Brfxxccxxmnpcccclllmmnprxvclmnckssqlbb11116

Vikipediya, azad ensiklopediya
Jump to navigation Jump to search
Adın deyilişi

Brfxxccxxmnpcccclllmmnprxvclmnckssqlbb111161996-cı ildə İsveçdəki uşağın valideynlərinə qeydiyyatı rədd edilmiş bir ad[1][2]. Hadisə ABŞİngiltərə də daxil olmaqla bir çox ölkələrin kütləvi informasiya vasitələrində işıqlandırılmışdır.[3]

Bu ilk bu tip hadisələrdən biri idi; daha sonra qeyri-adi adların qeyd edilməsindən imtina halı həm İsveçdə[2], həm də Rusiya daxil olmaqla dünyanın digər ölkələrində qeydə alındı.[4]

Tarixi[redaktə | mənbəni redaktə et]

Valideynlər, Elizabet Hallin və tanınmış təşəbbüskar Lasse Diding (özünü "kapitalist üzü olan bir kommunist" olaraq xarakterizə edirdi) 1991-ci ildə dünyay gəlmiş övladlarına İsveçdə geniş yayılmış Albin adı verdilər. Lakin onlar 1996-cı ilə qədər oğlanlarının adını qeydiyyatdan keçirməkdən imtina etdilər. Onlar bu imtinanı vətəndaşların şəxsi həyatına artan dövlət müdaxiləsinə və xüsusilə İsveç adları qanununa qarşı etiraz kimi izah etdilər.[1] 1982-ci ildən bəri qüvvədə olan bu qanun uşaqlara qoyulmasına icazə verilən adları tənzimləyər və o illər daha da sərtləşmişdir.

Uşağın beş yaşı bitdikdən sonra, İsveçin cənub-qərbində yerləşən Halmstad şəhər məhkəməsi 1996-cı ilin may ayında valideynlərə uşağını adını qeydiyyatdan keçirməyi rədd etdiklər üçün 5000 kron (təxminən 550 avro) cərimə tətbiq etdi. Cavab olaraq valideyinlər uşağa 43 hərf və rəqəmdən ibarət bir ad qoymaq üçün icazə istədi - Brfxxccxxmnpcccclllmmnprxvclmnckssqlbb11116. Onlar iddia edirdilər ki, bu ad hərflərin ekspressionizm formalı yığımından ibarət bir sənət əsəridir. Məhkəmə, bu adı "açıq-aşkar gülünc" adlandırmış və imtina verilmişdir.[3]

Valideynlər Göteborq məhkəməsinə apelyasiya şikayəti etdilər. Onlar məhkəmədə bildirdilər ki, ada «patafiziki mənada» baxmaq gərək. Bununla onlar fransız Alfred Jarrinin əsərlərini və Patafizika kolleci təşkilatını nümunə kimi göstərirdilər. Apelyasiya məhkəməsi isə onların dəlillərini nəzərə almadı və Halmstad məhkəməsi tərəfindən verilən cərimə qərarını qüvvədə saxladı.[3]

İstinadlar[redaktə | mənbəni redaktə et]

  1. 1 2 "Baby named Metallica rocks Sweden" (ingilis). BBC News. 2007-04-04. 2012-07-15 tarixində arxivləşdirilib. İstifadə tarixi: 2011-02-26.
  2. 1 2 "Laws Against Baby Names" (ingilis). New York Times. 2009-05-12. 2012-07-15 tarixində arxivləşdirilib. İstifadə tarixi: 2011-02-28.
  3. 1 2 3 "No laughs for Swedes' name game" (ingilis). Reuters, Boston Globe. 1996-05-30. 2012-07-15 tarixində arxivləşdirilib. İstifadə tarixi: 2011-02-15.
  4. Александр Мешков, Сергей Беленя (2003-06-23). "Хочешь, я угадаю, как тебя зовут? БОЧ рВФ 260602!". Комсомольская правда. İstifadə tarixi: 2011-02-26.