəsi 1999-cu ilin dekabr ayında keçirilmiş ilk bələdiyyə seçkilərində yaranmışdır. Bələdiyyənin 11 üzvü vardır. Bələdiyyənin ilk sədri Talıbzadə Hümmət Davud oğlu olmuşdur. 2008-ci ildən bələdiyyəyə Əhmədov Ədalət Ağahüseyn oğlu sədrlik edir. Ali təhsillidir, Dövlət İdarəçilik Akademiyası-nın kursunu bitirmişdir.

Bələdiyyənin ərazisi 10349500 kv.metr, əhalisi 6280 nəfərdir (2009) Bələdiyyənin 2008-2009-cu illər üçün büdcə proqnozu 15000 manat olmuşdur. Bələdiyyədə aşağıdakı daimi komissiyalar fəaliyyət göstərir:

  1. Torpaq və iqtisadiyyat komisiyası
  2. Büdcə və sosial müdafiə komisiyası
  3. Elm, təhsil, mədəniyyət, səhiyyə və idman komissiyası
  4. Ekologiya komissiyası.

Bələdiyyə mülkiyyətinə verilən torpaqlar: 281,32 hektardır.

  • Əkin – 41,52 ha
  • Örüş – 23,87 ha
  • Yollar—35,15 ha
  • Kənd altı sahə -101,10 ha
  • Qəbristanlıq – 5,58 ha
  • İctimai tikinti – 20,28 ha
  • Yararsız – 12,93 ha
  • Meşə zolağı-10,99 ha.

Boradigah bələdiyyəsi ərazidə təmizlik və abadlıq işləri ilə məşğul olur. Hər həftə küçələrdən, məhəllələrdən, evlərdən məişət tulllantıları yığılaraq daşınır.Qəsəbənin küçə və kanalizasiyaları təmizlənir, yaşıllaşdırma işləri aparılır, orta məktəblərin təmirinə köməklik göstərilir və payız-qış aylarında məktəblərin sinif otaqlarını qızdırmaq məqsədilə onlara odun və ağ neft verilir.

Məktəblərdə təhsilin keyfiyyətini yaxşılaşdırmaq və şagirdlərin və müəllimlərin dərslərə davamiyyətlərini yaxşılaşdırmaq məqsədi ilə hər il "İlin ən yaxşı müəllimi", "İlin ən yaxşı şagirdi" və "İlin ən nümunəvi sinfi" pul mükafatlarını təsis edir. Şəhid və imkansız ailələrə, Qarabağ əlillərinə yardımlar edilir.

Qəsəbədə idmanın inkişafına kömək məqsədi ilə hər il məktəblilər arasında müxtəlif yarışlar, gənclər arasında "Mini-futbol turniri" keçirilir.

Bələdiyyənin büdcəsi hesabına 350 yerlik Bələdiyyə sarayı tikilir. Tikintidə son tamamlama işləri görülür.

İstinadlar[redaktə | əsas redaktə]